1 Mose 41:52 - ŊMALƐ KRƆŊKRƆŊ LƐ

⁵² Ewo mɔ ni ji enyɔ lɛ Efraim ni ekɛɛ, “Ejaakɛ Nyɔŋmɔ ehã miwo shwiei yɛ mimanehulu shikpɔŋ lɛ nɔ.”

Ṅmãle̱ Kroṅkroṅ Le̱

⁵² Ni ewo moni dši enyo̱ le̱ Efraim, ni ekē̱: Edšake̱ Nyoṅmo̱ ehã miwo ſĩei ye̱ mimanehũlũ šikpoṅ le̱ no̱.

1 Mose 41:52 ပူးပေါင်းရင်းမြစ်များ

1 Mose 17:6

Mahã owo shwiei babaoo diɛŋtsɛ, ni mahã majimaji ajɛ omli ni maŋtsɛmɛi aaajɛ omli.

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 41:51

Yosef wo ekromɔbi lɛ Manase ni ekɛɛ, “Ejaakɛ Nyɔŋmɔ ehã mihiɛ ekpa mihaomɔ lɛ kɛ mitsɛ we lɛ fɛɛ nɔ.”

1 Mose 41:53

Agbɛnɛ niyenii kpɔtɔɔ afii kpawo ni ba yɛ Ijipt shikpɔŋ lɛ nɔ lɛ sɛɛ bafo; ni hɔmɔyeli afii kpawo lɛ naa je,

1 Mose 48:1

Sane nɛɛ sɛɛ lɛ abakɛɛ Yosef akɛ, “Naa, otsɛ he miiye.” No hewɔ lɛ, Yosef ŋɔ ebihii enyɔ ni ji Manase kɛ Efraim efata ehe kɛtee.

1 Mose 48:14

Kɛkɛ ni Yakob kpã eninejurɔ mli ni ekɛŋmɛ Efraim ni ji gbekɛ lɛ yiteŋ, ni ekɛ ebɛku tsɔ̃ eninejurɔ lɛ nɔ ekɛŋmɛ Manase yiteŋ, tsɛbelɛ Manase ji kromɔ.

1 Mose 48:5

Yakob tsa ewiemɔ lɛ nɔ ni ekɛɛ, “Obihii enyɔ ni ji Efraim kɛ Manase ni ofɔ yɛ Ijipt dani miba oŋɔɔ lɛ, minii ji amɛ. Efraim kɛ Manase etsɔ̃mɔ mibii tamɔ Ruben kɛ Simeon nɔŋŋ;

1 Mose 49:22

“Yosef lɛ, tso nine ni woɔ yibii ni, tso nine ni ma nuhiŋmɛi he, ni eniji kwɔlɔɔ gbogbo.

1 Mose 50:23

Yosef na Efraim nanakansowai; ni Manase bi Makir bii lɛ hu afɔ amɛ ashwie eshuɔ nɔ.

Amos 6:6

Mɛi ni kɛ kpuji wuji nuɔ wain, ni mu ni hi fe fɛɛ amɛkpaa, shi Israel hiɛkpãtãmɔ lɛ edɔɔɔ amɛ kwraa lɛ.

4 Mose 26:28

Yosef shwiei lɛ akutsei ji Manase kɛ Efraim ni ji ebihii enyɔ lɛ.

Bɔfoi 7:10

ni ejie lɛ yɛ emanehului fiaa mli, ni ehã ehiɛ ba nyam, ni efee nilelɔ yɛ Ijipt maŋtsɛ Farao hiɛ, ni ewo lɛ lumɔ yɛ Ijipt kɛ lɛ diɛŋtsɛ ewe lɛ fɛɛ nɔ.

Yoshua 14:4

Akutsei enyɔ jɛ Yosef mli; amɛ ji Manase kɛ Efraim. Ahãaa Levibii lɛ amɛgbɛfaŋ shikpɔŋ pɔtɛ̃ɛ ko akɛ ja maji ni amɛaahi amɛmli kɛ maji lɛ ahe shikpɔji ni amɛkooloi ana nɔ jwɛi amɛye, ni amɛ gbɔmɛi lɛ hu amɛaana nɔ nii amɛye.

Yoshua 16:4

Shikpɔŋ nɛɛ ji nɔ ni akɛhã Yosef bii Manase kɛ Efraim shwiei lɛ akɛ amɛgbɛfaŋnɔ.

Yoshua 17:1

Ahã Manase akutso lɛ fã kome ni eshwɛ lɛ amɛgbɛfaŋ shikpɔŋ ejaakɛ Manase ji Yosef kromɔbi. Manase kromɔbi Mikir, ni ji Gilead tsɛ lɛ, akɛ Gilead kɛ Bashan hã lɛ ejaakɛ tawulɔ kpanaa ji lɛ.

1 Samuel 1:20

be ni shɛɔ afi naakplɔ lɛ Hana ena musu, ni efɔ binuu. Hana wo abifao lɛ gbɛi akɛ Samuel, ni ekɛɛ, “Ejaakɛ miba lɛ yɛ Yehowa dɛŋ.”