1 Mose 30:8 - ŊMALƐ KRƆŊKRƆŊ LƐ

⁸ Kɛkɛ ni Rahel kɛɛ akɛ, “Mikɛ minyɛmi yoo lɛ enɔ nɔmɔ ni mli wa, ni miye kunim.” No hewɔ lɛ, ewo abifao lɛ Naftali.

Ṅmãle̱ Kroṅkroṅ Le̱

⁸ Ni Rahel ké̱: Mike̱ minyemiyō le̱ eši Nyoṅmo̱ mple, ni minyẽle̱! Ni ewole̱ Naftali.

1 Mose 30:8 ပူးပေါင်းရင်းမြစ်များ

1 Mose 23:6

“Nuŋtsɔ, bo wɔ toi; wɔbuɔ bo akɛ lumɔ kpele yɛ wɔteŋ. Wɔfuuhei lɛ ateŋ nɔ ni hi fe fɛɛ lɛ, fuu ogbonyo lɛ yɛ mli; wɔteŋ mɔ ko mɔ ko etsiŋ bo gbɛ akɛ okafu ogbonyo lɛ yɛ fuuhe lɛ.”

1 Mose 30:7

Bilha, Rahel weyoo lɛ, na musu ekoŋŋ, ni ekɛ Yakob fɔ binuu ni ji enyɔ.

1 Mose 30:9

Be ni Lea na akɛ ekpa fɔmɔ lɛ, ekɛ eweyoo Zilpa hã Yakob gbãlã.

1 Mose 35:25

Bilha, Rahel weyoo lɛ, bihii ji Dan kɛ Naftali.

1 Mose 46:24

Naftali bii ji Yazeel kɛ Guni kɛ Yezer kɛ Shillem.

1 Mose 49:21

“Naftali lɛ ofrote ni foɔ shi kɛkɛ ni; ni enaa ŋɔɔ.

2 Mose 9:28

Nyɛkpaa Yehowa fai koni ŋwɛi shiimɔ kɛ nyɔŋmɔŋtɛi lɛ akpa; shi efa; ni mahã nyɛya, ni mitsiŋ nyɛnaa dɔŋŋ.”

4 Mose 2:29

Kɛkɛ lɛ Naftali akutso lɛ hu atsa Asherbii lɛ anɔ. Naftalibii lɛ asafoiatsɛ nukpa ji Ahira, Enan bi lɛ.

Mateo 4:13

Ehiii shi yɛ Nazaret shi moŋ ebahi Kapernaum maŋ ko ni kã ŋshɔ naa, yɛ Zebulon kɛ Naftali niiaŋ,

5 Mose 33:23

Nɔ ni Mose kɛɛ yɛ Naftali akutso lɛ he nɛ: “Naftali, bo lɛ aduro bo naakpa, Yehowa ejɔɔ bo jogbaŋŋ; ŋɔɔ wuoyigbɛ kɛ Galilea Kpaakpo lɛ ofee onɔ.”

1 Samuel 14:15

Kɛkɛ ni Filistibii ni yɔɔ nsra lɛ mli kɛ mɛi ni yɔɔ ŋa lɛ nɔ kɛ maji fɛɛ amli fɛɛ jijaa, ŋmiŋmi mɔmɔ asraafoi ni yɔ nsra lɛ mli lɛ kɛ mɛi ni tee amɛyaaye ofɔ̃ lɛ. Shikpɔŋ hu hoso, ni ehã jijaamɔ lɛ mli wo wu.