1 Mose 37:5 - ŊMALƐ KRƆŊKRƆŊ LƐ

⁵ Be ko lɛ Yosef la lamɔ ko ni be ni egba enyɛmimɛi lɛ lamɔ lɛ, ehã nyɛɛ ni amɛnyɛɔ lɛ lɛ mli wo wu moŋ fe tsutsu lɛ.

Ṅmãle̱ Kroṅkroṅ Le̱

⁵ Ni Iosef la lamõ ko, ni edšadše etšõ enyemimei le̱, ni ame̱sā ame̱nye̱le̱ fè tšutšu le̱.

1 Mose 37:5 ပူးပေါင်းရင်းမြစ်များ

1 Mose 20:3

Shi Nyɔŋmɔ ba Abimelek ŋɔɔ nyɔɔŋ yɛ lamɔ mli, ni ekɛɛ lɛ akɛ, “Naa, obaagbo yɛ yoo lɛ ni oyaŋɔ lɛ hewɔ, ejaakɛ mɔ ko ŋa ni.”

1 Mose 28:12

Ni ela ni aŋtswere ko ma shikpɔŋ ni eyiteŋ eyashi ŋwɛi. Nyɔŋmɔ bɔfoi miikwɔ miikpeleke shi,

1 Mose 31:10

“Toi lɛ amusunamɔ be mli lɛ, miwo mihiɛ nɔ, ni mina yɛ lamɔ mli akɛ too kpakpoi ni kwɔɔ tooyei lɛ, amɛhe yɛ truntrãi kɛ damdam kɛ ŋwãtãŋwãtã.

1 Mose 31:11

Kɛkɛ ni Nyɔŋmɔ bɔfo lɛ kɛɛ mi yɛ lamɔ lɛ mli akɛ, ‘Yakob!’ Ni mikɛɛ akɛ, ‘Naa mi!’

1 Mose 37:4

Be ni Yosef nyɛmimɛi lɛ na akɛ amɛtsɛ sumɔɔ Yosef fe amɛ fɛɛ lɛ, amɛnyɛ lɛ bɔ sɔŋŋ ni amɛnyɛɛɛ amɛkɛ lɛ awie yɛ tsuijurɔ naa dɔŋŋ.

1 Mose 37:6

Ekɛɛ amɛ akɛ, “Nyɛboa lamɔ ni mila nɛɛ toi.

1 Mose 37:8

Enyɛmimɛi lɛ kɛɛ lɛ akɛ, “Aso osusuɔ akɛ obaatsɔ maŋtsɛ ni oye wɔnɔ lo?” No hewɔ lɛ, amɛnyɛ lɛ fe tsutsu lɛ yɛ elamɔi kɛ ewiemɔi lɛ ahewɔ.

1 Mose 40:5

Gbi ko nyɔɔŋ lɛ amɛyi enyɔ lɛ fɛɛ amɛla, Ijipt maŋtsɛ lɛ dãawolɔ nukpa lɛ kɛ ebolooshãlɔ nukpa lɛ ni awo amɛ tsuŋ lɛ, amɛteŋ mɔ fɛɛ mɔ kɛ elamɔ, kɛ lamɔ lɛ shishi hu.

1 Mose 41:1

Afii naakplɔi enyɔ sɛɛ lɛ, Farao la lamɔ ko. Ela ni edamɔ Nilo faa lɛ naa.

1 Mose 42:9

Kɛkɛ ni Yosef kai lamɔi ni ela yɛ amɛhe lɛ, ni ekɛɛ amɛ akɛ, “Saralɔi ji nyɛ; nyɛba ni nyɛbakwɛ wɔshikpɔŋ lɛ yayaiaŋ.”

1 Mose 49:23

Gãitsɛ̃lɔi kɛ hiɛdɔɔ batua lɛ, ni amɛtsɛ̃rɛ̃ lɛ gãi kɛ yiwalɛ.

1 Maŋtsɛmɛi 3:5

Nyɔɔŋ be ni eyɔɔ jɛi lɛ, Nuŋtsɔ Naa Nyɔŋmɔ jie ehe kpo etsɔ̃ɔ lɛ yɛ lamɔ mli. Ni Nyɔŋmɔ kɛɛ lɛ akɛ, “Bi mi nɔ ni otaoɔ ni mahã bo!”

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

Daniel 2:1

Nebukadnezar maŋtsɛyeli afi ni ji enyɔ lɛ nɔ lɛ, ela lamɔi komɛi. Lamɔi nɛɛ hã etsui bɔ̃i yeli, ni wɔ tserɛ yɛ ehiɛ.

Daniel 4:5

Shi mila lamɔ ko ni wo mihe gbeyei, ejaakɛ nibii ni mina yɛ lamɔ lɛ mli, be mli ni mikã shi miwɔ lɛ, yɛ gbeyei.

Yoel 2:28

“Enɛɛmɛi asɛɛ lɛ mafɔse mimumɔ lɛ mashwie gbɔmɛi fɛɛ anɔ; nyɛbihii kɛ nyɛbiyei lɛ aaagba, nyɛhiimeji lɛ aaala lamɔi, ni nyɛblahii lɛ aaana ninai.

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.

4 Mose 12:6

ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.

Yohane 17:14

Mikɛ owiemɔ lɛ ehã amɛ, ni je lɛ miinyɛ amɛ, ejaakɛ amɛjɛɛɛ je lɛ mli, tamɔ bɔ ni mi hu mijɛɛɛ je lɛ mli lɛ.