1 Mose 26:28 - ŊMALƐ KRƆŊKRƆŊ LƐ

²⁸ Ni amɛkɛɛ, “Naa, wɔna akɛ Yehowa kɛ bo yɛ, no hewɔ lɛ, hã ni wɔkɛ bo akpãŋ kpãŋmɔ ko,

Ṅmãle̱ Kroṅkroṅ Le̱

²⁸ Ni ame̱kē̱: Na wo̱na ake̱ Iehowa ke̱o ye̱; ni wo̱kē̱: Hã kitã ahĩ wo̱teṅ, wo̱ke̱o fẽ teṅ, ni ohã wo̱ke̱o akpãṅ,

1 Mose 26:28 ပူးပေါင်းရင်းမြစ်များ

1 Mose 24:3

koni mahã okã Yehowa, ŋwɛi Nyɔŋmɔ kɛ shikpɔŋ Nyɔŋmɔ lɛ, kitã akɛ oŋɔŋ Kanaanbii ni miyɔɔ amɛteŋ nɛɛ abiyei lɛ eko akɛ ŋa ohaŋ mibi Isak;

1 Mose 24:41

Ja nakai dani ohe aaaje mikitã nɛɛ mli. Kɛji otee mijakubii aŋɔɔ ni amɛkɛ yoo lɛ hãaa bo lɛ, no lɛ ohe eje mikitã lɛ mli.’

1 Mose 31:44

No hewɔ lɛ, agbɛnɛ, ba ni mi kɛ bo akpãŋ koni no atsɔ̃ odase yɛ mi kɛ bo teŋ.”

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

1 Mose 39:5

Kɛjɛ gbi nɔ ni Ijiptnyo lɛ wo Yosef onukpa yɛ ewe lɛ kɛ nɔ fɛɛ nɔ ni eyɔɔ lɛ nɔ lɛ, Yehowa jɔɔ Ijiptnyo lɛ we lɛ yɛ Yosef hewɔ. Yehowa jɔɔmɔ ba Ijiptnyo lɛ shĩa nii kɛ eŋmɔshi nii fɛɛ nɔ.

2 Kronika 1:1

Solomon, ni ji Maŋtsɛ binuu lɛ, hã ehewalɛ he shi yɛ emaŋtsɛyelihei lɛ anɔ, ni Yehowa, eNyɔŋmɔ lɛ, jɔɔ lɛ ni etsɔ̃ gbɔmɔ wulu kpanaa diɛŋtsɛ.

2 Kronika 15:9

Mɛi babaoo diɛŋtsɛ ni ji Efraimbii kɛ Manasebii kɛ Simeonbii tse amɛhe kɛjɛ Israel, ni amɛkɛ amɛhe badɔmɔ Maŋtsɛ Asa be ni amɛna akɛ Yehowa, eNyɔŋmɔ lɛ, kɛ lɛ yɛ lɛ. Maŋtsɛ Asa tsɛ gbɔmɛi nɛɛ kɛ Yudabii kɛ Benyaminbii fɛɛ kpee.

Yesaia 45:14

Bɔ ni Yehowa kɛɔ Israel nɛ, “Nii ni Ijipt yɔɔ lɛ kɛ Kush hu jarayeli mli sɛɛnamɔnii lɛ fɛɛ aaatsɔ̃ onii; ni Sebahii, hii gojogojoo lɛ, aaatsɔmɔ onyɔji. Amɛaakamɔ gboklɛi amli kɛaanyiɛ osɛɛ; amɛaaba ni amɛaakoto bo. Amɛaakpa bo fai amɛkɛɛ, ‘Bo pɛ Nyɔŋmɔ kɛ yɔɔ, ni Lɛ esɛɛ lɛ, mɔ ko bɛ dɔŋŋ.

Yesaia 60:14

Mɛi ni wa bo yi lɛ abii lɛ hu aaaba abakoto bo; ni mɛi fɛɛ ni gbe ohe guɔ aaaba abakula onaji anaa. Amɛaatsɛ bo ‘Yehowa maŋ wulu,’ ‘Israel Mɔ Krɔŋkrɔŋ lɛ Zion lɛ.’

Yesaia 61:6

Shi nyɛ lɛ, aaatsɛ nyɛ Yehowa osɔfoi, ni mɛi aaatsɛ nyɛ wɔNyɔŋmɔ lɛ sɔ̃ɔlɔi. Nyɛaabaye jeŋ maji lɛ anii, ni nyɛmii aaashɛ yɛ jeŋ majiaŋbii lɛ anii lɛ hewɔ.

Yesaia 61:9

Amɛshwiei agbɛi aaahehe yɛ jeŋmaji lɛ ateŋ, ni amɛbii hu aaana gbɛi yɛ majimaji lɛ ateŋ. Mɛi fɛɛ ni aaana amɛ aaakpɛ̃lɛ nɔ akɛ mɛi ni Yehowa ejɔɔ amɛ ji amɛ.

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

1 Korintobii 14:25

aaajie etsuiŋ teemɔnii akpo faŋŋ, ni no aaahã ekɛ ehiɛ abu shi eja Nyɔŋmɔ, ni eeejaje akɛ, “Nyɔŋmɔ yɛ nyɛteŋ lɛɛlɛŋ.”

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Hebribii 6:16

Ejaakɛ gbɔmɛi yɔɔ nɛɛ, mɔ ni fe amɛ lɛ, lɛ kitã amɛkãa, ni amɛŋwanejee fɛɛ naagbee ji kitãkãmɔ ni akɛmaa sane nɔ aduatsɔ lɛ.

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

1 Samuel 11:1

Amonbii amaŋtsɛ Nahash fã ta kɛba, ni ebasa Yabesh yɛ Gilead maŋbii lɛ ayi. Kɛkɛ ni Yabesh hii lɛ tsu ayakɛɛ Maŋtsɛ Nahash akɛ, “Okɛ wɔ akpãŋ ni wɔɔsɔ̃mɔ bo.”

1 Samuel 18:28

Shi be ni Saul kɛ ehiŋmɛi ŋmɛ shi ni ena akɛ Yehowa miibu David he, ni asaŋ akɛ Israel fɛɛ miisumɔ David sane lɛ,