1 Mose 38:24 - ŊMALƐ KRƆŊKRƆŊ LƐ

²⁴ No sɛɛ aaafee nyɔji etɛ̃ lɛ, abakɛɛ Yuda akɛ, “Oshaayoo Tamar eyabɔ ajwamãŋ, ni nɔ ni ena yɛ ajwamãŋbɔɔ lɛ mli ji akɛ ena musu.” Yuda fã akɛ, “Amɔ lɛ kɛje kpo koni ashã lɛ.”

Ṅmãle̱ Kroṅkroṅ Le̱

²⁴ Ni no se̱ aafe nyõdši etẽ le̱ eba mli ake̱ adekē̱ Iuda eke̱: Ošāyō Tamar eyabo̱ adſamaṅ, ni asaṅ na, ená mũsũ ye̱ adſamaṅbō̱ le mli. Ni Iuda kē̱: Ake̱le̱ adše kpo ke-ba, koni abašãle̱.

1 Mose 38:24 ပူးပေါင်းရင်းမြစ်များ

1 Mose 20:3

Shi Nyɔŋmɔ ba Abimelek ŋɔɔ nyɔɔŋ yɛ lamɔ mli, ni ekɛɛ lɛ akɛ, “Naa, obaagbo yɛ yoo lɛ ni oyaŋɔ lɛ hewɔ, ejaakɛ mɔ ko ŋa ni.”

1 Mose 20:7

No hewɔ lɛ, agbɛnɛ kɛ nuu lɛ ŋa lɛ aku sɛɛ oyahã lɛ ejaakɛ gbalɔ ji lɛ, ni eeesɔle ekpa fai ehã bo, ni oyi aaana wala. Shi kɛji okɛ lɛ hãaa lɛ lɛ, no lɛ na ole akɛ gbo ooogbo, bo kɛ mɛi fɛɛ ni ji onɔ lɛ.”

1 Mose 20:9

Kɛkɛ ni Abimelek tsɛ Abraham ni ekɛɛ lɛ akɛ, “Mɛni ofee wɔ nɛɛ? Mɛni esha mifee bo hewɔ ni otsi mi kɛ mimaŋtsɛyeli lɛ owo esha kpeteŋkple tamɔ nɛkɛ mli nɛɛ? Nɔ ni afeee ofee mi nɛɛ.”

1 Mose 34:31

Shi Simeon kɛ Levi kɛɛ, “Ani eja gbɛ akɛ afee wɔnyɛmi yoo lɛ tamɔ afeɔ ajwamãŋ ko kɛkɛ lo?”

1 Mose 38:23

Yuda kɛɛ akɛ, “Hã ni eŋɔ kɛya, kɛjeee nakai lɛ wɔhiɛ aaashwie shi. Mihã okɛ too kpakpo bi lɛ tee, ni onaaa lɛ.”

2 Samuel 12:5

David mli fu niiatsɛ lɛ naakpa, ni ekɛɛ Natan akɛ, “Mina Yehowa akɛ, nuu ni ye nɛkɛ sane nɛɛ lɛ esa gbele,

2 Samuel 12:7

Kɛkɛ ni Natan kɛɛ David akɛ, “Bo ji nakai nuu lɛ. Ni naa nɔ ni Yehowa, Israel Nyɔŋmɔ lɛ, kɛɛ, ‘Miwo bo Israel maŋtsɛ, ni mihere oyiwala yɛ Saul dɛŋ;

Jajelɔ 7:26

Mina nɔ ko ni joɔ fe gbele tete; no ji yoo. Etsui mli eyi kɛ tsɔnei kɛ yai ni akɛduɔ mɔ, ni eniji lɛ kɔsɔŋkɔsɔ ni fimɔɔ mɔ ni. Mɔ ni sheɔ Nyɔŋmɔ gbeyei jeɔ yoo akpa mli; shi eshafeelɔ lɛ yoo duɔ lɛ.

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 3:1

Mi, mibi akɛ, “Kɛji nuu ko shwie eŋa, ni yoo lɛ shi nuu lɛ, ni eyatsɔ̃ nuu kroko ŋa lɛ, ani nuu lɛ kuɔ esɛɛ eyaŋɔɔ nakai yoo lɛ ekoŋŋ? Nɔ ko ni tamɔ nɛkɛ lɛ ebuleɔ shikpɔŋ, nɔ ni mimɛi lɛ yɔɔ nɔ lɛ. Israel te okɛ shieŋtsɛmɛi babaoo eyabɔ ajwamãŋ, ni ooku osɛɛ oba miŋɔɔ ekoŋŋ?

Yeremia 3:6

Yehowa bi mi yɛ Maŋtsɛ Yosia yinɔ akɛ, “Bɛ ona nɔ ni Israel ni yeee anɔkwa lɛ fee lɛ? No ji bɔ ni etee gɔŋ fɛɛ gɔŋ ni kwɔ nɔ, kɛ tso fɛɛ tso ni ebu kusuu shishi eyabɔ ajwamãŋ yɛ jɛi lɛ?

Yeremia 3:8

Ena akɛ ajwamãŋ ni Israel ni yeee anɔkwa bɔ hewɔ lɛ mishwie lɛ akɛ miŋa. Shi kɛ̃lɛ Israel nyɛmiyoo Yuda ni yeee anɔkwa lɛ, eyasheee gbeyei; shi moŋ lɛ hu etee ni eyabɔ ajwamãŋ lɛ eko.

Ezekiel 16:15

“Shi odi ohe fɛo kɛ ogbɛi ni ehehe lɛ sɛɛ ni obɔ ajwamãŋ; ni okɛ mɔ fɛɛ mɔ ni hoɔ wɔɔ kɛkɛ.

Ezekiel 16:25

Omamɔ otutui wuji lɛ yɛ ŋmaŋmasha fɛɛ ŋmaŋmasha nɔ, ni okɛ mɔ fɛɛ mɔ ni hoɔ kɛkɛ wɔɔ shii abɔ.

Ezekiel 16:26

Okɛ Ijiptbii, mɛi ni amɛkɔnɔ fa, ni okɛ amɛ je husu lɛ bɔ ajwamãŋ; ni obɔ ajwamãŋ shii abɔ ni okɛwo mimli la.

Ezekiel 16:28

“Osaa okɛ Asiriabii lɛ hu bɔ ajwamãŋ ejaakɛ otɔɔɔ; okɛ amɛ bɔ ajwamãŋ, shi fɛɛ sɛɛ lɛ eshɛɛɛ onaa.

Ezekiel 16:41

Amɛkɛ la aaashã oshĩai lɛ, ni amɛaakojo bo yɛ yei babaoo ahiɛ; ni maha ofɔ̃ɔ ajwamãŋbɔɔ, ni owoŋ osuɔlɔi ni kɛ bo wɔɔ lɛ anyɔmɔ dɔŋŋ.

Ezekiel 23:19

Shi kɛ̃lɛ etee nɔ ebɔ ejwamaŋ lɛ fe nine, ni ekai eblayeiaŋ bei amli ni eyɔɔ Ijipt shikpɔŋ lɛ nɔ ni ebɔɔ ajwamãŋ lɛ.

Ezekiel 23:44

Ejaakɛ amɛkɛ lɛ yawɔɔ tamɔ akɛ yoo ajwamãŋ wɔɔ. Nakai nɔŋŋ amɛkɛ hiɛkɔ̃ɔ kɛ Ohola kɛ Oholiba ni ji yei nyɛnyɛŋtswii lɛ yawɔ.

Ezekiel 23:5

Ohola je misɛɛ ni eyabɔ ajwamãŋ, ni ehiɛ yakɔ̃ esuɔlɔi lɛ ni ji Asiriabii lɛ anɔ.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Hosea 3:3

ni mikɛɛ lɛ akɛ, “Agbɛnɛ hii shi kɛjɛ kɛyaa nɛɛ ohã mi; okabɔ ajwamãŋ, ni okayagbã nuu ko; ni mi hu mahi shi mahã bo.”

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

3 Mose 20:10

“Kɛji nuu ko kɛ nuu kroko ŋa ku gbãlã mli lɛ, agbe nuu gbãlãŋkulɔ kɛ yoo gbãlãŋkulɔ lɛ fɛɛ.

3 Mose 21:9

Kɛji osɔfo ko biyoo fee ehe ajwamãŋ lɛ, ewo etsɛ he muji; ashã lɛ ni egbo.

Romabii 14:22

Bo lɛ oyɛ hemɔkɛyeli? Okɛto oha bo diɛŋtsɛ ohe yɛ Nyɔŋmɔ hiɛ. Ajɔɔ mɔ ni ekojooo lɛ diɛŋtsɛ ehe yɛ nɔ ni ebuɔ akɛ ehi lɛ mli lɛ.

5 Mose 24:16

“Tsɛmɛi akagbo bii ayi gbele, ni bii hu akagbo tsɛmɛi ayi gbele; mɔ fɛɛ mɔ agbo yɛ lɛ diɛŋtsɛ efɔŋ ni efee hewɔ.

Kojolɔi 19:2

Shi yoo lɛ mlifu nuu lɛ ni eshi nuu lɛ etee etsɛ we yɛ Betlehem Yuda, ni eyaye nyɔji ejwɛ yɛ jɛi.