1 Mose 27:29 - ŊMALƐ KRƆŊKRƆŊ LƐ

²⁹ Maji asɔ̃mɔ bo, ni je lɛŋ maji akoto bo. Ye onyɛmimɛi lɛ anɔ lumɔ, ni onyɛ bihii lɛ akoto bo. Mɔ fɛɛ mɔ ni aaalomɔ bo lɛ, alomɔ lɛ, ni mɔ fɛɛ mɔ ni aaajɔɔ bo lɛ, ajɔɔ lɛ!”

Ṅmãle̱ Kroṅkroṅ Le̱

²⁹ Mãdši asúmo̱o, ni dšeṅmãdši akotóö. Ye onyemimei le̱ ano̱ *nuṅtšo̱, ni onye bihĩĩ akotoö. Mofẽmo ni †lomoo̱o le̱, aalomo̱le̱; ni mofẽmo ní dšō̱o̱o le̱, aadšō̱le̱! *25,23. †12,3.

1 Mose 27:29 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

1 Mose 25:33

Yakob kɛɛ lɛ akɛ, “Kã mi kitã yɛ nɔ dã!” Hewɔ lɛ Esau kã lɛ kitã ni ehɔ̃ɔ ekromɔbi gbɛnaa lɛ ehã Yakob.

1 Mose 27:30

Be ni Isak egbe Yakob jɔɔmɔ lɛ naa ni Yakob kɛɛ ejeɔ etsɛ Isak hiɛ nɔŋŋ pɛ lɛ, naa enyɛmi Esau hu; ejɛ emilɛ lɛ eba.

1 Mose 27:37

Isak to he ekɛɛ Esau akɛ; “Mifee lɛ onuŋtsɔ, ni mikɛ enyɛmimɛi lɛ fɛɛ efee etsuji. Miŋɔ ŋmãa kɛ wain mihã lɛ; ni bo lɛ, mɛni mafee mahã bo mɔ, mibi?”

1 Mose 27:40

Oklante naa oyi aaana wala yɛ, ni onyɛmi lɛ ooosɔ̃mɔ. Shi aaaba mli akɛ, kɛ opele ohe lɛ, oookpɔ̃ ohe yɛ edɛŋ.”

1 Mose 37:10

Shi be ni egba etsɛ kɛ enyɛmimɛi lɛ lamɔ lɛ, etsɛ kã ehiɛ, ni ekɛɛ lɛ akɛ, “Mɛni lamɔ ola nɛɛ? Belɛ kotomɔ mi kɛ onyɛ kɛ onyɛmimɛi lɛ aaaba abakoto bo lo?”

1 Mose 37:7

Wɔmiifimɔ ŋmãa kei yɛ ŋmɔshi; ni naa, miŋmãa ke lɛ te shi damɔ shi trɔmɔɔ, ni nyɛŋmãa kei lɛ babɔle miŋmãa ke lɛ, ni amɛkoto lɛ.”

1 Mose 9:27

“Nyɔŋmɔ ahã Yafet shwiei ashwere. Ehi Shem bui lɛ amli ni Kanaan atsɔ̃ Yafet nyɔŋ.”

1 Maŋtsɛmɛi 22:47

Be nɛɛ mli lɛ maŋtsɛ ko bɛ Edom shikpɔŋ lɛ nɔ; amralo ko ni yeɔ maŋtsɛ najiaŋ yɔɔ jɛi.

1 Maŋtsɛmɛi 4:21

Solomon ye maŋtsɛyelii fɛɛ nɔ lumɔ kɛjɛ Eufrate Faa lɛ naa, kɛ Filistibii lɛ ashikpɔŋ lɛ nɔ kɛyashwie Ijipt husui lɛ anɔ. Amɛtsu onia amɛhã Solomon, ni amɛsɔmɔ lɛ ewala gbii abɔ fɛɛ.

1 Kronika 5:2

Yɛ nyɛmimɛi lɛ ateŋ lɛ Yuda akutso lɛ ji mɔ ni he bawa fe mɔ fɛɛ mɔ, ni emli ejɛ aye maŋtsɛ. Shi kromɔbi gbɛnaa lɛ, tsɔ̃ Yosef shwiei lɛ anɔ.)

Lalai 72:8

Elumɔyeli aaahe shi kɛaajɛ ŋshɔnaa kɛyagbee ŋshɔnaa; kɛaajɛ Eufrate Faa lɛ naa kɛyashi je lɛ naagbeehei kɛ̃.

Yesaia 45:14

Bɔ ni Yehowa kɛɔ Israel nɛ, “Nii ni Ijipt yɔɔ lɛ kɛ Kush hu jarayeli mli sɛɛnamɔnii lɛ fɛɛ aaatsɔ̃ onii; ni Sebahii, hii gojogojoo lɛ, aaatsɔmɔ onyɔji. Amɛaakamɔ gboklɛi amli kɛaanyiɛ osɛɛ; amɛaaba ni amɛaakoto bo. Amɛaakpa bo fai amɛkɛɛ, ‘Bo pɛ Nyɔŋmɔ kɛ yɔɔ, ni Lɛ esɛɛ lɛ, mɔ ko bɛ dɔŋŋ.

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yesaia 60:12

Shi maji ni sɔmɔɔɔ bo lɛ aaakpãtã amɛhiɛ; nakai maji lɛ, kpãtãmɔ aaakpãtã amɛhiɛ butuu.

Yesaia 60:14

Mɛi ni wa bo yi lɛ abii lɛ hu aaaba abakoto bo; ni mɛi fɛɛ ni gbe ohe guɔ aaaba abakula onaji anaa. Amɛaatsɛ bo ‘Yehowa maŋ wulu,’ ‘Israel Mɔ Krɔŋkrɔŋ lɛ Zion lɛ.’

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

4 Mose 23:8

Shi te aaafee tɛŋŋ malomɔ mɔ ni Nyɔŋmɔ lomɔko lɛ hu? Te aaafe tɛŋŋ mashwe musu mahã mɔ ko be ni Yehowa ekɛko nakai?

4 Mose 24:18

Ebaaye Edom nɔ, ni eeeye Seir hu nɔ, eeeye ehenyɛlɔi lɛ hu anɔ ni eeeŋɔ amɛshikpɔji lɛ be mli ni Israel yeɔ kunim lɛ.

4 Mose 24:9

Edɛke shi; ebu shi tamɔ jata, tamɔ jatayoo; namɔ aaatsiɛ lɛ? Mɔ fɛɛ mɔ ni jɔɔ bo lɛ, aaajɔɔ lɛ, ni mɔ fɛɛ mɔ ni lomɔɔ bo lɛ, aaalomɔ lɛ.”

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Mateo 25:45

Kɛkɛ lɛ eeehere amɛ nɔ eeekɛɛ akɛ, ‘Anɔkwale mikɛɔ nyɛ akɛ, gbii abɔ ni nyɛfeee nyɛhãaa mɛi bibii kwraa nɛɛ ateŋ mɔ kome lɛ, nyɛfeee nyɛhãaa mi hu!’

Romabii 9:12

akɛɛ Rebeka akɛ, “Onukpa lɛ baasɔ̃mɔ gbekɛ lɛ.”

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”