1 Mose 3:1 - ŊMALƐ KRƆŊKRƆŊ LƐ

¹ Onufu ji kooloo ko ni le ŋaa fe kooloi fɛɛ ni Nuŋtsɔ Nyɔŋmɔ bɔ lɛ. Ebi yoo lɛ akɛ, “Lɛɛlɛŋ akɛ Nyɔŋmɔ kɛɛ akɛ trom lɛ mli tsei ayibii lɛ fɛɛ lɛ nyɛkaye lɛ?”

Ṅmãle̱ Kroṅkroṅ Le̱

¹ Ši onũfũ le ṅā fè ṅãno̱ koloi fẽ ni Iehowa Nyoṅmo̱ fe le̱, ni ekē̱ yō le̱ ake̱: Le̱le̱ṅ, Nyoṅmo̱ kē̱ akē̱: Nyekaye trom le̱ mli tšeiayibii le̱ ſẽ eko le̱? Kpods. 12,9; 20,2.

1 Mose 3:1 ပူးပေါင်းရင်းမြစ်များ

Jajelɔ 4:10

Ejaakɛ kɛji shi amɛgbee lɛ, amɛteŋ mɔ kome kɛ̃ aaawo enaanyo nɔ. Shi mɔ ni ekoome lɛ, kpoo hã lɛ ejaakɛ kɛji egbee shi lɛ, mɔ ko bɛ ni aaawo enɔ.

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

Mateo 10:16

“Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.

Mateo 4:3

Ni abonsam lɛ ba eŋɔɔ ebakɛɛ lɛ akɛ, “Kɛji Nyɔŋmɔ Bi ji bo lɛ, fã koni tɛi nɛɛ atsɔ̃mɔ aboloo.”

Mateo 4:6

ni abonsam kɛɛ lɛ akɛ, “Kɛji Nyɔŋmɔ Bi ji bo lɛ, kɛ ohe atswa shi; ejaakɛ aŋma akɛ, ‘Ohewɔ lɛ eeefã ebɔfoi lɛ ni amɛaahiɛ bo yɛ amɛdɛŋ, koni okɛ onane akashi tɛ ko.’ ”

Mateo 4:9

ni ekɛɛ lɛ akɛ, “Mikɛ enɛɛmɛi fɛɛ baahã bo, kɛji okula shi oja mi lɛ.”

2 Korintobii 11:14

Ni enɛ bɛ naakpɛɛ tete ejaakɛ Satan diɛŋtsɛ tsakeɔ ehe etsɔ̃ɔ la bɔfo;

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

1 Petro 3:7

Nakai nɔŋŋ nyɛ wumɛi, nyɛkɛ nyɛŋamɛi lɛ ahia shi yɛ nilee naa, ni nyɛkɛ woo awoa yoo akɛ mɔ ni he waaa tuutu ko, akɛni amɛ kɛ nyɛ fɛɛ ji wala dromɔ lɛ niyelɔi lɛ, koni akatsĩ nyɛsɔlemɔi lɛ agbɛ.

Kpojiemɔ 12:15

Ni onufu lɛ fɛ̃ nu ni tamɔ faa ko kɛjɛ edaaŋ eshwie yoo lɛ sɛɛ, koni nu lɛ asha lɛ kɛya.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 20:2

Ni emɔ drako lɛ, blema onufu lɛ ni ji abonsam kɛ Satan hu lɛ, ni efi lɛ afii akpe,