1 Mose 41:8 - ŊMALƐ KRƆŊKRƆŊ LƐ

⁸ Leebi lɛ etsui bɔ̃i yeli. Enɛ hewɔ lɛ, etsu ayatsɛ Ijipt nifeelɔi lɛ kɛ nilelɔi lɛ fɛɛ kɛba, ni egba amɛ elamɔ lɛ; shi amɛteŋ mɔ ko mɔ ko nyɛɛɛ Farao lamɔ lɛ shishi etsɔ̃ɔ.

Ṅmãle̱ Kroṅkroṅ Le̱

⁸ Ni eba mli ake̱ lebi le̱ etšui bõi yeli ye̱ emli, ni etšũ ayatšē̱ Mizraim woloṅlelo̱i ke̱ nilelo̱i fẽ kē̱-ba, ni Farao badšadše elamõ lē̱ etšõame̱; ši mokomoko be̱ ni nyẽ tšõ Farao šiši. Dan. 2,2.

1 Mose 41:8 ပူးပေါင်းရင်းမြစ်များ

1 Mose 40:6

Be ni Yosef tee amɛŋɔɔ leebi lɛ, eyoo akɛ amɛfee mɔbɔmɔbɔ.

1 Mose 40:8

Amɛto he akɛ, “Wɔla lamɔi komɛi, ni mɔ ko bɛ ni aaatsɔ̃ɔ wɔ shishi.” Yosef kɛɛ, “Ani lamɔ shishitsɔɔmɔ lɛ jeee Nyɔŋmɔ nɔ ni? Nyɛfainɛ, nyɛgbaa mi lamɔi lɛ!”

1 Mose 41:15

Farao kɛɛ Yosef akɛ, “Mila lamɔ ko, ni mɔ ko mɔ ko nyɛɛɛ mi shishi atsɔ̃ɔ. Minu ni akɛɛ yɛ ohe akɛ kɛji onu lamɔ ko lɛ, onyɛɔ shishi otsɔ̃ɔ.”

1 Mose 41:24

Abeletsei legelegei nɛɛ mii abele sɛɛbii kpokplokpoo kpawo lɛ. Migba lamɔ nɛɛ mitsɔ̃ɔ nifeelɔi lɛ, shi amɛteŋ mɔ ko mɔ ko naaa he nɔ ko ekɛɛ mi.”

1 Mose 41:7

Kɛkɛ ni abele sɛɛbii kpawo ni egbi kekree lɛ mii abele sɛɛbii ni eba kpokploo lɛ. Farao hiɛ tsɛ̃ ni ena akɛ lamɔ ni.

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

2 Mose 7:11

Kɛkɛ ni Farao hu hã ayatsɛ nilelɔi kɛ ŋkunyaayelɔi kɛba. Gbɔmɛi nɛɛ ji Ijipt ashwãifeelɔi lɛ. Amɛ hu amɛkɛ amɛkunyaayeli ŋai lɛ fee nakai nɔŋŋ.

2 Mose 7:22

Shi Ijipt ŋkunyaayelɔi lɛ hu kɛ amɛkunyaayelɔi fee nakai nɔŋŋ. Enɛ hã Farao tee nɔ ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:7

Shi ŋkunyaayelɔi lɛ kɛ amɛkunyaayeli ŋai lɛ fee nakai nɔŋŋ, ni amɛ hu amɛhã kɔkɔdenei ba Ijipt shikpɔŋ lɛ nɔ.

2 Mose 9:11

Ijipt ŋkunyaayelɔi lɛ nyɛɛɛ Mose hiɛ tete amɛshɛ yɛ asanei lɛ ahewɔ, ejaakɛ asane lɛ etsɛ̃rɛ ŋkunyaayelɔi lɛ kɛ Ijiptbii krokomɛi lɛ fɛɛ.

Yesaia 19:3

Mahã Ijiptbii awerɛ aho amɛhe fe nine, ni amɛyiŋtoi fɛɛ baafee yaka. Amɛbaaya amãgãi kɛ klamɔfoi kɛ sisai aŋɔɔ amɛyabi nii.

Yesaia 29:14

hewɔ lɛ, naa, mibafee naakpɛɛ nibii yɛ nɛkɛ maŋbii nɛɛ ahiɛ ekoŋŋ, ni amɛhe baajɔ̃ amɛhe. Amɛhii nilelɔi lɛ anilee lɛ baafee yaka, ni amɛhii hiɛtɛ̃lɔi lɛ ahiɛtɛ̃ɛ lɛ aaaŋmɛɛɛ amɛ.”

Yesaia 8:19

Kɛji mɔ ko aaakɛɛ nyɛ akɛ, “Nyɛyabia okɔmfoi kɛ klamɔfoi ni wieɔ gugɔjiaŋ kɛ akroma gbee lɛ nii lɛ, nyɛkɛa akɛ aso esaaa akɛ maŋbii biɔ amɛNyɔŋmɔ lɛ moŋ nii? Aso esa akɛ abiɔ gbohiinii ahaa hiɛkãalɔi moŋ?”

Daniel 1:20

Nilee fɛɛ nilee kɛ sane fɛɛ sane ni maŋtsɛ lɛ bi Daniel kɛ enyɛmimɛi lɛ, ena akɛ amɛle nii shii nyɔŋma toi abɔ fe emaŋtsɛyeli lɛ mli shikpɔji lɛ anɔ ninalɔi kɛ ashwãifeelɔi lɛ fɛɛ.

Daniel 4:18

“Lamɔ ni mi, Nebukadnezar mila nɛ; agbɛnɛ, Belteshazar, tsɔ̃ɔmɔ mi shishi, ejaakɛ mimaŋtsɛyeli nɛɛ mli nilelɔi fɛɛ nyɛɛɛ eshishi amɛtsɔ̃ɔ mi, shi bo lɛ obaanyɛ, ejaakɛ nyɔŋmɔi krɔŋkrɔŋi lɛ amumɔ yɛ omli.”

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 4:5

Shi mila lamɔ ko ni wo mihe gbeyei, ejaakɛ nibii ni mina yɛ lamɔ lɛ mli, be mli ni mikã shi miwɔ lɛ, yɛ gbeyei.

Daniel 4:6

No hewɔ lɛ, mifã akɛ atsɛ nilelɔi ni yɔɔ Babilon shikpɔŋ lɛ nɔ lɛ fɛɛ kɛba mihiɛ, koni amɛbatsɔ̃ɔ mi lamɔ lɛ shishi.

Daniel 4:7

Kɛkɛ ni klamɔfoi lɛ kɛ ashwãifeelɔi lɛ kɛ ŋulamiiaŋkwɛlɔi lɛ bashɛ mihiɛ. Migba amɛ lamɔ lɛ, shi amɛnyɛɛɛ mi lamɔ lɛ shishi amɛtsɔ̃ɔ.

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Daniel 7:28

Sane lɛ naagbee nɛ. Sane nɛɛ gba, mi Daniel, minaa naakpa, ni ehã migbɔmɔtso tsake; shi mikɛ sane lɛ to minakutsoŋ.

Daniel 8:27

Sane nɛɛ hã, mi Daniel, mifee vii; ni mihe ye be saŋŋ; kɛkɛ ni mite shi, ni mitee miyatsa nitsumɔ ni maŋtsɛ kɛwo midɛŋ lɛ nɔ. Mihe jɔ̃ mihe yɛ ninaa nɛɛ hewɔ; ni minuuu shishi.

3 Mose 19:31

“Nyɛkanyiɛa okɔmfoi kɛ mɛi ni tsɛɔ sisai anɔ, koni nyɛkawo nyɛhe muji. Mi ji Yehowa, nyɛNyɔŋmɔ lɛ.

3 Mose 20:6

“Kɛji mɔ ko yabi nii yɛ mɛi ni tsɛɔ sisai aŋɔɔ lɛ, mate shi mawo lɛ, ni mibuŋ lɛ mishiŋ miwebii lɛ anɔ dɔŋŋ.

Habakuk 3:16

Minu enɛɛmɛi, ni mihe kpokpo; gbɛɛmɔ lɛ hã minaabu jo bliblibli. Mikpɔiaŋ fee gbedee, ni minaji tɔ̃tɔ̃ yɛ shikpɔŋ. Mibata shi kpoo mamɛ gbi ni abaahao mɛi ni baa koni amɛkɛ maŋ lɛ abawu lɛ.

Mateo 2:1

Be ni afɔ Yesu yɛ Betlehem yɛ Yudea, yɛ Maŋtsɛ Herode yinɔ lɛ, nilelɔi jɛ bokã ba Yerusalɛm babi akɛ,

Bɔfoi 17:18

Shi nilelɔi ni ji Epikuromɛi kɛ Stoamɛi lɛ ateŋ mɛi komɛi kɛ lɛ taa naa ni mɛi komɛi kɛɛ, “Mɛni po naafuutsɛ nɛɛ taoɔ ekɛɛ?” Ni mɛi komɛi hu kɛɛ, “Etamɔ mɔ ni jajeɔ maŋsɛɛ jemawɔji ahe sane etsɔ̃ɔ.” Amɛkɛɛ enɛ ejaakɛ ejaje Yesu kɛ shitee lɛ he Sanekpakpa lɛ etsɔ̃ɔ amɛ.

Bɔfoi 7:22

Ni atsɔ̃ɔ Mose Ijipt nilee fɛɛ, ni efee mɔ ko ni yɔɔ hewalɛ yɛ ewiemɔi kɛ enitsumɔi amli.

1 Korintobii 1:19

Ejaakɛ aŋma akɛ, “Mafite nilelɔi anilee, Ni ŋaalɔi aŋaa lɛ hu mahã afee yaka.”

1 Samuel 6:2

Kɛkɛ ni Filistibii lɛ kpee amɛsɔfoi kɛ mɛi ni feɔ nii ni amɛgbaa lɛ, ni amɛbi amɛ akɛ, “Te wɔfee Yehowa Kpãŋmɔ Adeka lɛ tɛŋŋ? Nyɛtsɔa wɔ nɔ ni sa akɛ wɔkɛfata adeka lɛ he ni wɔkɛku sɛɛ kɛya he ni ejɛ.”