1 Mose 24:7 - ŊMALƐ KRƆŊKRƆŊ LƐ

⁷ Yehowa, ŋwɛi Nyɔŋmɔ lɛ, mɔ ni ŋɔ mi kɛjɛ mitsɛ we lɛ kɛ miwekumɛi ashikpɔŋ lɛ nɔ ni ekɛ mi wie ni ekã mi kitã akɛ, ‘Oshwiei maŋɔ nɛkɛ shikpɔŋ nɛɛ mahã lɛ,’ lɛ eeetsu ebɔfo kɛnyiɛ ohiɛ ni oyaŋɔ yoo kɛjɛ jɛi obahã mibi lɛ.

Ṅmãle̱ Kroṅkroṅ Le̱

⁷ Iehowa, ṅwei Nyoṅmo̱ le̱, ní ṅõmi ke̱-dše mitše̱ we le̱ ke̱ miwekumei ašikpoṅ le̱ no̱ ni eke̱mi wie ni ekãmi kitã ake̱: Oseši maṅõ ne̱ke̱ šikpoṅ ne̱ mahã le̱, le̱ eetšũ ebo̱fo ke̱-nyie ohĩe ni oyaw̌e̱ yō ke̱-dše̱ dše̱i obahã mibi le̱. 12,1. 7.

1 Mose 24:7 ပူးပေါင်းရင်းမြစ်များ

1 Mose 13:15

bo kɛ oshwiei mikɛbaahã kɛaatee naanɔ.

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

1 Mose 16:7

Yehowa bɔfo lɛ na Hagar yɛ nubu ko he yɛ ŋa lɛ nɔ, yɛ Shur gbɛ lɛ nɔ nubu lɛ he.

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 21:17

Nyɔŋmɔ nu oblanyo lɛ gbee, ni Nyɔŋmɔ bɔfo jɛ ŋwɛi etsɛ Hagar, ni ekɛɛ lɛ akɛ, “Mɛni gbaa onaa Hagar? Kaashe gbeyei, shi Nyɔŋmɔ enu gbekɛ lɛ gbee yɛ he ni gbekɛ lɛ yɔɔ lɛ.

1 Mose 22:11

Shi Yehowa bɔfo lɛ jɛ ŋwɛi etsɛ Abraham ekɛɛ, “Abraham, Abraham!” Abraham here nɔ ekɛɛ, “Naa mi!”

1 Mose 24:3

koni mahã okã Yehowa, ŋwɛi Nyɔŋmɔ kɛ shikpɔŋ Nyɔŋmɔ lɛ, kitã akɛ oŋɔŋ Kanaanbii ni miyɔɔ amɛteŋ nɛɛ abiyei lɛ eko akɛ ŋa ohaŋ mibi Isak;

1 Mose 24:40

Shi ekɛɛ mi akɛ, ‘Yehowa, mɔ toi ni miboɔ daa nɛɛ lɛ, aaatsu ebɔfo afata ohe, ni eeehã oye omanye, ni obaaya oyaŋɔ ŋa yɛ mijaku kɛ mitsɛ we lɛ obahã mibinuu lɛ.

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

Ezra 1:2

“Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Lalai 103:20

Oo, nyɛ ebɔfoi ni he wa, ni nyɛyeɔ ewiemɔ lɛ nɔ, ni nyɛboɔ egbee toi, nyɛjiea Yehowa yi!

Lalai 136:26

Oo, nyɛdaa Ŋwɛi Nyɔŋmɔ lɛ shi; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 32:8

Mi, Yehowa, mawo bo ŋaa, ni matsɔ̃ɔ bo gbɛ ni onyiɛ nɔ; mihiŋmɛi aaakã ohe.

Lalai 34:7

Mɛi ni sheɔ Yehowa gbeyei lɛ Yehowa bɔfo lɛ bɔleɔ amɛhe kɛkpeɔ, ni ejieɔ amɛ.

Lalai 73:24

Okɛ oŋaawoo tsɔ̃ɔ mi gbɛ; ni kɛfee sɛɛ lɛ ooohere mi owo onunyam mli.

2 Mose 13:5

Kɛji Yehowa kɛ nyɛ yashɛ Kanaanbii kɛ Hitbii kɛ Amorbii kɛ Hivbii kɛ Yebusbii lɛ ashikpɔŋ kpakpa ni da ni yɔɔ frɔ̃frɔ̃ ni niyenii pii yɔɔ nɔ, nɔ ni ekã nyɛ kɛ nyɛtsɛmɛi lɛ kitã akɛ ekɛbaahã nyɛ, lɛ nɔ lɛ, jamɔ ni nyɛkɛja lɛ yɛ nyɔɔŋ nɛɛ nɔ nɛ:

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 33:2

Mibatsu mibɔfo kɛnyiɛ ohiɛ, ni mashwie Kanaanbii lɛ kɛ Amorbii lɛ kɛ Hitbii lɛ kɛ Yebusbii kɛ Perizbii lɛ kɛ Hivbii lɛ yɛ nyɛhiɛ.

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Yona 1:9

Yona jie naa akɛ, “Hebrinyo ji mi; ni Yehowa mɔ ni yɔɔ ŋwɛi ni lɛ ebɔ ŋshɔ kɛ shikpɔŋ gbiŋ fɛɛ lɛ mijaa.”

4 Mose 11:12

Ani mi, mibɔ maŋ muu nɛɛ, aloo mi, mifɔ amɛ, hewɔ ni okɛɛ mi akɛ mihiɛ amɛ yɛ mikpɔkɔiaŋ tamɔ bɔ ni bihiɛlɔ hiɛɔ bi abifao kɛya shikpɔŋ lɛ ni owo amɛtsɛmɛi lɛ ashi yɛ he lɛ nɔ lɛ?

4 Mose 14:16

‘Nyɛ ni Yehowa, onyɛɛɛ okɛ omaŋbii lɛ ayashɛ shikpɔŋ lɛ ni owo shi yɛ he akɛ okɛbaahã amɛ lɛ nɔ lɛ, hewɔ ni oyaplenee amɛ yɛ shiaŋa lɛ nɔ lɛ.’

4 Mose 14:30

amɛteŋ mɔ kome nɛkɛ shɛŋ shikpɔŋ lɛ ni miwo shi yɛ he akɛ mikɛbaahã nyɛ koni nyɛhi nɔ lɛ nɔ, akɛ ja Kaleb, Yefune bi lɛ, kɛ Yoshua, Nun bi lɛ.

4 Mose 32:11

‘Hii ni shi Ijipt shikpɔŋ lɛ nɔ lɛ ateŋ mɛi ni eye kɛjɛ afii nyɔŋmai enyɔ kɛyaa lɛ ateŋ mɔ ko mɔ ko hiŋmɛi enaŋ shikpɔŋ ni mikã he kitã akɛ mikɛbaahã Abraham kɛ Isak kɛ Yakob lɛ, ejaakɛ amɛyeko mi anɔkwa kɛwulako shi,

Bɔfoi 7:5

ni ehãaa lɛ nɔyelinɔ ni ji shikpɔŋ ni shɛɔ nane tokota lɛɛmɔ tete, shi ewo lɛ shi akɛ ekɛaahã lɛ kɛ eshwiei ni baaba yɛ esɛɛ lɛ akɛ amɛnɔ, tsɛ no mli lɛ ebɛ bi kwraa po.

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 34:4

Kɛkɛ ni Yehowa kɛɛ Mose akɛ, “Shikpɔŋ lɛ ni miwo Abraham kɛ Isak kɛ Yakob shi yɛ he akɛ, ‘Mikɛbaahã nyɛshwiei’ lɛ, no nɛ. Mihã ona kɛ ohiŋmɛitsei enyɔ, shi jɛi ni oyaŋ.”

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Hebribii 11:9

Hemɔkɛyeli ekɛyahi shiwoo shikpɔŋ lɛ nɔ akɛ gbɔ, ni ekɛ Isak kɛ Yakob ni ekɛ amɛ ji nakai shiwoo lɛ nɔŋŋ yelɔi lɛ hi bui amli;

Yoshua 1:6

Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Yoshua 24:3

Miyaŋɔ̃ nyɛtsɛ Abraham kɛjɛ Eufrate Faa lɛ sɛɛ, ni mihã ekpa Kanaan shikpɔŋ tso muu lɛ fɛɛ nɔ, ni mihã ewo shwiei babaoo. Miduro lɛ Isak,

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,