1 Mose 26:18 - ŊMALƐ KRƆŊKRƆŊ LƐ

¹⁸ Ni Isak saa eje nubui lɛ ni aje yɛ etsɛ Abraham yinɔ lɛ, ejaakɛ Abraham gbele sɛɛ lɛ Filistibii lɛ tsimɔ; ni eŋɔ gbɛii ni etsɛ Abraham ŋɔ wo amɛ lɛ nɔŋŋ ewo amɛ ekoŋŋ.

Ṅmãle̱ Kroṅkroṅ Le̱

¹⁸ Ni Isak sā edše nubui le̱ ni adše ye̱ etše̱ Abraham yino̱ le̱, edšake̱ Abraham gbẽle se̱ le̱ Filistibii le̱ tšĩmo̱; ni eṅõ gbe̱ii ni etše̱ ṅõ-woame̱ le̱ noṅṅ ewoame̱.

1 Mose 26:18 ပူးပေါင်းရင်းမြစ်များ

1 Mose 21:25

Shi Abraham kɛ Abimelek wie kɛ dɔlɛ yɛ nubu ko ni Abimelek tsuji lɛ eshɔ̃ ekãa naa yɛ edɛ lɛ he.

1 Mose 21:30

Ni Abraham kɛɛ, “Gwantɛŋ biyei kpawo nɛɛ, ŋɔɔ yɛ midɛŋ koni okɛye odase ohã mi akɛ mi mije nɛkɛ nubu nɛɛ.”

1 Mose 21:31

No hewɔ lɛ, Abraham tsɛ jɛi Beersheba, ejaakɛ jɛi amɛyi enyɔ lɛ fɛɛ amɛkãmɔ kitã yɛ.

1 Mose 26:17

No hewɔ lɛ, Isak je jɛi ni eyashi ebuu yɛ Gerar jɔɔ lɛ mli, ni ehi jɛi.

1 Mose 26:19

Ni Isak bihii lɛ tsa nubu yɛ jɔɔ lɛ mli ni amɛna nu yɛ jɛi.

2 Kronika 26:10

Emamɔ mɔji gojogojoo lɛ ekomɛi yɛ ŋa lɛ nɔ hu; ni etsara nubui pii ejaakɛ eyɛ kooloi babaoo diɛŋtsɛ yɛ jɔɔ naa shikpɔŋ lɛ kɛ ŋa lɛ hu nɔ. Akɛni Uzia sumɔɔ humɔ hewɔ lɛ, ehã mɛi hu ŋmɔji, ni amɛfeefee waintromii yɛ gɔji lɛ anɔ kɛ jɔi lɛ amli fɛɛ.

Lalai 16:4

Shi mɛi ni yanyiɛɔ nyɔŋmɔ kroko sɛɛ lɛ, amɛhaomɔi faa. Mifɔseŋ lá ni amɛkɛba afɔleshãa lɛ mishwieŋ shi akɛ afɔle; ni mikɛ minaabu etsiŋ amɛgbɛii atã tete.

Hosea 2:17

Ejaakɛ mibakɔ jemawɔji Baali lɛ agbɛii yɛ edaaŋ; ni etsiŋ amɛtã tete po dɔŋŋ.

Zakaria 13:2

Yehowa, Taiatsɛ lɛ tee nɔ ekɛɛ akɛ, “Nakai gbi lɛ nɔ lɛ mibagbe wɔji lɛ agbɛii kwraa yɛ shikpɔŋ lɛ nɔ, bɔ ni afee ni akakai amɛ dɔŋŋ; nakai nɔŋŋ majie gbalɔi lɛ kɛ mumɔi ni ahe tseee lɛ hu kɛje shikpɔŋ lɛ nɔ.

4 Mose 32:38

kɛ Nebo kɛ Baal-Meon, maŋ ni amɛtsake egbɛi lɛ, kɛ Shibma. Amɛwowoo maji ni amɛsaa nɛɛ fɛɛ gbɛii hei.