1 Mose 27:19 - ŊMALƐ KRƆŊKRƆŊ LƐ

¹⁹ Ni Yakob kɛɛ etsɛ akɛ, “Mi Esau, okromɔbi lɛ ni; mifee bɔ ni okɛɛ mi lɛ. Ofainɛ, tee shi ota shi ni oye mimilɛloo lɛ eko koni ojɔɔ mi!”

Ṅmãle̱ Kroṅkroṅ Le̱

¹⁹ Ni Iakob kē̱ etše̱ ake̱: Mi, Esau, okromo̱bi le̱ṅ; mife be̱ni okē̱mi le̱. Ofai ne̱, te ši otá ši, ni oye mimĩle̱lo le̱ eko, koni osusuma adšō̱mi!

1 Mose 27:19 ပူးပေါင်းရင်းမြစ်များ

1 Mose 25:25

Mɔ ni ba klɛŋklɛŋ lɛ etsuɔ fɔɔ kɛ ehe tsɔi sulaŋŋ tamɔ ofo; awo lɛ Esau.

1 Mose 25:28

Isak sumɔɔ Esau ejaakɛ milɛloo ŋɔɔ enaa shi Rebeka sumɔɔ Yakob.

1 Mose 27:18

No hewɔ lɛ, Yakob ba etsɛ ŋɔɔ ni ebakɛɛ akɛ, “Ataa!” Ni etsɛ here nɔ akɛ, “Naa mi! Bo namɔ ni, mibi?”

1 Mose 27:21

Kɛkɛ ni Isak kɛɛ Yakob akɛ, “Tsi oba, mibi, ni matara ohe makwɛ akɛ mibi Esau lɛ diɛŋtsɛ ni, aloo jeee lɛ ni.”

1 Mose 27:31

Ni lɛ hu efee niyenii kɛ ŋɔɔmɔ ni ekɛmiiba ebahã etsɛ. Ni ekɛɛ etsɛ akɛ, “Ataa, tee shi ni ota shi ni oye obi milɛloo lɛ eko koni ojɔɔ mi.”

1 Mose 27:35

Shi Isak kɛɛ, “Onyɛmi lɛ kɛ shishiumɔ ebahe ojɔɔmɔ lɛ kɛtee.”

1 Mose 27:4

koni okɛbafee niyenii kɛ ŋɔɔmɔ, tamɔ bɔ ni misumɔɔ lɛ, ohã mi maye koni majɔɔ bo dani magbo.”

1 Mose 27:45

kɛyashi beyinɔ ni onyɛmi lɛ mlifu lɛ naa aaaba shi ni ehiɛ aaakpa nɔ ni ofee lɛ lɛ nɔ; kɛkɛ lɛ matsu ni abaŋɔ bo kɛku sɛɛ kɛba. Mɛɛba nyɛyi enyɔ lɛ fɛɛ nyɛaaŋmɛɛ mi gbi kome?”

1 Maŋtsɛmɛi 13:18

Kɛkɛ ni gbalɔ nuumo ni jɛ Betel lɛ kɛɛ lɛ akɛ, “Mi hu gbalɔ ji mi tamɔ bo nɔŋŋ, ni Yehowa fã ebɔfo, ni ekɛ mi bawie akɛ, yaakpale lɛ ni okɛ lɛ aba shĩa koni ebaye nii ni enu nu.” Shi gbalɔ nuumo lɛ miimale.

1 Maŋtsɛmɛi 14:2

Yeroboam kɛɛ eŋa akɛ, “Tee shi, tsakemɔ ohe koni akayoo bo akɛ bo ji Yeroboam ŋa lɛ; yaa Shilo, ejaakɛ gbalɔ Ahia ni wie yɛ mihe akɛ mibaye maŋtsɛ yɛ Israel lɛ jɛi eyɔɔ.

Yesaia 28:15

Akɛni nyɛkɛɔ akɛ, “Wɔ kɛ gbele ekpãŋ, ni wɔ kɛ gbohiiaje hu eye efua, no hewɔ lɛ, kɛji ekpelebii ni naa wa lɛ miigwao mɛi kɛmiiho lɛ, ebaŋ he ni wɔyɔɔ, ejaakɛ wɔkɛ amale efee wɔbobaahe, ni wɔkɛ wɔhiɛ teɔ kutumpɔo sɛɛ.”