1 Mose 40:5 - ŊMALƐ KRƆŊKRƆŊ LƐ

⁵ Gbi ko nyɔɔŋ lɛ amɛyi enyɔ lɛ fɛɛ amɛla, Ijipt maŋtsɛ lɛ dãawolɔ nukpa lɛ kɛ ebolooshãlɔ nukpa lɛ ni awo amɛ tsuŋ lɛ, amɛteŋ mɔ fɛɛ mɔ kɛ elamɔ, kɛ lamɔ lɛ shishi hu.

Ṅmãle̱ Kroṅkroṅ Le̱

⁵ Ni ame̱yi enyo̱ le̱ fẽ ame̱la ye̱ nyōṅ kome mli, Mizraim maṅtše̱ le̱ dā̃wole̱ le̱ ke̱ ebološãlo̱ le̱ ni awoame̱ tšũṅ le̱ fẽ, mo ke̱ elamõ, mo ke̱ elamõ, ni mofẽmo lamõ ye̱ šiši.

1 Mose 40:5 ပူးပေါင်းရင်းမြစ်များ

1 Mose 20:3

Shi Nyɔŋmɔ ba Abimelek ŋɔɔ nyɔɔŋ yɛ lamɔ mli, ni ekɛɛ lɛ akɛ, “Naa, obaagbo yɛ yoo lɛ ni oyaŋɔ lɛ hewɔ, ejaakɛ mɔ ko ŋa ni.”

1 Mose 40:1

Saji nɛɛ asɛɛ lɛ, Ijipt maŋtsɛ lɛ dãawolɔ lɛ kɛ ebolooshãlɔ lɛ tɔ̃ amɛnuŋtsɔ ni ji Ijipt maŋtsɛ lɛ nɔ.

1 Mose 40:4

Blafoiatsɛ lɛ tu piafoi lɛ ewo Yosef dɛŋ ni ekwɛɔ amɛnɔ. Piafoi enyɔ lɛ ye be kplaŋŋ yɛ tsu lɛ mli.

1 Mose 40:6

Be ni Yosef tee amɛŋɔɔ leebi lɛ, eyoo akɛ amɛfee mɔbɔmɔbɔ.

1 Mose 40:8

Amɛto he akɛ, “Wɔla lamɔi komɛi, ni mɔ ko bɛ ni aaatsɔ̃ɔ wɔ shishi.” Yosef kɛɛ, “Ani lamɔ shishitsɔɔmɔ lɛ jeee Nyɔŋmɔ nɔ ni? Nyɛfainɛ, nyɛgbaa mi lamɔi lɛ!”

1 Mose 41:11

Be ni wɔyɔɔ jɛi lɛ, mi kɛ lɛ fɛɛ la gbi ko nyɔɔŋ, wɔteŋ mɔ fɛɛ mɔ kɛ elamɔ kɛ lamɔ lɛ shishi.

Ester 6:1

Nakai gbi lɛ nyɔɔŋ lɛ mli fɛɛ lɛ wɔ tse yɛ maŋtsɛ lɛ hiŋmɛiŋ. No hewɔ lɛ, efã akɛ ayakɔ yinɔi asaji ahe wolo lɛ kɛba koni abakane atsɔ̃ɔ lɛ.

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 4:5

Shi mila lamɔ ko ni wo mihe gbeyei, ejaakɛ nibii ni mina yɛ lamɔ lɛ mli, be mli ni mikã shi miwɔ lɛ, yɛ gbeyei.

Daniel 4:9

‘Belteshazar, klalɔi fɛɛ atsɛ, mile akɛ nyɔŋmɔi krɔŋkrɔŋi lɛ amumɔ yɛ omli, ni teemɔŋ sane ko teemɔŋ sane ko waaa hãaa bo; lamɔ ni mila lɛ nɛ; tsɔ̃ɔmɔ mi eshishi.’

4 Mose 12:6

ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.