1 Mose 3:10 - ŊMALƐ KRƆŊKRƆŊ LƐ

¹⁰ Ni Adam kɛɛ, “Minu ohe yɛ trom lɛ mli, ni mishe gbeyei ejaakɛ minyiɛ yayai ni miyatee mihe.”

Ṅmãle̱ Kroṅkroṅ Le̱

¹⁰ Ni ekē̱: Minu ogbē ye̱ trom le̱ mli, ni miše gbeyei, edšake̱ minyie̱ yayai, ni miyatē mihe.

1 Mose 3:10 ပူးပေါင်းရင်းမြစ်များ

1 Mose 2:25

Amɛyi enyɔ lɛ fɛɛ, nuu lɛ kɛ eŋa lɛ, nyiɛ yayai, shi amɛhiɛ gbooo he.

1 Mose 3:11

Nyɔŋmɔ bi lɛ akɛ, “Namɔ kɛɛ bo akɛ onyiɛ yayai? Te tso lɛ ni miwo bo he kitã akɛ okaye eyibii lɛ eko lɛ, no oye nɛɛ?”

1 Mose 3:7

Kɛkɛ ni amɛyi enyɔ lɛ fɛɛ amɛhiŋmɛi gbele ni amɛna akɛ amɛnyiɛ yayai. Amɛkpɛ agbãmi baa amɛkɛfee mama amɛkɛha amɛhe.

Hiob 23:15

No hewɔ lɛ, ŋmiŋmi mɔɔ mi yɛ ehiɛ; kɛji mishwie miyiŋ lɛ, misheɔ lɛ gbeyei.

Hiob 31:33

Mitsimɔko mitɔ̃mɔi anɔ tamɔ Adam, ni mikɛ minɔsha lɛ etoko mimli.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

2 Mose 20:19

Kɛkɛ ni amɛkɛɛ Mose akɛ, “Bo moŋ okɛ wɔ awie, ni wɔɔbo toi, shi kaahã Nyɔŋmɔ kɛ wɔ miiwie ni wɔbagboi.”

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

2 Mose 32:25

Be ni Mose na akɛ maŋ lɛ efee yuuyaa (ejaakɛ Aaron ehã amɛfee yuuyaa, ni amɛbɔ amɛhe ahora amɛtsɔ̃ɔ amɛhenyɛlɔi) lɛ,

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yesaia 47:3

Aaajie oyayaiaŋ kpo, ni ohiɛgbele aaabakã shi. Matɔ owele, ni mɔ ko mɔ ko etsiŋ minaa.”

Yesaia 57:11

“Namɔ gbeyei oshe, ni otsui fã, hewɔ ni omale, ni okaiii mi, ni oyasusuuu mihe lɛ? Aso diŋŋ ni mifee ni miŋamɔ mihiŋmɛii nɛɛ lɛ hewɔ ni osheee mi gbeyei lɛ?

5 Mose 5:25

Belɛ agbɛnɛ mɛni hewɔ wɔɔgboi? Ejaakɛ nɛkɛ la kpeteŋkple nɛɛ aaaŋala wɔ wɛɛ. Wɔbaagboi kɛji wɔnu Yehowa, wɔNyɔŋmɔ lɛ, gbee ekoŋŋ lɛ.

1 Yohane 3:20

Kɛji wɔtsui buɔ wɔ fɔ lɛ, Nyɔŋmɔ da fe wɔtsui, ni ele nii fiaa.

Kpojiemɔ 16:15

“Naa, miiba tamɔ julɔ. Ajɔɔ mɔ ni saraa ni ekwɛɔ etadei lɛ anɔ lɛ, koni ekanyiɛ yayai ni ana ehiɛgbele lɛ.”