1 Mose 31:7 - ŊMALƐ KRƆŊKRƆŊ LƐ

⁷ kɛ̃lɛ nyɛtsɛ shishiu mi, ni etsake minyɔmɔwo shii nyɔŋma; shi Nyɔŋmɔ hãaa lɛ hegbɛ ni efee mi efɔŋ ko.

Ṅmãle̱ Kroṅkroṅ Le̱

⁷ Ni nyetše̱ lakami, ni etšake mi-nyõmowo hĩe šii nyoṅma; ši Nyoṅmo̱ hãäle̱ hegbe̱ ni efemi efõṅ ko.

1 Mose 31:7 ပူးပေါင်းရင်းမြစ်များ

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

1 Mose 20:6

Kɛkɛ ni Nyɔŋmɔ kɛɛ Abimelek yɛ lamɔ lɛ mli akɛ, “Hɛɛ, mi hu mile akɛ onɔkwale fɛɛ okɛfee enɛ. Asaŋ, mi ni mitsi onaa koni okafee esha oshi mi, no hewɔ ni mihãaa bo hegbɛ akɛ ota ehe lɛ.

1 Mose 29:25

Be ni je tsɛre lɛ, Yakob na akɛ Lea ni. Kɛkɛ ni Yakob kɛɛ Laban akɛ, ‘Mɛni sane oye mi nɛɛ? Ani jeee Rahel hewɔ misɔ̃mɔ bo lɛ? Mɛɛ hewɔ mɔ ni oshishiu mi nɛkɛ?’ ”

1 Mose 30:28

Tsɔ̃ɔmɔ mi bɔ ni obaahe mi, ni mahã bo.”

1 Mose 31:24

Shi Nyɔŋmɔ jie ehe kpo etsɔ̃ɔ Laban, Aramnyo lɛ, yɛ wɔ mli ni ekɛɛ Laban akɛ, “Kwɛmɔ ni ahi koni okɛ Yakob akawie wiemɔ fɔŋ ko.”

1 Mose 31:29

Kulɛ manyɛ mafee bo efɔŋ; shi otsɛ Nyɔŋmɔ lɛ kɛ mi wie nyɔɔŋ nɛɛ mli, ni ekɛɛ mi akɛ, ‘Kwɛmɔ ohe ni ahi koni okɛ Yakob akawie wiemɔ fɔŋ ko.’

1 Mose 31:41

Afii nyɔŋmai enyɔ nɛɛ fɛɛ lɛ, bɔ ni miyɔɔ yɛ owe lɛ nɛ. Mikɛ emli afii nyɔŋma kɛ ejwɛ sɔ̃mɔ bo yɛ obiyei enyɔ lɛ ahewɔ ni mikɛ afii ekpaa hu sɔ̃mɔ bo kɛkwɛ otoi lɛ. Nɛkɛ be nɛɛ mli lɛ, otsake minyɔmɔwoo shii nyɔŋma sɔŋŋ.

Nehemia 4:12

Shi Yudafoi ni kɛ amɛ yɔɔ lɛ ba shii abɔ amɛbatswa wɔ adafi akɛ wɔhenyɛlɔi lɛ baajɛ hei srɔtoi ni amɛyɔɔ lɛ amɛbatua wɔ.

Hiob 1:10

Bɛ ofo afabaŋ okɛbaa lɛ kɛ ewe kɛ nɔ fɛɛ nɔ ni eyɔɔ lɛ yi shweshweeshwe. Ojɔɔ eninenaa nitsumɔ nɔ, ni ekooloi eshwere yɛ shikpɔŋ lɛ nɔ.

Hiob 19:3

Shii abɔ nɛɛ fɛɛ lɛ, nyɛmiibɔ mi ahora; efeee nyɛ hiɛgbele akɛ nyɛmiitɔ̃ minɔ?

Hiob 19:8

Etswa gbogbo ekɛsa minaa, ni no hewɔ lɛ, minyɛɛɛ maho; ni ehã migbɛ lɛ nɔ ewo duŋ.

Lalai 37:28

Ejaakɛ Yehowa sumɔɔ jalɛ saneyeli; ekwaŋ emɛi krɔŋkrɔŋi lɛ. Abaabaa jalɔi ayi kɛya naanɔ, shi mɛi fɔ̃ji ashwiei lɛ, aaakpãtã amɛhiɛ.

Yesaia 4:1

Nakai be lɛ mli lɛ yei kpawo baamɔ nuu kome kɛ hiɛdɔɔ, ni amɛbaakɛɛ lɛ akɛ, “Wɔ diɛŋtsɛ wɔɔnyɛ wɔlɛ wɔhe, ni wɔ diɛŋtsɛ wɔɔnyɛ wɔhe mama wɔbu. Nɔ ni wɔtaoɔ kɛkɛ ji akɛ akɛ ogbɛi atsɛ wɔ koni okɛjie wɔhiɛgbele.”

Yesaia 54:17

Shi tawuunii ko kwraa bɛ ni asɔ̃ ni aaanyɛ bo awui aye. Ooona hetoo oha wiemɔ fɛɛ wiemɔ ni aaawie ashi bo. Enɛ ji nɔ ni asaa ato. Yehowa tsuji agboshinii kɛ amɛjalɛ ni jɛ midɛŋ lɛ.” Yehowa kɛɛ.

Daniel 1:20

Nilee fɛɛ nilee kɛ sane fɛɛ sane ni maŋtsɛ lɛ bi Daniel kɛ enyɛmimɛi lɛ, ena akɛ amɛle nii shii nyɔŋma toi abɔ fe emaŋtsɛyeli lɛ mli shikpɔji lɛ anɔ ninalɔi kɛ ashwãifeelɔi lɛ fɛɛ.

3 Mose 26:26

Mafo nyɛŋmãa ni nyɛnaa nyɛyeɔ sɛɛ lɛ; ni no baahã yei nyɔŋma ashã aboloo fɛɛ ni nyɛyɔɔ shãa lɛ yɛ flɔnɔɔ kome pɛ mli. Aboloo lɛ hu abaaŋmɛ kɛ nsɛni ahã nyɛ nyɛye; ni nyɛaaye nɛ shi nyɛtɔrɔŋ.

Zakaria 8:23

Bɔ ni Yehowa, Taiatsɛ lɛ kɛɛ ekoŋŋ nɛ, “Nakai be lɛ mli lɛ mɛi nyɔŋma ni jɛ majimaji ni wieɔ wiemɔi srɔtoi anɔ baamɔ Yudanyo kome atade mli, ni amɛaakɛɛ lɛ akɛ, ‘Ha wɔkɛ bo aya, ejaakɛ wɔnu akɛ Nyɔŋmɔ kɛ nyɛ yɛ.’ ”

4 Mose 14:22

mɛi fɛɛ ni na minunyam la kaŋkaŋ lɛ kɛ nibii fɛɛ ni mifee yɛ Ijipt kɛ shiaŋa lɛ nɔ, ni nomɛi fɛɛ asɛɛ lɛ amɛka mi shii nyɔŋma sɔŋŋ, ni amɛbooo miwiemɔ toi lɛ,