1 Mose 42:18 - ŊMALƐ KRƆŊKRƆŊ LƐ

¹⁸ Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

Ṅmãle̱ Kroṅkroṅ Le̱

¹⁸ Ni gbĩ ní dši gbĩ etẽ le̱ Iosef kē̱ame̱ ake̱: Nyefea ene̱, ní nyeyi aná wala; ši mi le̱ mīše Nyoṅmo̱ gbeyei.

1 Mose 42:18 ပူးပေါင်းရင်းမြစ်များ

1 Mose 20:11

Abraham to he akɛ, “Miyasusu akɛ ekolɛ mɛi ni yɔɔ biɛ nɛɛ lɛ sheee Nyɔŋmɔ gbeyei, ni amɛbaagbe mi yɛ miŋa lɛ hewɔ.

1 Mose 39:9

Ehã mi hewalɛ yɛ shĩa nɛɛ nɔ tamɔ lɛ diɛŋtsɛ nɔŋŋ, ni ekãmãaa mi nɔ ko nɔ ko akɛ ja bo pɛ kɛkɛ; ejaakɛ bo lɛ eŋa ji bo. Te aaafee tɛŋŋ mɔ ni mafee efɔŋ kpeteŋkple ni tamɔ nɛkɛ hu ni mafee esha mashi Nyɔŋmɔ hu?”

1 Mose 42:19

Kɛ anɔkwafoi ji nyɛ lɛ, nyɛhãa atsĩa nyɛnyɛmimɛi lɛ ateŋ mɔ kome naa yɛ kpabuŋ lɛ mli, koni nyɛ mɛi ni eshwɛ lɛ nyɛŋɔ abele kɛya yɛ hɔmɔ ni yɔɔ nyɛshĩai lɛ hewɔ,

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Nehemia 5:9

Kɛkɛ ni mitsa miwiemɔ lɛ nɔ, ni mikɛɛ, “Nɔ ni nyɛfeɔ lɛ ejaaa. Ani esaaa akɛ nyɛkɛ wɔNyɔŋmɔ lɛ he gbeyeishemɔ baa nyɛjeŋ koni wɔkɛku wɔhe fɛo ni jemajiaŋbii ni ji wɔhenyɛlɔi lɛ yeɔ lɛ naa lo?

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

2 Mose 1:17

Shi yoofɔlɔi lɛ yashe Nyɔŋmɔ gbeyei, ni amɛfeee nɔ ni Ijipt maŋtsɛ lɛ kɛɛ amɛ lɛ, shi moŋ amɛhere gbekɛbii hii lɛ ayiwala.

2 Mose 18:21

Ni asaŋ halamɔ maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, mɛi ni amɛsheɔ Nyɔŋmɔ gbeyei hu, ni amɛ ji anɔkwafoi ni heee nyɔɔŋnii, koni oto amɛ kui anɔkwɛlɔi: mɛi nyɔŋmanyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ akpeakpe kui anɔkwɛlɔi.

3 Mose 25:17

No hewɔ lɛ, nyɛteŋ mɔ ko mɔ ko akashishiu enyɛmi; shi nyɛshea nyɛNyɔŋmɔ lɛ gbeyei. Mi ji Yehowa, nyɛNyɔŋmɔ lɛ.”

3 Mose 25:43

Okaye amɛnɔ kɛ yiwalɛ; shi oshe oNyɔŋmɔ lɛ gbeyei.

Luka 18:2

Ekɛɛ, “Kojolɔ ko yɛ maŋ ko nɔ, ni esheee Nyɔŋmɔ gbeyei, ni asaŋ ebuuu gbɔmɔ ko.

Luka 18:4

Ni ekpɛlɛ̃ɛɛ aahu. Shi fee sɛɛ lɛ ekɛɛ yɛ eyiŋ akɛ, ‘Yɛŋ akɛ misheee Nyɔŋmɔ gbeyei, ni mibuuu gbɔmɔ hu moŋ nɛ,