1 Mose 32:4 - ŊMALƐ KRƆŊKRƆŊ LƐ

⁴ Wiemɔ ni ekɛtsu amɛ nɛ, “Nyɛkɛa minuŋtsɔ Esau akɛ, bɔ ni otsulɔ Yakob kɛɛ nɛ: ‘Miyato gbɔ yɛ Laban ŋɔɔ, ni mitsɛ yɛ jɛi aahu kɛbashi ŋmɛnɛ.

Ṅmãle̱ Kroṅkroṅ Le̱

⁴ Ni Iakob tšũ bo̱foi ke̱-tšṍ ehĩe ke̱-te enyemi Esau ṅõ ye̱ *Seir šikpoṅ ni dši Edom ṅã le̱ no̱. *36,8.

1 Mose 32:4 ပူးပေါင်းရင်းမြစ်များ

1 Mose 23:6

“Nuŋtsɔ, bo wɔ toi; wɔbuɔ bo akɛ lumɔ kpele yɛ wɔteŋ. Wɔfuuhei lɛ ateŋ nɔ ni hi fe fɛɛ lɛ, fuu ogbonyo lɛ yɛ mli; wɔteŋ mɔ ko mɔ ko etsiŋ bo gbɛ akɛ okafu ogbonyo lɛ yɛ fuuhe lɛ.”

1 Mose 25:30

Esau kɛɛ Yakob akɛ, “Miikpa bo fai, hã mi nɛkɛ niyenii tsuru nɛɛ eko maye, shi hɔmɔ miiye mi.” No hewɔ lɛ, awo Esau gbɛi akɛ Edom.

1 Mose 27:29

Maji asɔ̃mɔ bo, ni je lɛŋ maji akoto bo. Ye onyɛmimɛi lɛ anɔ lumɔ, ni onyɛ bihii lɛ akoto bo. Mɔ fɛɛ mɔ ni aaalomɔ bo lɛ, alomɔ lɛ, ni mɔ fɛɛ mɔ ni aaajɔɔ bo lɛ, ajɔɔ lɛ!”

1 Mose 27:37

Isak to he ekɛɛ Esau akɛ; “Mifee lɛ onuŋtsɔ, ni mikɛ enyɛmimɛi lɛ fɛɛ efee etsuji. Miŋɔ ŋmãa kɛ wain mihã lɛ; ni bo lɛ, mɛni mafee mahã bo mɔ, mibi?”

1 Mose 31:41

Afii nyɔŋmai enyɔ nɛɛ fɛɛ lɛ, bɔ ni miyɔɔ yɛ owe lɛ nɛ. Mikɛ emli afii nyɔŋma kɛ ejwɛ sɔ̃mɔ bo yɛ obiyei enyɔ lɛ ahewɔ ni mikɛ afii ekpaa hu sɔ̃mɔ bo kɛkwɛ otoi lɛ. Nɛkɛ be nɛɛ mli lɛ, otsake minyɔmɔwoo shii nyɔŋma sɔŋŋ.

1 Mose 32:18

no lɛ ohã lɛ hetoo akɛ, ‘Otsulɔ Yakob nikeenii ni ekɛtsu akɛ akɛbake minuŋtsɔ Esau ni; ni naa, lɛ diɛŋtsɛ lɛ enyiɛ wɔsɛɛ?’ ”

1 Mose 32:5

Minã tsinai kɛ tejii kɛ toi kɛ tsuji hii kɛ tsuji yei, ni mitsu ni abakɛɛ bo, minuŋtsɔ, koni kɛ miba lɛ ona mihe tsuijurɔ.’ ”

1 Mose 33:14

No hewɔ lɛ, minuŋtsɔ atsɔ̃ etsulɔ hiɛ, ni mi lɛ manyiɛ blɛooblɛoo bɔ ni kooloi lɛ ni nyiɛ mihiɛ lɛ kɛ gbekɛbii lɛ aaanyɛ anyiɛ kɛyaashi beyinɔ ni mashɛ minuŋtsɔ ŋɔɔ yɛ Edom.”

1 Mose 33:8

Kɛkɛ ni Esau bi akɛ, “Kuikui ni mikɛkpe nɛɛ fɛɛ lɛ te eshishi hu?” Ni Yakob hã hetoo akɛ, “Bɔ ni afee ni minuŋtsɔ ahã mi hiɛ.”

1 Mose 36:8

Esau yahi Edom gɔji lɛ anɔ.

1 Mose 36:9

Esau ni ji Edombii ablematsɛ lɛ, eshwiei nɛ:

1 Mose 4:7

Aso kɛji ofee ekpakpa lɛ, ohiɛ baŋ nyam? Kɛji ofeee ekpakpa lɛ, esha bu oshinaa lɛ shi, ni bo osɛɛgbɛ etaoɔ lɛ; shi bo lɛ ye enɔ kunim.”

1 Maŋtsɛmɛi 20:32

No hewɔ lɛ, Ben-Hadad tsuji lɛ kɛ kpekpe ŋmɔlɔ amɛhɛ, ni amɛkɛ taŋkpee fimɔ amɛyitsei, ni amɛba Israel maŋtsɛ lɛ ŋɔɔ. Amɛbakɛɛ lɛ akɛ, “Otsulɔ Ben-Hadad kɛɛ, ‘Miikpa bo fai; hã miyi ana wala.’ ” Ahab bi amɛ akɛ, “Ani ehiɛ kã lolo? Etamɔ minyɛmi pɛ!”

2 Mose 32:22

Aaron jie enaa ekɛɛ, “Minuŋtsɔ mli akawo mi la. Bo diɛŋtsɛ ole akɛ maŋ nɛɛ sumɔɔ efɔŋ feemɔ.”

Abe̱i 15:1

Naajɔlɛ hetoo kuɔ mlila naa; shi mlila wiemɔ teɔ mlifu shi.

Abe̱i 25:15

Aaanyɛ akɛ tsuishitoo blɛoo atsake nɔyelɔ jwɛŋmɔ; ni naajɔlɛ wiemɔ kuɔ wu.

Abe̱i 6:3

mibi, feemɔ enɛ ni okɛjie ohe; ejaakɛ onaanyo lɛ nine egbe bo. Yaa oya mramra ni oyakpa onaanyo lɛ fai.

Jajelɔ 10:4

Kɛji onɔyelɔ mli fu bo lɛ, no akahã oshi ogbɛnaa ni ohiɛ yɛ eshishi lɛ, ejaakɛ saneheŋmɛɛmɔ lɛ ejɔɔ tɔ̃mɔi wuji tete ahe.

Yesaia 21:11

Edom he ninaa nɛ. Abo atsɛ mi kɛjɛ Edom akɛ, “Bulɔ, mɛɛ nyɔɔŋ ŋmɛlɛtswaa be mli nɛ? Bulɔ, mɛɛ nyɔɔŋ ŋmɛlɛtswaa be mli nɛ?”

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

1 Petro 3:6

Tamɔ bɔ ni Sara bo Abraham toi, ni etsɛɔ lɛ “nuŋtsɔ” lɛ; ebiyei ji nyɛ, kɛ nyɛfeɔ ekpakpa ni nyɛsheee nɔ ko gbeyei lɛ.

Kojolɔi 5:4

Yehowa, be ni ojɛ Seir obaa lɛ, shikpɔŋ lɛ hoso, ŋwɛi tsere nu shwie shi, Be ni ofã nyiɛmɔ kɛjɛ Edom ŋã lɛ nɔ lɛ! Hɛɛ, nu tue kɛjɛ atatuiaŋ shwie shi.

1 Samuel 26:17

Saul yoo David gbee ni ekɛɛ akɛ, “Mibi David, bo owieɔ lɛ?” David here nɔ akɛ, “Minuŋtsɔ Maŋtsɛ, mi ni.