1 Mose 27:43 - ŊMALƐ KRƆŊKRƆŊ LƐ

⁴³ No hewɔ lɛ, mibi, bo mi toi, joo foi oya kɛya minyɛmi Laban ŋɔɔ yɛ Haran

Ṅmãle̱ Kroṅkroṅ Le̱

⁴³ Nohewo̱ le̱ agbe̱ne̱, mibi, bo migbē toi, ni ote ši ni odšo foi ke̱-ya minyemi Laban ṅõ ye̱ *Haran, *24,10.

1 Mose 27:43 ပူးပေါင်းရင်းမြစ်များ

1 Mose 11:31

Tera ŋɔ ebi Abram kɛ Haran bi Lot ni ji enabi lɛ kɛ eshaayoo Sarai, ni ji ebi Abram ŋa lɛ, ni ekɛ amɛje Ur yɛ Babilon koni amɛya Kanaan shikpɔŋ lɛ nɔ; shi be ni amɛbashɛ Haran lɛ, amɛhi jɛi.

1 Mose 24:29

Rebeka yɛ nyɛmi nuu ko ni atsɛɔ lɛ Laban; Laban nɛɛ sha foi kɛje kpo ni etee nuu lɛ ŋɔɔ yɛ nubu lɛ he.

1 Mose 25:20

Isak eye afii nyɔŋmai ejwɛ ni eŋɔ Rebeka ni ji Betuel Aramnyo ni jɛ Mesopotamia lɛ biyoo lɛ. Laban, Aramnyo lɛ nyɛmi yoo ni.

1 Mose 27:13

Enyɛ kɛɛ lɛ akɛ, “Oloomɔ lɛ ababua mi miyiteŋ, mibi; bo mi toi kɛkɛ ni oyamɔmɔ toi lɛ obahã mi!”

1 Mose 27:42

Shi abagba Rebeka ebi nukpa Esau wiemɔi nɛɛ, ni etsu ayatsɛ Yakob, ebi gbekɛ lɛ, kɛba ni ekɛɛ lɛ akɛ, “Naa, onyɛmi Esau kɛ gbe ni ebaagbe bo miihã ehe tsui.

1 Mose 27:8

No hewɔ lɛ, agbɛnɛ, mibi, bo nɔ ni mikɛɔ bo nɛɛ toi!

1 Mose 28:10

Yakob jɛ Beersheba ni eyiŋ eeya Haran.

1 Mose 28:5

Kɛkɛ ni Isak wo Yakob gbɛ koni eya Mesopotamia yɛ Aramnyo Betuel bi Laban ni ji Yakob kɛ Esau nyɛ Rebeka nyɛmi nuu lɛ ŋɔɔ.

1 Mose 28:7

Ena ele hu akɛ be ni Isak jɔɔ Yakob lɛ, ewo lɛ akpɔ akɛ ekaŋɔ yoo yɛ Kanaan yei lɛ ateŋ, ni Yakob ebo etsɛ kɛ enyɛ toi ni etee Mesopotamia.

1 Mose 35:1

Nyɔŋmɔ kɛɛ Yakob akɛ, “Yaa Betel ni oyahi jɛi, ni oma afɔleshãa latɛ yɛ jɛi ohã Nyɔŋmɔ ni jie ehe kpo etsɔ̃ɔ bo be ni ojo onyɛmi Esau naa foi lɛ.”

Abe̱i 30:17

Mɔ ni yeɔ etsɛ he fɛo ni egbeɔ enyɛ tsɔsemɔ he guɔ lɛ, kwãakwãalabitei aaafãmɔ ehiŋmɛii, ni akpaŋai aaaye eloo.

Yeremia 35:14

Kitã ni Rekab bi Yonadab, wo eshwiei akɛ amɛkanu wain lɛ, amɛye nɔ, ni amɛnuuu wain kɛ ŋmɛnɛ, ejaakɛ amɛye amɛtsɛ kitã lɛ nɔ. Mitee nɔ mikɛ nyɛ ewie shii abɔ, shi nyɛbooo mi toi.

Bɔfoi 5:29

Shi Petro kɛ bɔfoi lɛ here nɔ ni amɛkɛɛ, “Esa akɛ aboɔ Nyɔŋmɔ moŋ toi fe gbɔmɛi.