1 Mose 32:11 - ŊMALƐ KRƆŊKRƆŊ LƐ

¹¹ Miikpa bo fai koni ojie mi yɛ Esau, minyɛmi lɛ, dɛŋ shi miishe lɛ gbeyei, koni ekaba ni ebatswia wɔ fɛɛ nii, mi kɛ nyɛmɛi lɛ kɛ bii lɛ.

Ṅmãle̱ Kroṅkroṅ Le̱

¹¹ omo̱bo̱nale̱i ke̱ onokwayeli fẽ ni odšie otšõ otšũlo̱ le̱, ekomeflo ne̱ke̱ *esaami; ši tšo mihĩe ke̱-fo Iordan ne̱, ni agbe̱ne̱ mitšṍ asafokui enyo. *2 Sam. 7,18.

1 Mose 32:11 ပူးပေါင်းရင်းမြစ်များ

1 Mose 24:27

“Aaajie Yehowa, minuŋtsɔ Abraham Nyɔŋmɔ lɛ, yi akɛ ehãko esuɔmɔ ni tsakeee kɛ enɔkwayeli lɛ sɛɛ afo yɛ minuŋtsɔ nɔ; ni mi hu Yehowa ebatsɔ̃ɔ mi minuŋtsɔ wekumɛi awe gbɛ!”

1 Mose 27:41

Esau nyɛ Yakob yɛ jɔɔmɔ ni etsɛ jɔɔ lɛ lɛ hewɔ. Ekɛɛ yɛ eyitsoŋ akɛ, “Etsɛŋ tsɔ ko ni aaafee mitsɛ yara, kɛkɛ lɛ magbe minyɛmi Yakob.”

1 Mose 27:42

Shi abagba Rebeka ebi nukpa Esau wiemɔi nɛɛ, ni etsu ayatsɛ Yakob, ebi gbekɛ lɛ, kɛba ni ekɛɛ lɛ akɛ, “Naa, onyɛmi Esau kɛ gbe ni ebaagbe bo miihã ehe tsui.

1 Mose 32:3

Kɛkɛ ni Yakob tsu mɛi kɛtsɔ ehiɛ kɛtee enyɛmi Esau ŋɔɔ yɛ Seir yɛ Edom shikpɔŋ lɛ nɔ.

1 Mose 32:7

Kɛkɛ ni Yakob tsui fã, ni efee yeyeeye naakpa. Eja emɛi lɛ kɛ toi lɛ kɛ tsinai lɛ kɛ yoomai lɛ amli kui enyɔ ni ekɛɛ,

1 Mose 33:4

Shi Esau sha foi ekɛ lɛ bakpe. Eloo Yakob atuu, ni eho egbee ekuɛ nɔ, ni eshwɔ enaa, ni amɛfo.

2 Samuel 7:18

Kɛkɛ ni Maŋtsɛ David bote Yehowa Kpee Buu lɛ mli, ni eho eta shi, ni esɔle ekɛɛ, “Nuŋtsɔ Nyɔŋmɔ, namɔ ji mi, ni mɛni mli miwe lɛ yɔɔ hewɔ ni ohiɛ mi kɛbashi be nɛ nɛɛ?

Lalai 119:134

Heremɔ mi kɛjɛ adesa yiwalɛ mli, koni maye omlai lɛ anɔ.

Lalai 142:6

Feemɔ toi ohã mibolɔmɔ lɛ, ejaakɛ aba mi shi fe nine. Jiemɔ mi yɛ mihenyɛlɔi lɛ adɛŋ, ejaakɛ amɛhe wa fe mi.

Lalai 16:1

Oo Yehowa, buu mihe, ejaakɛ bo abo mibaa.

Lalai 25:20

Oo, buu miwala he ni ohere mi; kaahã mihiɛ miishwie shi, ejaakɛ bo abo mibaa.

Lalai 31:2

Ba otoi shi ohã mi. Feemɔ oya ni ohere mi. Tsɔ̃ mibobaahe tɛsaa, kɛ mɔɔ ni wa ni okɛhere miyiwala.

Lalai 43:1

Oo Nyɔŋmɔ, ye misane lɛ ohã mi; ni obu mi bem. Fã mihe yɛ maŋbii ni sheee bo gbeyei lɛ adɛŋ. Jiemɔ mi yɛ shishiulɔi kɛ mɛi ni yeee anɔkwa lɛ adɛŋ!

Abe̱i 18:19

Kɛ ofee onyɛmi ekpakpa lɛ, etsɔ̃ɔ tamɔ maŋ ni wa ehãa bo; shi kɛji okɛ lɛ be lɛ, etsɔ̃ɔ tamɔ agbo sɛɛ adabãŋ ehãa bo.

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Hosea 10:14

No hewɔ lɛ, ta aaabanina nyɛ, ni aaakpãtã nyɛmɔji lɛ fɛɛ ahiɛ tamɔ bɔ ni Maŋtsɛ Shalman kpãtã Bet-Arbel maŋ lɛ hiɛ yɛ ta mli, ni eplenee emli yeifɔyei kɛ amɛbii fɛɛ lɛ.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

5 Mose 22:6

“Kɛji ona loofɔlɔ tsu, eyɛ tso nɔ jio, eyɛ shikpɔŋ jio, ni loofɔlɔ nyɛ lɛ bu ebii lɛ loo ewɔji lɛ anɔ yɛ mli lɛ, kaamɔ loofɔlɔ nyɛ lɛ kɛ bii lɛ fɛɛ kɛtee.

1 Samuel 12:10

Enɛ hã nyɛtsɛmɛi lɛ bolɔ amɛtsɛ Yehowa, ni amɛkɛɛ, ‘Wɔfee esha, ejaakɛ wɔkwa bo, Yehowa, ni wɔyasɔmɔ Baali kɛ Astarte moŋ. Shi agbɛnɛ heremɔ wɔ yɛ wɔhenyɛlɔi lɛ adɛŋ, ni wɔbaasɔmɔ bo.’

1 Samuel 24:15

Yehowa aaaye misane lɛ ehã mi, ni eeekojo mi kɛ bo teŋ, ni eejie mi yɛ odɛ̃ŋ?”