1 Mose 31:53 - ŊMALƐ KRƆŊKRƆŊ LƐ

⁵³ Abraham Nyɔŋmɔ lɛ kɛ Nahor Nyɔŋmɔ lɛ, amɛtsɛ Nyɔŋmɔ lɛ, afee kojolɔ yɛ wɔteŋ.” Kɛkɛ ni Yakob kã Mɔ ni gbeyei etsɛ Isak she lɛ kitã.

Ṅmãle̱ Kroṅkroṅ Le̱

⁵³ Abraham Nyoṅmo̱ le̱ ke̱ Nahor Nyoṅmo̱ le̱ ke̱ ame̱tše̱ Nyoṅmo̱ le̱ afe *ko-dšolo̱ ye̱ wo̱teṅ. Ni Iakob kã etše̱ Isak †gbeyeišeme̱ le̱ kitã. *16,6. †31,42.

1 Mose 31:53 ပူးပေါင်းရင်းမြစ်များ

1 Mose 11:31

Tera ŋɔ ebi Abram kɛ Haran bi Lot ni ji enabi lɛ kɛ eshaayoo Sarai, ni ji ebi Abram ŋa lɛ, ni ekɛ amɛje Ur yɛ Babilon koni amɛya Kanaan shikpɔŋ lɛ nɔ; shi be ni amɛbashɛ Haran lɛ, amɛhi jɛi.

1 Mose 14:22

Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ

1 Mose 16:5

Kɛkɛ ni Sarai kɛɛ Abram akɛ, “Sane ni eŋɔɔɔ ni akɛyeɔ mi nɛɛ, sɔ̃ lɛ atere bo! Mikɛ miweyoo lɛ hã bo; shi kɛjɛ be ni ena akɛ ena musu lɛ, mihiɛ eshwiei shi yɛ ehiɛ. Nyɔŋmɔ aaakojo mi kɛ bo teŋ sane nɛɛ.”

1 Mose 17:7

“Mahã mikpãŋmɔ ni kã mi kɛ bo teŋ lɛ ama shi shiŋŋ, ni eeetsɔ̃ naanɔ kpãŋmɔ ehã oshwiei ni aaaba yɛ osɛɛ lɛ yɛ amɛyinɔi fɛɛ mli; matsɔ̃ Nyɔŋmɔ mahã bo kɛ oshwiei ni aaaba yɛ osɛɛ lɛ.

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

1 Mose 31:42

Kɛjeee mitsɛ Nyɔŋmɔ lɛ, ni ji Abraham Nyɔŋmɔ kɛ mɔ ni Isak sheɔ lɛ lɛ ni kɛ mi yɔɔ jikulɛ, anɔkwale sane ji akɛ obaawo mi gbɛ kɛya kɛ midɛ folo. Shi Nyɔŋmɔ na mimanehulu kɛ mininenaa nitsumɔ ni naa wa lɛ, hewɔ ni ekã ohiɛ nyɔɔŋ nɛɛŋ lɛ.”

1 Mose 31:52

Nɛkɛ tɛ ku nɛɛ ji odase, ni nɛkɛ okadi tɛ nɛɛ hu ji odase akɛ, mi lɛ, mihoŋ tɛ ku nɛɛ he mibaŋ oŋɔɔ ni mibafee bo efɔŋ, ni bo hu ohoŋ tɛ ku nɛɛ kɛ okadi tɛ nɛɛ he obaŋ miŋɔɔ ni obafee mi efɔŋ.

1 Mose 47:31

Shi Yakob kɛɛ, “Kã mi kitã!” No hewɔ lɛ, Yosef kã lɛ kitã. Kɛkɛ ni Israel ma eyi shi yɛ esaatso lɛ yitsogbɛ ni esɔle.

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

2 Mose 5:21

Amɛkɛɛ Mose kɛ Aaron akɛ, “Yehowa akojo nyɛ ejaakɛ nyɛhã wɔsane eje Farao kɛ etsuji agugɔŋ fũ, ni nyɛwo amɛdɛ̃ŋ klante ni amɛkɛgbe wɔ.”

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

Yoshua 24:2

Kɛkɛ ni Yoshua kɛɛ amɛ akɛ, “Naa nɔ ni Yehowa, Israel Nyɔŋmɔ lɛ, kɛɔ, ‘Teteete lɛ Eufrate Faa lɛ sɛɛ nyɛtsɛmɛi lɛ hi. Jɛi ji he ni Tera, ni ji Abraham kɛ Nahor tsɛ, hi ni amɛja nyɔŋmɔi krokomɛi.

Kojolɔi 11:27

No hewɔ lɛ, mifeko bo efɔŋ ko; shi bo moŋ ni ofeɔ mi efɔŋ akɛ ofã ta kɛba minɔ. Yehowa ni ji kojolɔ lɛ akojo Israelbii kɛ Amonbii ateŋ sane ŋmɛnɛ gbi nɛɛ.”

1 Samuel 20:23

Yehowa ji mi kɛ bo teŋ odase yɛ shii ni wɔwoowoo wɔhe nɛɛ he kɛmiiya naanɔ.”

1 Samuel 24:12

Mikɛ misane lɛ fɛɛ ehã Yehowa koni eye ehã mi; ni lɛ nɔŋŋ ebaatɔ mihe owele yɛ onɔ; shi mi ni ji mi lɛ, mikɛ minine esaŋ ohe kɔkɔɔkɔ.