1 Mose 33:4 - ŊMALƐ KRƆŊKRƆŊ LƐ

⁴ Shi Esau sha foi ekɛ lɛ bakpe. Eloo Yakob atuu, ni eho egbee ekuɛ nɔ, ni eshwɔ enaa, ni amɛfo.

Ṅmãle̱ Kroṅkroṅ Le̱

⁴ Ni Esau ša foi eke̱le̱ bakpe, ni elōle̱ atū, ni eke̱ eyitšo fõ ekue̱ no̱, ni eſo̱ enā, ni ame̱fó.

1 Mose 33:4 ပူးပေါင်းရင်းမြစ်များ

1 Mose 29:11

Kɛkɛ ni Yakob shwɔ Rahel naa, ni Yakob jwa yaafo.

1 Mose 29:13

Be ni Laban nu enyɛmi yoo bi Yakob he sane lɛ, esha foi etee lɛ kpeemɔ. Eloo Yakob atuu, ni eshwɔ enaa. Ekɛ lɛ ba ewe lɛ. Yakob gba Laban saji fɛɛ ni ba lɛ,

1 Mose 32:11

Miikpa bo fai koni ojie mi yɛ Esau, minyɛmi lɛ, dɛŋ shi miishe lɛ gbeyei, koni ekaba ni ebatswia wɔ fɛɛ nii, mi kɛ nyɛmɛi lɛ kɛ bii lɛ.

1 Mose 32:28

Nuu lɛ kɛɛ lɛ akɛ, “Atsɛŋ bo Yakob dɔŋŋ, shi Israel aaatsɛ bo, ejaakɛ okɛ Nyɔŋmɔ kɛ gbɔmɛi eshi mple, ni oye kunim.”

1 Mose 43:30

Kɛkɛ ni Yosef he fee oya koni eje kpo, ejaakɛ emusuŋ tsɔ̃ lɛ yɛ enyɛmi gbekɛ lɛ hewɔ, ni eetao he ko eyafo yɛ. No hewɔ lɛ, ebote esɛɛtsu lɛ mli, ni eyafo yɛ jɛi.

1 Mose 43:34

Ajie niyenii kɛjɛ niyenii ni ma Yosef okplɔ̃ lɛ nɔ lɛ mli ahã enyɛmimɛi lɛ; shi Benyamin nɔ lɛ fa fe amɛteŋ mɔ fɛɛ mɔ nɔ lɛ toi enumɔ. Amɛkɛ Yosef ye nii, ni amɛkɛ lɛ nu nii, ni amɛ fɛɛ amɛkɛ lɛ na miishɛɛ.

1 Mose 45:2

Kɛkɛ ni ejwa yaafo bɔ ni Ijiptbii lɛ kɛ Farao we lɛ mli bii lɛ tete nu he.

1 Mose 46:29

Kɛkɛ ni Yosef saa eshwiili ni eyiŋ etee koni eyakpee etsɛ Yakob yɛ Goshen; ni be ni Yosef na etsɛ lɛ, eloo lɛ atuu ni efo eshwie ekuɛ nɔ aahu.

2 Samuel 14:33

Yoab tee eyana maŋtsɛ lɛ, ni ebɔ lɛ amaniɛ; ni Maŋtsɛ David tsu ayatsɛ Absalom. Be ni Absalom shɛ shi lɛ eho egbee shi, ni ekɛ ehiɛ bu shi, ni ekoto Maŋtsɛ David. Maŋtsɛ David shwɔ Absalom naa ekɛhere lɛ atuu.

Nehemia 1:11

Oo Nuŋtsɔ, ka otoi ohã fai ni otsulɔ kpaa bo lɛ. Ka toi ohã fai ni otsuji ni sumɔɔ akɛ amɛshe bo gbeyei lɛ kpaa bo lɛ. Hã otsulɔ aye omanye ŋmɛnɛ gbi nɛɛ, ni hã maŋtsɛ lɛ ana mi mɔbɔ.” Nɛkɛ bei nɛɛ amli lɛ, maŋtsɛ lɛ dãawolɔ ji mi.

Hiob 2:12

Nanemɛi nɛɛ na Hiob yɛ shɔŋŋ, shi amɛyooo lɛ. Shi be ni amɛyoo Hiob lɛ, amɛfo waa; amɛteŋ mɔ fɛɛ mɔ kɛ dɔlɛ gbala ehe atade, ni amɛloo mlu amɛwo amɛyiteiaŋ.

Lalai 34:4

Mitao Yehowa sɛɛgbɛ, ni ehere mi nɔ; ni ejie mi kɛje migbeyeishemɔ fɛɛ mli.

Abe̱i 16:7

Kɛji gbɔmɔ adesa jeŋba sa Yehowa hiɛ lɛ, ehãa ehenyɛlɔi tete kɛ lɛ kpãtãa.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Luka 15:20

Ni ete shi ni eyiŋ eba etsɛ ŋɔɔ. Shi be ni enyiɛ shɔŋŋ kɛbaa lɛ, etsɛ na lɛ, ni emusuŋ tsɔ̃ lɛ, ni esha foi ni eyafua lɛ atuu, ni eshwɔshwɔɔ enaa.

Bɔfoi 20:37

Ni amɛ fɛɛ amɛfo bloblo naakpa, ni amɛgbeegbee Paulo kuɛ nɔ, ni amɛshwɔshwɔɔ enaa.

1 Samuel 20:41

Oblanyo lɛ tee nɔŋŋ pɛ kɛkɛ ni David fã kpo kɛjɛ tɛi ni bua shi lɛ ahe, ni ekɛ ehiɛ babu shi ni ekoto Yonatan shii etɛ̃. Be ni David kɛ Yonatan eshwɔshwɔɔ amɛnaa sɛɛ lɛ, amɛwo yara amɛfo aahu kɛyashi David nɔ teke nɔ.