1 Mose 39:9 - ŊMALƐ KRƆŊKRƆŊ LƐ

⁹ Ehã mi hewalɛ yɛ shĩa nɛɛ nɔ tamɔ lɛ diɛŋtsɛ nɔŋŋ, ni ekãmãaa mi nɔ ko nɔ ko akɛ ja bo pɛ kɛkɛ; ejaakɛ bo lɛ eŋa ji bo. Te aaafee tɛŋŋ mɔ ni mafee efɔŋ kpeteŋkple ni tamɔ nɛkɛ hu ni mafee esha mashi Nyɔŋmɔ hu?”

Ṅmãle̱ Kroṅkroṅ Le̱

⁹ mokomoko be̱ ni fèmi ye̱ šĩa ne̱, ni ekãmããmi nokonoko, ake̱ dša bo ke̱ke̱, edšake̱ bo le̱ eṅã dšio. Té aafe tẽṅ ni mafe efõṅ kpeteṅkple ni tamo̱ ne̱ke̱ ne̱, ni mafe eša maši Nyoṅmo̱ṅ? 2 Mose 20,14.

1 Mose 39:9 ပူးပေါင်းရင်းမြစ်များ

1 Mose 13:13

Shi Sodombii lɛ yiwalɔi ji amɛ, ni amɛfeɔ esha amɛshiɔ Yehowa.

1 Mose 20:3

Shi Nyɔŋmɔ ba Abimelek ŋɔɔ nyɔɔŋ yɛ lamɔ mli, ni ekɛɛ lɛ akɛ, “Naa, obaagbo yɛ yoo lɛ ni oyaŋɔ lɛ hewɔ, ejaakɛ mɔ ko ŋa ni.”

1 Mose 20:6

Kɛkɛ ni Nyɔŋmɔ kɛɛ Abimelek yɛ lamɔ lɛ mli akɛ, “Hɛɛ, mi hu mile akɛ onɔkwale fɛɛ okɛfee enɛ. Asaŋ, mi ni mitsi onaa koni okafee esha oshi mi, no hewɔ ni mihãaa bo hegbɛ akɛ ota ehe lɛ.

1 Mose 20:9

Kɛkɛ ni Abimelek tsɛ Abraham ni ekɛɛ lɛ akɛ, “Mɛni ofee wɔ nɛɛ? Mɛni esha mifee bo hewɔ ni otsi mi kɛ mimaŋtsɛyeli lɛ owo esha kpeteŋkple tamɔ nɛkɛ mli nɛɛ? Nɔ ni afeee ofee mi nɛɛ.”

1 Mose 24:2

Abraham kɛɛ etsulɔ ni ji ewe lɛ mli onukpa ni lɛ ekwɛɔ nii fɛɛ ni Abraham yɔɔ lɛ anɔ lɛ akɛ, “Ba ni okɛ onine abahɔ mishuɔ shishi

1 Mose 39:10

Yoo lɛ hiɛ Yosef kɛ wiemɔ daa nɛɛ, shi Yosef eŋɔɔɔ nɔ ni ekɛ lɛ awɔ aloo ebɛŋkɛ lɛ.

1 Mose 41:40

Bo obaaye miwe lɛ nɔ, ni bo toi mimaŋbii lɛ fɛɛ aaabo; sɛi lɛ gbɛfaŋ pɛ mafe bo yɛ.”

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

2 Samuel 11:27

Be ni Batsheba eye ŋkɔmɔ egbe naa lɛ, David tsu ni ayaŋɔ lɛ kɛba maŋtsɛ we lɛ, ni etsɔ eŋa. Batsheba kɛ David fɔ binuu. Shi sane ni David ye nɛɛ eŋɔɔɔ Yehowa naa.

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Nehemia 6:11

Shi mikɛɛ, “Aso nuu tamɔ mi baajo foi? Ani nuu tamɔ mi aaajo foi kɛya Sɔlemɔtsu lɛ mli, koni eyi ana wala? Miyaaa!”

Hiob 31:23

Ejaakɛ misheɔ Ofe lɛ dɛŋ hiɛkpãtãmɔ lɛ gbeyei. Ni minyɛŋ Ofe lɛ hiɛ madamɔ.

Lalai 51:4

Bo okoome pɛ mifee esha mishi, ni mifee efɔŋ yɛ ohiɛ. Oyeɔ bem kɛji ooobu mi fɔ, ni tɔ̃mɔ bɛ okojomɔ he.

2 Mose 20:14

“Kaafite gbãlã.

Abe̱i 6:29

Nakai eji hã nuu ni nyiɛɔ mɔ kroko ŋa sɛɛ; mɔ ko mɔ ko bɛ ni aaata ehe ni eeeye ehe kɔkɔɔkɔ.

Abe̱i 6:32

Shi nuu ni fiteɔ gbãlã lɛ ebɛ yitsoŋ; mɔ ni feɔ nakai lɛ, lɛ diɛŋtsɛ ehe efiteɔ.

Jajelɔ 7:26

Mina nɔ ko ni joɔ fe gbele tete; no ji yoo. Etsui mli eyi kɛ tsɔnei kɛ yai ni akɛduɔ mɔ, ni eniji lɛ kɔsɔŋkɔsɔ ni fimɔɔ mɔ ni. Mɔ ni sheɔ Nyɔŋmɔ gbeyei jeɔ yoo akpa mli; shi eshafeelɔ lɛ yoo duɔ lɛ.

Yeremia 28:16

No hewɔ lɛ, bɔ ni Yehowa kɛɛ nɛ, ‘Naa, mibajie bo yɛ shikpɔŋ nɛɛ nɔ. Afi nɛɛ nɔŋŋ mli lɛ obaagbo, ejaakɛ owie atuatsemɔ wiemɔ oshi Yehowa.’ ”

Yeremia 50:7

Mɛi fɛɛ ni naa amɛ lɛ kpãtãa amɛhiɛ, ni amɛhenyɛlɔi lɛ kɛɔ akɛ, ‘Wɔyeee fɔ, ejaakɛ amɛfee esha amɛshi Yehowa, mɔ ŋɔɔ ni amɛshihilɛhe diɛŋtsɛ yɔɔ lɛ, ni ji amɛtsɛmɛi lɛ ahiɛnɔkãmɔ lɛ.’

3 Mose 20:10

“Kɛji nuu ko kɛ nuu kroko ŋa ku gbãlã mli lɛ, agbe nuu gbãlãŋkulɔ kɛ yoo gbãlãŋkulɔ lɛ fɛɛ.

3 Mose 6:2

“Kɛji mɔ ko fee Nyɔŋmɔ shishi esha yɛ tso ni etso yɛ nɔ ko ni enyɛmi Israelnyo kɛhã lɛ shitoo aloo ekɛto lɛ awaba, aloo eju enyɛmi lɛ nɔ ko, aloo etswa lɛ ojo,

4 Mose 32:23

Shi kɛji nyɛyeee nyɛshiwoo lɛ nɔ yɛ Yehowa hiɛ lɛ, no lɛ nyɛtɔ̃ Yehowa nɔ, ni bɔ fɛɛ bɔ ni fee lɛ nyɛbaana nyɛtɔ̃mɔ lɛ he toigbalamɔ.

Luka 12:48

shi mɔ ni leee ni eyafee yiinii lɛ, aaayi lɛ fioo. Shi mɔ fɛɛ mɔ ni aŋɔ pii ahã lɛ, pii aaatao yɛ edɛŋ; ni mɔ ni atu pii awo edɛŋ lɛ, aaabi nɔ ni teke nɔ shi yɛ edɛŋ.”

1 Korintobii 4:2

Shi nɔ ni eshwɛ ni ataoɔ yɛ tsuji nukpai adɛŋ ji akɛ ana amɛ akɛ anɔkwafoi.

Tito 2:10

amɛkashara nii, shi moŋ amɛhã ana amɛ akɛ mɛi ni yeɔ anɔkwa kɛmɔ shi, koni amɛkɛwula Nyɔŋmɔ ni ji wɔyiwalaherelɔ lɛ tsɔ̃ɔmɔ lɛ yɛ nibii fɛɛ mli.

Hebribii 13:4

Awo gbãlã hiɛ nyam yɛ nyɛ fɛɛ nyɛteŋ, ni akabule gbãlã saa hu; shi ajwamãŋbɔlɔi kɛ gbãlãŋkulɔi lɛ, Nyɔŋmɔ baakojo amɛ.

1 Yohane 3:9

Mɔ fɛɛ mɔ ni Nyɔŋmɔ fɔ lɛ lɛ, efeee esha, ejaakɛ esu yɛ emli, ni enyɛŋ esha efee, ejaakɛ Nyɔŋmɔ fɔ lɛ.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.