1 Mose 24:60 - ŊMALƐ KRƆŊKRƆŊ LƐ

⁶⁰ Amɛjɔɔ Rebeka amɛkɛɛ, “Wɔnyɛmi yoo, tsɔ mɛi akpei huhaa anyɛ, ni oshwiei aye amɛhenyɛlɔi amaji anɔ kunim.”

Ṅmãle̱ Kroṅkroṅ Le̱

⁶⁰ Niame̱dšō̱ Rebeka, ni ame̱kē̱le̱ ake̱: Wo̱nyemiyō, tšṍ mei akpei huhā anye, ni oseši aye ehenye̱lo̱i agbói le̱ ano̱! 22,17.

1 Mose 24:60 ပူးပေါင်းရင်းမြစ်များ

1 Mose 1:28

Kɛkɛ ni Nyɔŋmɔ jɔɔ amɛ ni ekɛɛ amɛ akɛ, “Nyɛfɔa ni nyɛyi afa. Nyɛyea ŋshɔŋ loi kɛ ŋwɛi loofɔji kɛ nɔ fɛɛ nɔ ni hiɛ kã ni tsiɔ ehe yɛ shikpɔŋ lɛ nɔ lɛ anɔ.”

1 Mose 14:19

Ejɔɔ Abram ni ekɛɛ, “Ŋwɛi Flooflo Nyɔŋmɔ, ŋwɛi kɛ shikpɔŋ bɔlɔ lɛ ajɔɔ Abram;

1 Mose 17:16

Majɔɔ lɛ ni asaŋ mahã okɛ lɛ afɔ binuu. Majɔɔ lɛ, ni eeetsɔ̃ maji anyɛ, ni maji anɔ maŋtsɛmɛi aaajɛ emli.”

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

1 Mose 24:61

Kɛkɛ ni Rebeka kɛ eblayei lɛ te shi, ni amɛho amɛtara yoomai lɛ anɔ koni amɛya; kɛkɛ ni Abraham tsulɔ lɛ ŋɔ Rebeka, ni amɛŋɔ shwie nɔ.

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 32:1

Kɛkɛ ni Yakob hu kɛshwie nɔ. Nyɔŋmɔ bɔfoi kɛ lɛ bakpe.

1 Mose 48:20

No hewɔ lɛ, Yakob jɔɔ gbekɛbii lɛ nakai gbi lɛ ni ekɛɛ, “Nyɛ nyɛgbɛi Israelbii kɛaajɔɔ akɛ, ‘Nyɔŋmɔ ahã otsɔ̃ tamɔ Efraim kɛ Manase.’ ” Belɛ Yakob ŋɔ onukpa gbɛhe lɛ ehã Efraim.

1 Mose 9:1

Nyɔŋmɔ jɔɔ Noa kɛ ebii lɛ, ni ekɛɛ amɛ akɛ, “Nyɛfɔa ni nyɛyi afa, ni nyɛyia shikpɔŋ lɛ nɔ obɔ̃ tɔ.

Yeremia 29:6

nyɛŋɔŋɔa yei ni nyɛfɔfɔɔ bihii kɛ biyei; nyɛŋɔa ŋamɛi hu nyɛhãa nyɛbihii; nyɛkɛ nyɛbiyei lɛ ahãa gbãlã koni amɛ hu amɛfɔfɔɔ, bɔ ni afee ni nyɛyi afa yɛ jɛi, koni nyɛnɔ akagbɔ!

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

3 Mose 25:46

ni nyɛaanyɛ nyɛshi amɛ nyɛhã nyɛbii akɛ amɛgboshinii. Amɛ lɛ nyɛaanyɛ nyɛye amɛ nyɔŋ, shi nyɛnyɛmimɛi Israel fɔmɔbii lɛ, amɛ lɛ, akaye amɛteŋ mɔ ko nɔ kɛ yiwalɛ.

5 Mose 21:19

no lɛ fɔlɔi lɛ aŋɔ lɛ kɛya amɛmaŋ lɛ mli onukpai lɛ ahiɛ yɛ koishi.