1 Mose 27:28 - ŊMALƐ KRƆŊKRƆŊ LƐ

²⁸ Nyɔŋmɔ ahã bo ŋwɛi bɔ kɛ shikpɔŋ mli fɔ lɛ eko, kɛ ŋmãa kɛ wain babaoo hu.

Ṅmãle̱ Kroṅkroṅ Le̱

²⁸ Nyoṅmo̱ ahão ṅwei hō̱ ke̱ šikpoṅ fo̱ le̱ eko ke̱ ṅmā̃ ke̱ wein babaō hũ.

1 Mose 27:28 ပူးပေါင်းရင်းမြစ်များ

1 Mose 27:37

Isak to he ekɛɛ Esau akɛ; “Mifee lɛ onuŋtsɔ, ni mikɛ enyɛmimɛi lɛ fɛɛ efee etsuji. Miŋɔ ŋmãa kɛ wain mihã lɛ; ni bo lɛ, mɛni mafee mahã bo mɔ, mibi?”

1 Mose 27:39

Etsɛ Isak here nɔ, ni ekɛɛ lɛ akɛ, “Shikpɔŋ ni fɔ bɛ mli nɔ ooohi, kɛ he ni ŋwɛi bɔ enyɔɔɔ yɛ.

1 Mose 45:18

ni nyɛyaŋɔa nyɛtsɛ kɛ nyɛbii kɛ nyɛhɔi kɛbaa. Mibahã nyɛ Ijipt shikpɔŋ lɛ he ni hi jogbaŋŋ ni nyɛhi nɔ ni nyɛye shikpɔŋ lɛ mli ŋɔɔmɔ.

1 Mose 49:20

“Asher shikpɔŋ aaaba nii kpɔtɔɔ nii ni sa maŋtsɛ.

1 Mose 49:25

Otsɛ Yakob Nyɔŋmɔ lɛ ji mɔ ni aaaye abua bo. Nyɔŋmɔ Ofe lɛ baajɔɔ bo. Lɛ eeejɔɔ bo kɛ jɔɔmɔi ni jɛ ŋwɛi kɛ jɔɔmɔi ni jɛ shikpɔŋ lɛ shishi nui lɛ amli. Eeejɔɔ bo kɛ fufɔ ni kɔ̃ɔ, eeejɔɔ bo kɛ fɔmɔnii kpakpa.

2 Samuel 1:21

“Nyɛ Gilboa gɔji, bɔ loo nu akanɛ nyɛnɔ, ni nyɛnɔ ŋmɔji aŋala. Ejaakɛ jɛi abule kãkãlɔi lɛ atsɛŋi lɛ yɛ, kɛ Saul tsɛŋ lɛ po, ejaakɛ afɔŋ he mu dɔŋŋ.

1 Maŋtsɛmɛi 17:1

Gbalɔ ko ni gbɛi ji Elia, Tishbinyo ni ejɛ Gilead, lɛ kɛɛ Maŋtsɛ Ahab akɛ, “Miikɛɛ bo, yɛ Yehowa, Israel Nyɔŋmɔ hiɛkãalɔ lɛ, mɔ ni misɔ̃mɔɔ lɛ, gbɛi mli akɛ bɔ enyɔŋ, ni nu hu enɛŋ kɛyashi biɛ afii enyɔ loo afii etɛ̃, bɛja mi, miwie dã.”

1 Maŋtsɛmɛi 5:11

Ni Solomon hã Hiram ŋmãa ni tsiimɔ ji talentai akpei nyɔŋmai enyɔ kɛ mu tɔi litai ohai ejwɛ ni ji Hiram webii lɛ niyenii daa afi.

2 Kronika 2:10

Mibahã bo ŋmãa mamu ni tsiimɔ ji nsɛnitɛ wulu lɛ akpei enyɔ, kɛ abele nsɛnitɛ wulu lɛ akpei enyɔ, kɛ wain Iitai akpei ohai ejwɛ kɛ mu litai akpei ohai ejwɛ hu yɛ otsuji ni ji tsogbalɔi lɛ ahewɔ.”

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

Lalai 133:3

Etamɔ Hermon bɔ ni nyɔɔ Zion gɔji lɛ anɔ lɛ. Ejaakɛ Yehowa ewo Zion jɔɔmɔ kɛ wala he shi kɛyaashi naanɔ.

Lalai 36:8

Amɛyeɔ owe lɛŋ nii babaoo amɛtɔrɔɔ naakpa; ni amɛnuɔ omlihilɛ lɛ tamɔ faa ni hoɔ.

Abe̱i 19:12

Maŋtsɛ mlifu tamɔ jata huumɔ; shi kɛ ena mɔ he tsui lɛ, etamɔ bɔ ni jwere jwɛi nɔ.

Abe̱i 3:20

Enilee naa hãa fai tueɔ, ni ehãa atatui lɛ nyɔɔ bɔ shwieɔ shi.

Yesaia 45:8

“Ao Ŋwɛi, nɛɛ nu kɛjɛ ŋwɛi! Ha atatui afɔse jalɛ ashwie shi! Shikpɔŋ agbele enaa koni yiwalaheremɔ aba, koni eha jalɛ saneyeli hu akwɛ̃ Mi, Yehowa, mafee enɛ!

Yeremia 14:22

Ani majimaji lɛ alagbãalagbã wɔji lɛ ateŋ eko nyɛɔ ehãa nu nɛɔ? Loo ŋwɛi tete nyɛɔ lɛ diɛŋtsɛ ehãa nu nɛɔ? Ao! Yehowa, wɔNyɔŋmɔ, bo pɛ gbɛ wɔkwɛɔ, ejaakɛ bo pɛ otsuɔ enɛɛmɛi fɛɛ kwa.

Yoel 2:19

Ehere amɛ nɔ, ni ekɛɛ amɛ akɛ, “Agbɛnɛ mibahã nyɛ abele kɛ wain kɛ mu, koni nyɛye nyɛtɔrɔ; maji krokomɛi ebɔŋ nyɛ ahora dɔŋŋ.

Mika 5:7

Israelbii ni aaashwɛ lɛ aaatamɔ ŋwɛi bɔ ni Yehowa hãa enyɔɔ maji pii anɔ lɛ. Mɛi ni aaashwɛ lɛ aaatamɔ futufuli ni shwãa jwɛfɔ nɔ. Amɛkɛ amɛhe aaafɔ̃ Yehowa nɔ, shi jeee gbɔmɔ adesa ko nɔ.

Zakaria 8:12

“Ejaakɛ aaadu nii yɛ toiŋjɔlɛ mli, waintsei lɛ aaawo yibii, ni shikpɔŋ lɛ aaaba nii, bɔ aaajɛ ŋwɛi anyɔ ashwie nɔ, ni mibahã enɛɛmɛi fɛɛ atsɔ̃ maŋ lɛ mli mɛi ni eshwɛ lɛ anɔ.

Zakaria 9:17

Shikpɔŋ lɛ nɔ aaaŋɔɔ, eeefee fɛo; abele aaahã oblahii afrɔke ni wain hee hu aaahã oblayei afrɔke.

4 Mose 13:20

Nyɛkwɛa bɔ ni amɛshikpɔŋ lɛ diɛŋtsɛ yɔɔ, akɛ ebaa nii aloo ebaaa nii jogbaŋŋ, akɛ tsei yɛ nɔ aloo tsei bɛ nɔ. Ni nyɛbɔa mɔdɛŋ ni nyɛtserɛa shikpɔŋ lɛ nɔ tsei ayibii lɛ eko kɛbaa.” Nakai be mli lɛ eshɛ klɛŋklɛŋ wain yibii atsulɛ be.

4 Mose 18:12

“Miijɔɔ mu kɛ wain kɛ klɛŋklɛŋ abele ni akuɔ lɛ mli ekpakpa fe fɛɛ ni Israelbii kɛbahãa mi Yehowa nɔ mihã bo.

Romabii 11:17

Shi kɛji akumɔ tso niji lɛ ekomɛi, ni abatɛo bo ni oji ŋaŋmutso lɛ yɛ amɛnajiaŋ, ni ona mutso lɛ shishifã lɛ kɛ emlinu lɛ eko lɛ,

5 Mose 32:2

Mitsɔ̃ɔmɔ aaashwie shi tamɔ nu ni miinɛ, ni eeenyɔ tamɔ bɔ, tamɔ futufuli ni miishwã jwɛfɔ nɔ, tamɔ nu kulibii yɛ bai anɔ.

5 Mose 33:13

Mose kɛɛ yɛ Yosef akutso lɛ he akɛ, “Yehowa ajɔɔ oshikpɔŋ lɛ kɛ bɔ, ŋwɛi nikeenii ni jara wa fe fɛɛ lɛ, kɛ shikpɔŋ lɛ shishi nu hu.

5 Mose 33:28

No hewɔ lɛ, Israelbii lɛ, aaahi shi shweshweeshwe. Yakob nubu lɛ aaahi shikpɔŋ ni abele kɛ wain pii baa yɛ nɔ, ni ŋwɛi bɔ nyɔɔ kɛjɛɔ ŋwɛi shwieɔ nɔ lɛ nɔ.

5 Mose 7:13

Ebaasumɔ nyɛ, ni ebaajɔɔ nyɛ, ni ebaahã nyɛyi afa. Ebaajɔɔ nyɛmusuŋbii hu kɛ nyɛŋmɔshi nibaanii bɔ ni nyɛbele kɛ nyɛwaintsei kɛ mu kɛ nyɛtsinai kɛ nyɛtoi baashwere yɛ shikpɔŋ lɛ ni ewo nyɛtsɛmɛi lɛ shi yɛ he akɛ ekɛbaahã nyɛ lɛ nɔ.

Hebribii 11:20

Hemɔkɛyeli Isak kɛjɔɔ Yakob kɛ Esau yɛ nii ni baaba lɛ ahewɔ.

Yoshua 5:6

Israelbii nyiɛ ŋã lɛ nɔ afii nyɔŋmai ejwɛ sɔŋŋ kɛyashi maŋ lɛ mli hii tabilɔi ni fata he be ni ashi Ijipt lɛ fɛɛ gboi, ejaakɛ amɛbooo Yehowa toi; ni no hewɔ lɛ, Yehowa kã amɛ kitã akɛ ehaŋ amɛna shikpɔŋ lɛ ni, lɛ, Yehowa ekã amɛtsɛmɛi lɛ ehe kitã akɛ ekɛbaahã amɛ lɛ, ni ji shikpɔŋ kpakpa ni baa nii lɛ.