1 Mose 37:4 - ŊMALƐ KRƆŊKRƆŊ LƐ

⁴ Be ni Yosef nyɛmimɛi lɛ na akɛ amɛtsɛ sumɔɔ Yosef fe amɛ fɛɛ lɛ, amɛnyɛ lɛ bɔ sɔŋŋ ni amɛnyɛɛɛ amɛkɛ lɛ awie yɛ tsuijurɔ naa dɔŋŋ.

Ṅmãle̱ Kroṅkroṅ Le̱

⁴ Ni beni enyemimei le̱ na ake̱ le̱ ame̱tše̱ sumoo̱ fẽ enyemimei le̱ fẽ le̱, ame̱nye̱le̱, ni ame̱nyẽẽ ame̱ke̱le̱ awie ye̱ hedšo̱le̱ mli.

1 Mose 37:4 ပူးပေါင်းရင်းမြစ်များ

1 Mose 27:41

Esau nyɛ Yakob yɛ jɔɔmɔ ni etsɛ jɔɔ lɛ lɛ hewɔ. Ekɛɛ yɛ eyitsoŋ akɛ, “Etsɛŋ tsɔ ko ni aaafee mitsɛ yara, kɛkɛ lɛ magbe minyɛmi Yakob.”

1 Mose 37:11

Enyɛmimɛi lɛ bɛ lɛ amɛwo amɛmli; shi etsɛ kɛ wiemɔ lɛ to enakutsoŋ.

1 Mose 37:5

Be ko lɛ Yosef la lamɔ ko ni be ni egba enyɛmimɛi lɛ lamɔ lɛ, ehã nyɛɛ ni amɛnyɛɔ lɛ lɛ mli wo wu moŋ fe tsutsu lɛ.

1 Mose 4:5

shi ehiɛ esɔɔɔ Kain kɛ efɔle lɛ. No hewɔ lɛ, Kain mli wo la naakpa, ni etũ ehiɛ.

1 Mose 49:23

Gãitsɛ̃lɔi kɛ hiɛdɔɔ batua lɛ, ni amɛtsɛ̃rɛ̃ lɛ gãi kɛ yiwalɛ.

Lalai 38:19

Mɛi ni nyɛɔ mi yakatswaa lɛ, amɛhe wa fe mi; ni mɛi ni he tsɛ̃ɔ mi efolo lɛ, ayi fa naakpa.

Lalai 69:4

Mɛi ni he tsɛ̃ɔ mi yakatswaa lɛ, amɛyi fa fe miyiteŋ tsɔi; mihenyɛlɔi ni maleɔ mihe, mɛi ni taoɔ mihiɛ amɛkpãtã lɛ amɛyi fa. Nɔ ni mijuko lɛ aso esa akɛ mato najiaŋ lo?

Yeremia 12:6

Ejaakɛ onyɛmimɛi kɛ otsɛ we lɛ, amɛ tete po amɛkwa bo; ni amɛmiitao bo efɔŋ waa diɛŋtsɛ. Kɛji amɛdɔkɔ amɛnaa amɛhã bo tete lɛ, kaahe amɛ oye.”

Marko 3:25

Ni kɛji shĩa ko gba wo lɛ diɛŋtsɛ ehe lɛ, nakai shĩa lɛ nyɛŋ shi adamɔ.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

1 Yohane 2:11

Shi mɔ ni nyɛɔ enyɛmi lɛ, duŋ lɛ mli eyɔɔ, ni duŋ lɛ mli enyiɛɔ, ni eleee he ni eyaa, ejaakɛ duŋ lɛ eshwila ehiŋmɛii.

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.

1 Yohane 3:12

Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.

1 Yohane 4:20

Kɛji mɔ ko kɛɛ akɛ, “Miisumɔ Nyɔŋmɔ,” ni enyɛɔ enyɛmi lɛ, amalelɔ ji lɛ. Ejaakɛ mɔ ni sumɔɔɔ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛŋŋ ni eeenyɛ lɛ esumɔ hu?

1 Samuel 17:28

Shi Eliab, David nyɛminukpa lɛ, nu be ni David kɛ hii lɛ wieɔ lɛ, ni Eliab mli wo la wo David ni ekɛɛ akɛ, “Mɛni feemɔ oba yɛ biɛ? Namɔ oshi toi fioo lɛ ohã yɛ ŋa lɛ nɔ? Ona onukpaianii ni ofeɔ lɛ? Te ta lɛ kwɛmɔ hewɔ oba nɛɛ?”