1 Mose 39:3 - ŊMALƐ KRƆŊKRƆŊ LƐ

³ Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

Ṅmãle̱ Kroṅkroṅ Le̱

³ Ni enuṅtšo̱ le̱ na ake̱ Iehowa ke̱le̱ ye̱, ni Iehowa hãa nofẽno ni efeo̱ le̱ ſereo̱ ye̱ edeṅ.

1 Mose 39:3 ပူးပေါင်းရင်းမြစ်များ

1 Mose 21:20

Nyɔŋmɔ kɛ gbekɛ nuu lɛ yɛ ni eda. Ehi shi yɛ ŋa lɛ nɔ ni etsɔ gãitsɛ̃lɔ ni he esa naakpa.

1 Mose 21:22

Nɛkɛ be nɛɛ mli lɛ, Abimelek kɛ etatsɛ Fikol bakɛɛ Abraham akɛ, “Nyɔŋmɔ kɛ bo yɛ, yɛ nibii fɛɛ ni ofeɔ lɛ mli.

1 Mose 21:23

No hewɔ lɛ, agbɛnɛ, okɛ Nyɔŋmɔ akã mi kitã yɛ biɛ nɛɛ akɛ oyeŋ mi loo mibii loo mihɔi kutumpɔo; shi bɔ ni miyeɔ bo anɔkwa lɛ, nakai obaafee mi kɛ shikpɔŋ ni obato gbɔ yɛ nɔ nɛɛ.”

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

1 Mose 26:28

Ni amɛkɛɛ, “Naa, wɔna akɛ Yehowa kɛ bo yɛ, no hewɔ lɛ, hã ni wɔkɛ bo akpãŋ kpãŋmɔ ko,

1 Mose 30:27

Shi Laban kɛɛ lɛ akɛ, “Kɛ oooŋmɛ mi gbɛ ni mawie lɛ, mitsɔ̃ gbalɛ nɔ mina mile akɛ bo ohewɔ ni Yehowa ejɔɔ mi nɛɛ.

1 Mose 30:30

Ejaakɛ be ni miba lɛ, kooloi fioo ko kɛkɛ oyɔɔ; shi amrɔ nɛɛ amɛshwere babaoo; mi mihewɔ Yehowa ejɔɔ bo babaoo nɛɛ. Shi agbɛnɛ mɛɛbe mabua nɔ ko naa mahã mi diɛŋtsɛ miwe hu.”

1 Mose 39:2

Yehowa kɛ Yosef yɛ, ni ehã efee nɔbatsɛ.

1 Mose 39:21

Shi Yehowa kɛ Yosef yɛ. Ena lɛ mɔbɔ ni ehã ena hiɛ yɛ gboklɛfoi akwɛlɔ lɛ hiɛ.

1 Mose 39:23

Gboklɛfoi akwɛlɔ lɛ gbaaa ehe naa yɛ nii ni etu ewo Yosef dɛŋ lɛ he, ejaakɛ Yehowa kɛ Yosef yɛ, ni nɔ fɛɛ nɔ ni efeɔ lɛ, Yehowa hãa eyeɔ omanye.

2 Maŋtsɛmɛi 18:7

Ni Yehowa kɛ lɛ yɛ, ni he fɛɛ he ni eyaa lɛ eyayeɔ omanye. Etse Asiria maŋtsɛ lɛ hiɛ atua, ni esɔ̃mɔɔɔ lɛ.

1 Kronika 22:13

Kɛji ojwɛŋ nɔ ni oye akpɔi kɛ mlai ni Yehowa tsɔ̃ Mose nɔ ewo Israel lɛ anɔ lɛ, no lɛ oooshwere. Ohe awa, ni ofee ekãa. Okashe gbeyei, ni otsui akafã hu.

1 Kronika 9:20

Ni Eleazar bi Finehas mɔ ni Yehowa ena lɛ mɔbɔ lɛ ji mɔ ni kwɛ amɛnɔ be ko mli.

2 Kronika 1:1

Solomon, ni ji Maŋtsɛ binuu lɛ, hã ehewalɛ he shi yɛ emaŋtsɛyelihei lɛ anɔ, ni Yehowa, eNyɔŋmɔ lɛ, jɔɔ lɛ ni etsɔ̃ gbɔmɔ wulu kpanaa diɛŋtsɛ.

2 Kronika 26:5

Zakaria ji mɔ ni wo lɛ ŋaa, ni etsɔ̃ɔ lɛ bɔ ni ehi shi ehã yɛ Nyɔŋmɔ gbɛfaŋ; ni gbɔmɔ nɛɛ wala be mli fɛɛ lɛ Maŋtsɛ Uzia sɔmɔ Nyɔŋmɔ ni bei abɔ fɛɛ ni Uzia sɔmɔ Yehowa lɛ, Nyɔŋmɔ hã eshwere.

Nehemia 2:20

Mito he akɛ, “Ŋwɛi Nyɔŋmɔ lɛ, lɛ eeehã wɔnyɛ wɔfee. No hewɔ lɛ, wɔ, ni ji etsuji lɛ, wɔbaawo gbogbo lɛ tswaa nɔ; shi nyɛ lɛ nyɛbɛ gbɛfaŋ nɔ ko loo hegbɛ ko loo kaimɔ nɔ ko yɛ Yerusalɛm.”

Lalai 1:3

Etamɔ tsei ni atɛo yɛ fai atoi, ni woɔ yibii yɛ amɛbe mli, ni amɛbai kpalaaa, ni nɔ fɛɛ nɔ ni efeɔ lɛ shwereɔ.

Zakaria 8:23

Bɔ ni Yehowa, Taiatsɛ lɛ kɛɛ ekoŋŋ nɛ, “Nakai be lɛ mli lɛ mɛi nyɔŋma ni jɛ majimaji ni wieɔ wiemɔi srɔtoi anɔ baamɔ Yudanyo kome atade mli, ni amɛaakɛɛ lɛ akɛ, ‘Ha wɔkɛ bo aya, ejaakɛ wɔnu akɛ Nyɔŋmɔ kɛ nyɛ yɛ.’ ”

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

1 Korintobii 16:2

Daa otsi mli klɛŋklɛŋ gbi lɛ nɔ lɛ, nyɛteŋ mɔ fɛɛ mɔ kɛ nɔ ko ato yɛ bɔ ni enaa lɛ naa, koni mikaba dani atsu onia.

5 Mose 2:7

“Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.

1 Samuel 18:14

ni eko fɛɛ eko mli lɛ David yayeɔ kunim, ejaakɛ Yehowa kɛ lɛ yɛ.

1 Samuel 18:28

Shi be ni Saul kɛ ehiŋmɛi ŋmɛ shi ni ena akɛ Yehowa miibu David he, ni asaŋ akɛ Israel fɛɛ miisumɔ David sane lɛ,

1 Samuel 3:19

Samuel bada, ni Yehowa kɛ lɛ yɛ, ni ehãaa Samuel naa wiemɔ ko afee yaka.