1 Mose 3:5 - ŊMALƐ KRƆŊKRƆŊ LƐ

⁵ shi moŋ le Nyɔŋmɔ le akɛ gbi nɔ ni nyɛaaye eko lɛ, nyɛhiŋmɛi aaagbele, ni nyɛaatsɔ̃mɔ tamɔ lɛ, ni nyɛaale ekpakpa kɛ efɔŋ.”

Ṅmãle̱ Kroṅkroṅ Le̱

⁵ ši moṅ le Nyoṅmo̱ le ake̱ gbĩ no̱ ní nyeaye eko le̱, nyehĩṅme̱ii aagble, ni nyeatšṍmo̱ tamo̱ Nyoṅmo̱, ni nyeale ekpakpa ke̱ efõṅ.

1 Mose 3:5 ပူးပေါင်းရင်းမြစ်များ

1 Mose 2:17

shi ekpakpa kɛ efɔŋlee tso lɛ yibii lɛ kaaye ejaakɛ gbi nɔ ni oooye eko lɛ, gbo ooogbo!”

1 Mose 2:9

Nuŋtsɔ Nyɔŋmɔ hã tsei fɛɛ ni kɛ akwɛ ni aaaba mɔ tsine ni amɛhi hã yeli hu kwɛ̃ kɛjɛ shikpɔŋ sũ lɛ mli. Ehã wala tso kɛ ekpakpa kɛ efɔŋlee tso hu kwɛ̃ yɛ trom lɛ teŋ.

1 Mose 3:10

Ni Adam kɛɛ, “Minu ohe yɛ trom lɛ mli, ni mishe gbeyei ejaakɛ minyiɛ yayai ni miyatee mihe.”

1 Mose 3:22

Ni Nuŋtsɔ Nyɔŋmɔ kɛɛ, “Naa, gbɔmɔ lɛ etsɔ̃ tamɔ wɔteŋ mɔ kome, ni ele ekpakpa kɛ efɔŋ. Agbɛnɛ, eko lɛ eeekpã enine mli ni etse wala tso lɛ yibii lɛ eko ni eye koni ehiɛ akã kɛya naanɔ.”

1 Mose 3:7

Kɛkɛ ni amɛyi enyɔ lɛ fɛɛ amɛhiŋmɛi gbele ni amɛna akɛ amɛnyiɛ yayai. Amɛkpɛ agbãmi baa amɛkɛfee mama amɛkɛha amɛhe.

1 Maŋtsɛmɛi 22:6

No hewɔ lɛ, Israel Maŋtsɛ Ahab bua gbalɔi lɛ anaa kɛkpe, amɛyi aaafee ohai ejwɛ, ni ebi amɛ akɛ, “Miya miyatua Ramot-Gilead lo, aloo mikaya?” Gbalɔi lɛ to he akɛ, “Yaa, ni Yehowa baatu maŋ lɛ ewo odɛ̃ŋ.”

2 Kronika 32:15

No hewɔ lɛ, nyɛkahãa Hezekia miishishiu nyɛ, ni elakaa nyɛ nɛkɛ; ni asaŋ nyɛkahea lɛ nyɛyea hu. Ejaakɛ maŋ ko maŋ ko loo maŋtsɛ ko maŋtsɛ ko jemawɔŋ nyɛko emaŋbii ayiwala ehere yɛ Asiria maŋtsɛ ko dɛŋ dã, aahu ni nyɛNyɔŋmɔ lɛ. Enyɛŋ nyɛyiwala ehere yɛ mi midɛŋ.”

Lalai 12:4

mɛi hu ni kɛɔ akɛ, “Wɔkɛ wɔlilɛi aaana nɔ ni wɔtaoɔ. Wɔnaabui lɛ wɔ diɛŋtsɛ wɔnɔ ni. Namɔ yeɔ wɔnɔ Nuŋtsɔ?”

2 Mose 20:7

“Kaahiɛ Yehowa, oNyɔŋmɔ lɛ, gbɛi mli yakayaka, ejaakɛ Yehowa ebuŋ mɔ ni tsɛɔ egbɛi yakayaka lɛ bem.

2 Mose 5:2

Farao bi amɛ akɛ, “Namɔ ji nakai Yehowa lɛ hewɔ ni esa akɛ mabo lɛ toi, ni mahã Israel aya? Mileee Yehowa ko, ni Israel hu mihãaa amɛya.”

Yesaia 14:14

Makwɔ kɛteke atatui lɛ, ni mibafee mihe tamɔ Ŋwɛi Grɔŋŋnyo lɛ.’

Ezekiel 13:22

“Nyɛkɛ amale hãa jalɔ nijiaŋ jeɔ wui, tsɛbelɛ, mi lɛ mihako enijiaŋ aje wui; ni nyɛwoɔ mɔ fɔŋ moŋ ekãa, no hewɔ lɛ, enyɛɛɛ ekpale kɛje egbɛ fɔŋ lɛ nɔ ni ahere eyiwala.

Ezekiel 28:12

“Gbɔmɔ Adesa, ye Tiro maŋtsɛ lɛ ŋkɔmɔ, koni okɛɛ lɛ akɛ bɔ ni Nuŋtsɔ Yehowa kɛɔ nɛ: bo lɛ, osɛɛ lɛ mɔ ko bɛ, ole nii jogbaŋŋ, ni ohe yɛ fɛo kɛwula shi.

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 28:9

Be ni oyɔɔ mɛi ni gbeɔ bo lɛ adɛŋ lɛ, ani ooonyɛ okɛɛ akɛ ‘Nyɔŋmɔ ko ji mi?’ Be mli ni gbɔmɔ kɛkɛ ji bo, shi ojeee nyɔŋmɔ ko lɛ?

Ezekiel 29:3

bɔ ni Nuŋtsɔ Nyɔŋmɔ kɛɔ nɛ, naa, mi kɛ bo ena, bo Farao ni ji, Ijipt Maŋtsɛ, bo baa wulu kpele ni yɔɔ efai lɛ amli ni oshwãa okɛɔ akɛ, ‘Nilo Faa lɛ, minɔ ni, ni mi mibɔ mihã mihe.’

Daniel 4:30

ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

Daniel 6:7

Nii, wɔ, omaŋtsɛyeli lɛ mli onukpai nɔkwɛlɔi lɛ kɛ lumɛi lɛ kɛ akutseiatsɛmɛi lɛ kɛ amraloi lɛ kɛ ajinafoi lɛ, wɔtee ajina, ni wɔkpɛ mli akɛ Nii, awo akpɔ ko, ni akwɛ akɛ aye akpɔ nɛɛ nɔ pɛpɛɛpɛ. Akpɔ nɛɛ afee akɛ kɛyaashi gbii nyɔŋmai etɛ̃ lɛ, mɔ fɛɛ mɔ ni baashi bo, Nii, osɛɛ, ni esɔle ebi nyɔŋmɔ ko loo gbɔmɔ adesa ko dɛŋ nɔ ko lɛ, ashɛ nakai mɔ lɛ afɔ̃ jatai abu lɛ mli.

Mateo 6:23

Shi kɛji ohiŋmɛi nɔ tseee lɛ, ogbɔmɔtso muu lɛ aaawo duŋ. No hewɔ lɛ, kɛji la ni yɔɔ omli lɛ ji duŋ lɛ, te no duŋ lɛ aaafa ahã tɛŋŋ!”

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 13:4

ni amɛja drako lɛ, ejaakɛ ekɛ hegbɛ lɛ ehã kooloo lɛ, ni amɛja kooloo lɛ hu amɛkɛɛ, “Namɔ tamɔ kooloo lɛ, ni namɔ aaanyɛ ekɛ lɛ awu?”

Kojolɔi 3:2

Efee enɛ bɔ ni afee kɛkɛ ni Israelbii ayinɔi lɛ, titri lɛ amɛteŋ mɛi ni wuko ta dã lɛ, ale ta he nɔ ko ni ekɛtsɔ̃ɔ amɛ tawuu.