1 Mose 23:4 - ŊMALƐ KRƆŊKRƆŊ LƐ

⁴ “Mɔkpɔŋ ji mi, ni mibato gbɔ yɛ nyɛteŋ. Nyɛhãa mi he ko mahe koni mikɛfee fuuhe ni mato miŋa gbonyo ni kã mihiɛ nɛɛ yɛ jɛi.”

Ṅmãle̱ Kroṅkroṅ Le̱

⁴ *Gbo̱ dšimi, ni nye mibato; nyehãami fũhe ko ye̱ nyeteṅ, koni mato migbonyo ni kã mihīe ne̱. 17,8.

1 Mose 23:4 ပူးပေါင်းရင်းမြစ်များ

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 23:5

Hitbii lɛ here lɛ nɔ amɛkɛɛ akɛ,

1 Mose 3:19

Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

1 Mose 47:9

Ni Yakob hã hetoo akɛ, “Afii abɔ ni miye yɛ jeŋ shihilɛ mli ji afii oha kɛ nyɔŋmai etɛ̃. Mifii lɛ faaa ko moŋ nɛ, shi hejaramɔ ji nɔ ni yɔɔ amɛmli. Eshɛɛɛ wala afii babaoo ni mitsɛmɛi lɛ ye yɛ je nɛɛ mli lɛ.”

1 Mose 49:30

Tɛkplo nɛɛ yɛ Makpela abɔɔ lɛ mli yɛ Mamre bokãgbɛ, yɛ Kanaan shikpɔŋ lɛ nɔ; nɔ ni Abraham diɛŋtsɛ he kɛ abɔɔ lɛ fɛɛ yɛ Efron, Hitnyo lɛ, dɛŋ, ni eŋɔ fee efuuhe lɛ.

1 Mose 50:13

Amɛwo lɛ kɛtee Kanaan shikpɔŋ lɛ nɔ, ni amɛyafu lɛ yɛ Makpela abɔɔ lɛ mli tɛkplo lɛ mli. Abɔɔ nɛɛ Abraham diɛŋtsɛ he kɛ tɛkplo lɛ fɛɛ yɛ Efron, Hitnyo lɛ, dɛŋ yɛ Mamre bokãgbɛ ni ekɛfee efuuhe lɛ.

1 Kronika 29:15

Ohiɛ lɛ, gbɔi kɛ mɛi kpɔ̃ji ji wɔ, tamɔ wɔtsɛmɛi lɛ fɛɛ nɔŋŋ. Wɔgbii ni wɔyeɔ yɛ shikpɔŋ lɛ nɔ lɛ hoɔ eyaa tamɔ susuma ni ehiii shi daa lɛ.

Hiob 30:23

Hɛɛ, mile akɛ okɛ mi baaya ayahã gbele, ni ji shĩa ni ato ahã hiɛkãalɔi fɛɛ lɛ.

Lalai 119:19

Gbɔ ji mi yɛ shikpɔŋ lɛ nɔ; kaaŋɔ okitãi lɛ otee mi.

Lalai 39:12

Oo Yehowa, bo mifaikpamɔ lɛ toi ni ofee toi ohã mikɔmɔyeli lɛ. Mihiɛ yaafonu lɛ hewɔ lɛ kaamua onaa; ejaakɛ oshikpɔŋ nɛɛ nɔ gbɔ kɛkɛ ji mi, mɔkpɔŋ tamɔ mitsɛmɛi lɛ nɔŋŋ.

2 Mose 2:22

Zipora fɔ binuu, ni Mose wo lɛ Gershom ejaakɛ ekɛɛ, “Mibato gbɔ yɛ maŋsɛɛ shikpɔŋ nɔ.”

Jajelɔ 12:5

Oooshe hei ni kwɔlɔ gbeyei, ni onyiɛmɔ tete baatsɔ̃ osharã ahã bo. Oyiteŋ baayɛ tamɔ odonti ni egba, ni ohetsimɔ baawa ahã bo, ni nɔ ko nɔ ko efeŋ bo akɔnɔ dɔŋŋ. Akɛni gbɔmɔ adesa miiya enaanɔ shĩa lɛ, no hewɔ ni yarafeelɔi foɔ shi yɛ blohuiaŋ lɛ.

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Jajelɔ 6:3

Kɛji mɔ ko fɔ bii oha, ni ewala sɛɛ tsɛ, ni eye afii babaoo, shi eyeee jeŋ nibii kpakpai amli ŋɔɔmɔ lɛ eko, ni enaaa fuu kpakpa hu lɛ, miikɛɛ akɛ abifao ni ashrake tete nɔ hi fe lɛ.

3 Mose 25:23

“Akafo shikpɔŋ yibaa ni ahɔ̃ɔ lɛ owura kosɛɛ, ejaakɛ shikpɔŋ lɛ mi minɔ ni; ni nyɛ lɛ miwe kɛ mishĩa mli gbɔi kɛkɛ ji nyɛ.

Bɔfoi 7:16

Akɛ amɛgbohii lɛ ba Shekem, ni abato amɛ yɛ fuuhe ni Abraham tse shika he yɛ Hamorbii lɛ adɛŋ yɛ Shekem lɛ mli.

Bɔfoi 7:5

ni ehãaa lɛ nɔyelinɔ ni ji shikpɔŋ ni shɛɔ nane tokota lɛɛmɔ tete, shi ewo lɛ shi akɛ ekɛaahã lɛ kɛ eshwiei ni baaba yɛ esɛɛ lɛ akɛ amɛnɔ, tsɛ no mli lɛ ebɛ bi kwraa po.

Hebribii 11:9

Hemɔkɛyeli ekɛyahi shiwoo shikpɔŋ lɛ nɔ akɛ gbɔ, ni ekɛ Isak kɛ Yakob ni ekɛ amɛ ji nakai shiwoo lɛ nɔŋŋ yelɔi lɛ hi bui amli;

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,