1 Mose 3:19 - ŊMALƐ KRƆŊKRƆŊ LƐ

¹⁹ Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

Ṅmãle̱ Kroṅkroṅ Le̱

¹⁹ Ohĩe *latšā mli ooye nii ye̱, ke̱-yaši beyino̱ ni ookũ ose̱ ke̱-ate šikpoṅ sũ mli, edšake̱ emli adšieo ke̱-dše̱. Edšake̱ sũ dšio, ni sũ mli ookũ ose̱ ke̱-ate! *2 Tes. 3,10. †Dsads. 12,7.

1 Mose 3:19 ပူးပေါင်းရင်းမြစ်များ

1 Mose 18:27

Abraham here nɔ ni ekɛɛ akɛ, “Naa, miŋɔ mifɔ̃ minɔ akɛ mikɛ Nuŋtsɔ lɛ aaawie, tsɛbelɛ mi lɛ su kɛ lamlu kɛkɛ ji mi.

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

1 Mose 23:4

“Mɔkpɔŋ ji mi, ni mibato gbɔ yɛ nyɛteŋ. Nyɛhãa mi he ko mahe koni mikɛfee fuuhe ni mato miŋa gbonyo ni kã mihiɛ nɛɛ yɛ jɛi.”

1 Mose 3:18

Ŋmei kɛ aŋɛ̃ŋlɛ̃ eeewo ehã bo, ni ŋa nɔ baa oooye.

1 Mose 5:5

No hewɔ lɛ, afii abɔ fɛɛ ni Adam ye dani egbo ji afii ohai nɛɛhu kɛ nyɔŋmai etɛ̃.

Hiob 1:21

Ekɛɛ akɛ, “Yayai mikɛjɛ minyɛ musuŋ miba, ni yayai mikɛaaku misɛɛ kɛaatee. Yehowa ni ŋɔ hã, ni Yehowa ebaŋɔ kɛtee; aaajie Yehowa gbɛi lɛ yi kɛ̃!”

Hiob 10:9

Kaimɔ akɛ okɛ sũ bɔ mi. Ani oohã matsɔ̃ sũ ekoŋŋ?

Hiob 19:26

ni kɛji mihewolo hiɛ kpãtã nɛkɛ sɛɛ, ni heloo bɛ mihe lɛ, mana Nyɔŋmɔ.

Hiob 21:26

Amɛ fɛɛ amɛyajwereɔ su mli, ni gɔgɔmii haa amɛhe.

Hiob 34:15

no lɛ heloo fɛɛ heloo hiɛ aaakpãtã; ni gbɔmɔ aaatsɔ̃ sũ ekoŋŋ.

Hiob 4:19

ani osusuɔ akɛ ekɛ ehe baafɔ gbɔmɔ adesa nɔ, gbɔmɔ ni jɛ shikpɔŋ su mli ni afufluɔ lɛ tamɔ omlɛgɛ?

Lalai 103:14

Ejaakɛ ele wɔsu kɛ wɔbaŋ; ekaiɔ akɛ sũ kɛkɛ ji wɔ.

Lalai 104:23

Kɛkɛ lɛ gbɔmɔ jeɔ kpo eyaa enitsumɔ, ni eyagboɔ deŋme kɛyashiɔ gbɛkɛ.

Lalai 104:29

Kɛ okɛ ohiɛ tee lɛ, amɛhaoɔ, kɛ oŋɔ amɛmumɔ lɛ, amɛgboiɔ; ni amɛkuɔ amɛsɛɛ kɛyaa amɛsu ni amɛjɛ mli lɛŋ ekoŋŋ.

Lalai 127:2

Yakatswaa nyɛteɔ shi maŋkɛ mra, ni nyɛgboɔ deŋme aahu dani nyɛyawɔɔ. Nyɛgboɔ deŋme kɛtaoɔ nyɛdaaŋ ŋmaa; shi mɛi ni Yehowa sumɔɔ amɛ lɛ, ehãa amɛ amɛhiamɔ nibii kɛji amɛwɔ po tete.

Lalai 22:15

Misɛŋ egbi tamɔ ŋɛsuko mli, mililɛi ekpɛtɛ midaaŋ; ni oshi mi oŋmɛ su mli tamɔ gbonyo.

Lalai 22:29

Lɛ shikpɔŋ lɛ nɔ hewolɔi lɛ fɛɛ aaakoto. Mɛi ni egboi momo, kɛ mɛi ni baagboi fɛɛ baakoto lɛ.

Lalai 90:3

Okɛɔ akɛ, “Nyɛ gbɔmɛi abii, nyɛkua nyɛsɛɛ nyɛbaa!” Ni ohãa adesa kuɔ esɛɛ etsɔ̃ɔ sũ.

Abe̱i 21:16

Mɔ ni kɔɔɔ sane sɛɛ lɛ, enaagbeehe ji gbohiiaje; eeeyahi gbohii agwabɔɔ lɛ mli.

Jajelɔ 1:13

Mikɛma mihiɛ akɛ mikɛ nilee baagbugbuu shi, kɛtao nɔ fɛɛ nɔ ni afeɔ yɛ jeŋ; ni naa, eko fɛɛ eko lɛ yakanii ni.

Jajelɔ 1:3

Mɛni gbɔmɔ naa yɛ deŋme fɛɛ ni egboɔ yɛ jeŋ he?

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Jajelɔ 3:20

Amɛ fɛɛ lɛ he koome lɛ nɔŋŋ amɛyaa; amɛ fɛɛ lɛ su mli amɛjɛ, ni amɛ fɛɛ amɛbaatsɔ̃ su ekoŋŋ.

Jajelɔ 5:15

Bɔ ni ejɛ enyɛ musuŋ eba kɛ ehe yayai lɛ, nakai nɔŋŋ eeeku esɛɛ kɛaatee bɔ ni eba lɛ, ni ekɔŋ edeŋmegbomɔ lɛ mli nɔ ko nɔ ko kɛyaŋ.

Daniel 12:2

Ni mɛi ni egboi lɛ ateŋ mɛi pii ahiɛ aaatsɛ̃; mɛi komɛi aaatee naanɔ wala mli; shi mɛi komɛi hu aaatee naanɔ hiɛgbele mli.

1 Korintobii 15:47

Klɛŋklɛŋ gbɔmɔ lɛ ni jɛ shikpɔŋ mli lɛ, su ni; gbɔmɔ ni ji enyɔ lɛ jɛ ŋwɛi.

Efesobii 4:28

Mɔ ni juɔ lɛ ekaju dɔŋŋ, shi ebɔ mɔdɛŋ ni ekɛ lɛ diɛŋtsɛ eniji atsu nitsumɔ kpakpa, koni ena nɔ ko ni ekɛhã mɔ ni ehia lɛ lɛ.

1 Tesalonikabii 2:9

Ejaakɛ, anyɛmimɛi, nyɛkaiɔ wɔtɔlɛ kɛ wɔdeŋmegbomɔ lɛ, akɛ bɔ ni afee ni wɔkatsɔ̃ jatsu wɔmiihã nyɛteŋ mɔ ko hewɔ lɛ nyɔɔŋ kɛ shwane fɛɛ wɔmiitsu nii, ni wɔsaa wɔmiijaje Nyɔŋmɔ Sanekpakpa lɛ wɔmiitsɔ̃ɔ nyɛ.

2 Tesalonikabii 3:10

Ejaakɛ be ni wɔkɛ nyɛ yɔɔ lɛ hu, wɔwo nyɛ kitã akɛ, “Kɛ mɔ ko sumɔɔɔ akɛ etsuɔ nii lɛ, belɛ ekaye nii hu.”

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,