1 Mose 24:12 - ŊMALƐ KRƆŊKRƆŊ LƐ

¹² Esɔle ekɛɛ “Ao, Yehowa, minuŋtsɔ Abraham Nyɔŋmɔ! Miikpa bo fai ni ohã mihe aba nii ŋmɛnɛ gbi nɛɛ, ni ojie osuɔmɔ ni tsakeee lɛ kpo otsɔ̃ɔ minuŋtsɔ Abraham.

Ṅmãle̱ Kroṅkroṅ Le̱

¹² Ni ekē̱: Iehowa, minuṅtšo̱ Abraham Nyoṅmo̱! Mĩkpao fai ni ohã mihe aba nii ṅme̱ne̱ gbĩ ne̱, ni omli ahĩ ye̱ minuṅtšo̱ Abraham no̱.

1 Mose 24:12 ပူးပေါင်းရင်းမြစ်များ

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

1 Mose 24:21

Tsulɔ lɛ fee diŋŋ ni ekwɛ oblayoo lɛ too koni ekɛle akɛ Yehowa ehã egbɛfãa lɛ efee omanye lo.

1 Mose 24:27

“Aaajie Yehowa, minuŋtsɔ Abraham Nyɔŋmɔ lɛ, yi akɛ ehãko esuɔmɔ ni tsakeee kɛ enɔkwayeli lɛ sɛɛ afo yɛ minuŋtsɔ nɔ; ni mi hu Yehowa ebatsɔ̃ɔ mi minuŋtsɔ wekumɛi awe gbɛ!”

1 Mose 24:42

“Be ni mibashɛ nubu lɛ he ŋmɛnɛ lɛ, misɔle mikɛɛ, ‘Yehowa, minuŋtsɔ Abraham Nyɔŋmɔ, kɛji ooohã migbɛ ni minyiɛ nɛɛ afee omanye lɛ,

1 Mose 24:48

Kɛkɛ ni mima miyi shi, ni mija Yehowa, ni mijie Yehowa, minuŋtsɔ Abraham Nyɔŋmɔ lɛ, yi, mɔ ni tsɔ̃ɔ mi gbɛ jurɔ koni mikɛbaŋɔ minuŋtsɔ wekunyo biyoo mahã ebinuu lɛ.

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

1 Mose 27:10

koni okɛyahã otsɛ ni eye, bɔ ni afee ni ejɔɔ bo dani egbo.”

1 Mose 27:20

Isak kɛɛ ebi lɛ akɛ, “Te fee tɛŋŋ ni ona lɛ oya nɛkɛ, mibi?” Ni Yakob kɛɛ akɛ, “Ejaakɛ Yehowa, oNyɔŋmɔ lɛ, ye ebua mi nɛɛ.”

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

1 Mose 31:42

Kɛjeee mitsɛ Nyɔŋmɔ lɛ, ni ji Abraham Nyɔŋmɔ kɛ mɔ ni Isak sheɔ lɛ lɛ ni kɛ mi yɔɔ jikulɛ, anɔkwale sane ji akɛ obaawo mi gbɛ kɛya kɛ midɛ folo. Shi Nyɔŋmɔ na mimanehulu kɛ mininenaa nitsumɔ ni naa wa lɛ, hewɔ ni ekã ohiɛ nyɔɔŋ nɛɛŋ lɛ.”

1 Mose 32:10

osuɔmɔ ni tsakeee kɛ onɔkwayeli fɛɛ ni ojie kpo otsɔ̃ɔ otsulɔ lɛ, ekome folo nɛkɛ esaaa mi. Dɛhiɛmɔtso kɛkɛ mihiɛ kɛfo Yordan nɛɛ; shi agbɛnɛ mitsɔ asafo kui enyɔ.

1 Mose 32:9

Kɛkɛ ni Yakob sɔle ekɛɛ, “Mitsɛ Abraham Nyɔŋmɔ kɛ mitsɛ Isak Nyɔŋmɔ, Yehowa, bo mɔ ni okɛɛ mi akɛ, ‘Kuu osɛɛ oya oshikpɔŋ lɛ nɔ kɛ owekumɛi aŋɔɔ, ni mafee bo jogbaŋŋ’ lɛ,

1 Mose 43:14

Aba mli akɛ Nyɔŋmɔ Ofe lɛ ahã nuu lɛ musuŋ atsɔ̃ lɛ yɛ nyɛhe, koni eŋmɛɛ nyɛnyɛmi mɔ kome lɛ kɛ Benyamin he ehã nyɛ. Shi mi lɛ, kɛji aaakpakpaa mibii lɛ fɛɛ yɛ mihe jiŋŋ, efeee nɔ ko.”

1 Maŋtsɛmɛi 18:36

Shwane niyenii afɔle be lɛ, Gbalɔ Elia tsi ebɛŋkɛ afɔleshãa latɛ lɛ, ni esɔle ekɛɛ, “Ao Yehowa, Abraham kɛ Isak kɛ Yakob Nyɔŋmɔ, hã ana ale ŋmɛnɛ akɛ bo ji Israel Nyɔŋmɔ lɛ, asaŋ akɛ bo otsulɔ ji mi, ni owiemɔ naa mifeɔ nii nɛɛ fɛɛ yɛ.

2 Maŋtsɛmɛi 2:14

Kɛkɛ ni ekɔ Elia atade ni je ehe egbee shi lɛ, ni ekɛtswa nu lɛ mli, ni ekɛɛ akɛ, “Nɛgbɛ Yehowa, Elia Nyɔŋmɔ lɛ, yɔɔ?” Ni be ni ekɛ atade lɛ tswa nu lɛ mli lɛ, nu lɛ mli gba enyɔ, kɛtee biɛ kɛ biɛ. Ni Elisha tsɔ̃ mli kɛho.

Nehemia 1:11

Oo Nuŋtsɔ, ka otoi ohã fai ni otsulɔ kpaa bo lɛ. Ka toi ohã fai ni otsuji ni sumɔɔ akɛ amɛshe bo gbeyei lɛ kpaa bo lɛ. Hã otsulɔ aye omanye ŋmɛnɛ gbi nɛɛ, ni hã maŋtsɛ lɛ ana mi mɔbɔ.” Nɛkɛ bei nɛɛ amli lɛ, maŋtsɛ lɛ dãawolɔ ji mi.

Nehemia 2:4

Kɛkɛ ni maŋtsɛ lɛ bi mi akɛ, “Mɛni ji nɔ ni otaoɔ?” No hewɔ lɛ, misɔle mikpa ŋwɛi Nyɔŋmɔ lɛ fai,

Lalai 118:25

Oo Yehowa, ofainɛ, heremɔ wɔyiwala koo! Oo Yehowa, hã omanye aba koo!

Lalai 122:6

Nyɛbaa hejɔlɛ nyɛhãa Yerusalɛm. “Mɛi ni sumɔɔ bo lɛ ashwere.”

Lalai 127:1

Kɛjeee Yehowa ni mãa tsu lɛ, no lɛ yakatswaa mɛi ni mãa lɛ gboɔ he deŋme lɛ! Kɛjeee Yehowa ni buɔ maŋ lɛ he lɛ, no lɛ yakatswaa bulɔ lɛ shiɔ he kpe lɛ.

Lalai 37:5

Tuu ohe owo Yehowa dɛŋ. Hemɔ lɛ oye, ni eeeye ebua bo.

2 Mose 3:15

Asaŋ Nyɔŋmɔ kɛɛ, “Okɛɛ Israelbii lɛ akɛ, ‘Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ji mɔ ni tsu mi nyɛŋɔɔ nɛɛ. Migbɛi kwraa nɛ kɛmiiya naanɔ, ni no yinɔi fɛɛ kɛtsɛ mi.’

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

Abe̱i 3:6

kaimɔ lɛ yɛ ogbɛi fɛɛ amli, ni lɛ eeetsɔ̃ɔ bo gbɛ ni ja ni onyiɛ nɔ.

Mateo 22:32

‘Mi lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi lɛ?’ Nyɔŋmɔ lɛ jeee gbohii aNyɔŋmɔ ni, shi moŋ hiɛkãalɔi aNyɔŋmɔ ni.”

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.