1 Mose 41:40 - ŊMALƐ KRƆŊKRƆŊ LƐ

⁴⁰ Bo obaaye miwe lɛ nɔ, ni bo toi mimaŋbii lɛ fɛɛ aaabo; sɛi lɛ gbɛfaŋ pɛ mafe bo yɛ.”

Ṅmãle̱ Kroṅkroṅ Le̱

⁴⁰ Bo ooye miwe le̱ no̱, ni odāṅ gbẽ toi mimaṅbii le̱ fē aabo; sẽi le̱ gbe̱fãṅ pe̱ mafèo ye̱. Dsads. 4,14. Lal. 113,7; 37,37.

1 Mose 41:40 ပူးပေါင်းရင်းမြစ်များ

1 Mose 39:9

Ehã mi hewalɛ yɛ shĩa nɛɛ nɔ tamɔ lɛ diɛŋtsɛ nɔŋŋ, ni ekãmãaa mi nɔ ko nɔ ko akɛ ja bo pɛ kɛkɛ; ejaakɛ bo lɛ eŋa ji bo. Te aaafee tɛŋŋ mɔ ni mafee efɔŋ kpeteŋkple ni tamɔ nɛkɛ hu ni mafee esha mashi Nyɔŋmɔ hu?”

1 Mose 44:18

Kɛkɛ ni Yuda tsi ebɛŋkɛ Yosef ni ekɛɛ, “Ofainɛ, minuŋtsɔ, hã otsulɔ awie nɔ kome pɛ, ni minuŋtsɔ abo mi toi ni kaahã omli wo otsulɔ la ejaakɛ otamɔ Farao diɛŋtsɛ nɔŋŋ.

1 Mose 45:26

Ni amɛbakɛɛ amɛtsɛ akɛ, “Ataa, Yosef yɛ jeŋ lolo, ni lɛ eyeɔ lumɔ yɛ Ijipt shikpɔŋ lɛ fɛɛ nɔ. Yakob yiŋ fee lɛ kɔshikɔshi ejaakɛ eheee amɛ eyeee.”

Ester 10:3

Mɔdekai, Yudanyo lɛ, batsɔ̃ Maŋtsɛ Ahashwerosh diɛŋtsɛ sɛɛmɔ tuuŋtu, kɛ gbɔmɔ wulu hu yɛ enyɛmimɛi Yudafoi lɛ ateŋ; amɛbuɔ lɛ, ni amɛsumɔɔ esane; ni lɛ hu be fɛɛ be lɛ etaoɔ emaŋbii lɛ kɛ amɛshwiei fɛɛ ekpakpa; ni ekɛ amɛ wieɔ kɛ naajɔlɛ.

Ester 3:1

Saji nɛɛ asɛɛ lɛ Maŋtsɛ Ahashwerosh wo nuu ko ni atsɛɔ lɛ Haman lɛ maŋsɔ̃ɔlɔ nukpa ni fe fɛɛ. Haman nɛɛ tsɛ gbɛi ji Hamedata, ni ejɛ Agag seshi mli.

Hiob 31:27

Kɛji nɔ ko elaka mitsui ni miwo amɛ yɛ teemɔŋ ni mishwɔ minine naa kɛ hiɛsɔlɛ mihã amɛ lɛ,

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Abe̱i 22:29

Nuu ni bɔɔ mɔdɛŋ, ni ele ŋaa jogbaŋŋ yɛ enitsumɔ mli lɛ, maŋtsɛmɛi ahiɛ tete eeedamɔ; edamɔŋ mɛi ni abuuu amɛ ahiɛ.

Daniel 5:29

Maŋtsɛ Belshazar fã amrɔ lɛ nɔŋŋ, akɛ awula Daniel kɛ lumɔ atade afaseo, kɛ shika kɔsɔŋkɔsɔ kuɛnii hu; asaŋ ashiɛ akɛ Daniel ji nɔyelɔ ni ji etɛ̃ yɛ maŋtsɛyeli lɛ mli.

Daniel 6:3

Daniel mumɔ kɛ emɔdɛŋbɔɔ naa wa, ni ana akɛ ehe esa fe onukpai krokomɛi lɛ fɛɛ. No hewɔ lɛ, maŋtsɛ lɛ to eyiŋ akɛ ebaaŋɔ Daniel eto emaŋtsɛyeli muu lɛ fɛɛ nɔ.

Bɔfoi 7:10

ni ejie lɛ yɛ emanehului fiaa mli, ni ehã ehiɛ ba nyam, ni efee nilelɔ yɛ Ijipt maŋtsɛ Farao hiɛ, ni ewo lɛ lumɔ yɛ Ijipt kɛ lɛ diɛŋtsɛ ewe lɛ fɛɛ nɔ.

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.