1 Mose 26:2 - ŊMALƐ KRƆŊKRƆŊ LƐ

² Shi Yehowa jie ehe kpo etsɔ̃ɔ Isak ni ekɛɛ: “Kaaya Ijipt; shi hii shi yɛ shikpɔŋ ni matsɔ̃ɔ bo lɛ nɔ;

Ṅmãle̱ Kroṅkroṅ Le̱

² Ši Iehowa dšie ehe kpo etšõle̱ ni ekē̱: Kāya Mizraim; ši hī ši ye̱ šikpoṅ ni matšõo le̱ no̱;

1 Mose 26:2 ပူးပေါင်းရင်းမြစ်များ

1 Mose 12:1

Yehowa kɛɛ Abram akɛ, “Jee oshikpɔŋ nɛɛ nɔ kɛ ojakumɛi ateŋ kɛ otsɛ we lɛ kɛya shikpɔŋ ni matsɔ̃ɔ bo lɛ nɔ.

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 17:19

Nyɔŋmɔ kɛɛ akɛ, “Okɛ oŋa Sara lɛ baafɔ binuu, ni obaawo lɛ gbɛi akɛ Isak. Mahã mi kɛ lɛ kpãŋmɔ lɛ ama shi ni etsɔ̃ naanɔ kpãŋmɔ ehã eshwiei ni aaaba yɛ esɛɛ lɛ.

1 Mose 18:1

Yehowa jie ehe kpo etsɔ̃ɔ Abraham yɛ Mamre tsei lɛ ahe, be ni eta shi yɛ buu lɛ shinaa lɛ naa shwane ketekete lɛ.

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

Lalai 25:12

Mɔ fɛɛ mɔ ni sheɔ Yehowa gbeyei lɛ, lɛ Yehowa aaatsɔ̃ɔ lɛ gbɛ ni enyiɛ nɔ.

Lalai 37:3

Ŋɔɔ ohiɛ ofɔ̃ Yehowa nɔ ni ofee nɔ kpakpa, bɔ ni afee ni ohi shikpɔŋ lɛ nɔ shweshweeshwe.

2 Mose 2:24

Nyɔŋmɔ nu amɛkɔmɔyeli lɛ, ni ekai kpãŋmɔ ni ekɛ Abraham kɛ Isak kɛ Yakob kpãŋ lɛ.

3 Mose 26:42

no lɛ mibakai mi kɛ Yakob teŋ kpãŋmɔ lɛ, kɛ mi kɛ Isak teŋ kpãŋmɔ lɛ hu, kɛ mi kɛ Abraham teŋ kpãŋmɔ lɛ hu, ni mibakai amɛshikpɔŋ lɛ.