1 Mose 23:2 - ŊMALƐ KRƆŊKRƆŊ LƐ

² Sara gbo yɛ Kiriat-Arba, ni ji Hebron ni yɔɔ Kanaan shikpɔŋ lɛ nɔ lɛ. Abraham ye Sara he ŋkɔmɔ ni efo lɛ.

Ṅmãle̱ Kroṅkroṅ Le̱

² Ni Sara gbo ye̱ Kiriat-Arba, no dši Hebron ni yo̱ Kanaan šikpoṅ le̱ no̱ le̱. Ni Abraham baye Sara he ṅko̱mo̱ ni ebafóle̱.

1 Mose 23:2 ပူးပေါင်းရင်းမြစ်များ

1 Mose 13:18

Kɛkɛ ni Abram fã ebuu lɛ, ni eba ebahi Mamre tsei krɔŋkrɔŋi lɛ ni yɔɔ Hebron lɛ amasɛi, ni ema afɔleshãa latɛ yɛ jɛi ehã Yehowa.

1 Mose 23:1

Afii abɔ ni Sara ye yɛ jeŋ ji afii oha kɛ nyɔŋmai enyɔ kɛ kpawo.

1 Mose 23:19

Enɛ sɛɛ lɛ Abraham fu eŋa Sara yɛ nakai tɛkplo lɛ ni yɔɔ Makpela abɔɔ lɛ mli lɛ mli, yɛ Mamre bokãgbɛ (no ji Hebron) yɛ Kanaan shikpɔŋ lɛ nɔ.

1 Mose 24:67

Kɛkɛ ni Isak kɛ Rebeka ba buu ni enyɛ Sara hi mli lɛ mli. Isak ŋɔ Rebeka ni ebatsɔ eŋa ni esumɔ lɛ; no hewɔ lɛ, Rebeka shɛje Isak mii yɛ enyɛ gbele lɛ sɛɛ.

1 Mose 27:41

Esau nyɛ Yakob yɛ jɔɔmɔ ni etsɛ jɔɔ lɛ lɛ hewɔ. Ekɛɛ yɛ eyitsoŋ akɛ, “Etsɛŋ tsɔ ko ni aaafee mitsɛ yara, kɛkɛ lɛ magbe minyɛmi Yakob.”

1 Mose 35:27

Yakob ba etsɛ Isak ŋɔɔ yɛ Mamre loo Kiriat-Arba ni bɛŋkɛ Hebron lɛ, he ni Abraham kɛ Isak bato gbɔ yɛ lɛ.

1 Mose 37:14

Yakob kɛɛ lɛ akɛ, “Yaa amrɔ nɛɛ nɔŋŋ ni oyakwɛ akɛ onyɛmimɛi lɛ kɛ toi lɛ fɛɛ yɛ jogbaŋŋ lo koni obakɛɛ mi.” Kɛkɛ ni etsu Yosef kɛjɛ Hebron jɔɔ lɛ mli; ni Yosef ba Shekem.

1 Mose 50:1

Kɛkɛ ni Yosef ho egbee etsɛ nɔ ni efo ni eshwɔ enaa.

1 Mose 50:10

Agbɛnɛ be ni amɛshɛ Atad abeleshaahe lɛ ni yɔɔ Yordan faa lɛ sɛɛ lɛ, amɛfee yara wulu yɛ jɛi; ni Yosef fo etsɛ gbii kpawo.

2 Samuel 1:12

ni amɛye ŋkɔmɔ, ni amɛwo yara, ni amɛfo, ni amɛhi ŋmaa kɛyashi gbɛkɛ yɛ Saul kɛ ebi Yonatan kɛ Yehowa maŋbii ni enyɔnyɔɔ yɛ ta lɛ mli lɛ ahewɔ.

2 Samuel 1:17

Kɛkɛ ni David kɛ lala nɛɛ fo Saul kɛ ebi Yonatan,

2 Samuel 2:11

David ye Yuda maŋtsɛ yɛ Hebron afii kpawo kɛ nyɔji ekpaa.

2 Samuel 5:3

Israel onukpai lɛ fɛɛ ba Maŋtsɛ David ŋɔɔ yɛ Hebron, ni ekɛ amɛ kpãŋ; kɛkɛ ni amɛfɔ David mu, ni amɛwo lɛ Israel fɛɛ maŋtsɛ.

2 Samuel 5:5

Eye Yuda kɔkrɔɔ maŋtsɛ afii kpawo kɛ nyɔji ekpaa, ni eye Israel kɛ Yuda fɛɛ maŋtsɛ afii nyɔŋmai etɛ̃ kɛ etɛ̃ yɛ Yerusalɛm.

1 Kronika 6:57

Maji krokomɛi ni akɛhã Aaron shwiei lɛ ji Hebron, ni ji abobaa maŋ lɛ, kɛ Libna kɛ ehe jwɛifɔ shikpɔŋ lɛ hu, kɛ Yatir kɛ Eshtemoa kɛ maji nɛɛ ahe jwɛifɔ shikpɔji lɛ.

2 Kronika 35:25

Gbalɔ Yeremia fo yaafo lala, ni ekɛfo Maŋtsɛ Yosia. Kɛjɛ no sɛɛ lɛ, hii kɛ yei lalatsɛmɛi fɛɛ tsĩɔ Yosia tã yɛ amɛyaafo lalai amli kɛ ŋmɛnɛ. Kɛkɛ ni nii nɛɛ tsɔ̃ kusum ni bakã shi kɛbashi ŋmɛnɛ yɛ Israel. Yeremia yaafo lala nɛɛ fata Yaafo Lalai Awolo lɛ mli lalai lɛ ahe.

Nehemia 11:25

Yɛ akrowai kɛ humɔhei amlihilɛ hewɔ lɛ, Yudabii lɛ ateŋ mɛi komɛi hi Kiriat-Arba kɛ ehe akrowai lɛ amli, kɛ Dibon kɛ ehe akrowai lɛ amli, kɛ Yekabzeel kɛ ehe akrowai lɛ amli.

Yeremia 22:10

Nyɛ Yudabii, nyɛkafoa Maŋtsɛ Yosia mɔ ni egbo lɛ, ni nyɛkayea ehe ŋkɔmɔ hu. Shi moŋ nyɛfoa waa nyɛhãa Yoahaz mɔ ni yaa nomŋɔɔ mli lɛ, ejaakɛ ekuŋ esɛɛ ebaŋ dɔŋŋ. Ni enaŋ ejaku shikpɔŋ lɛ dɔŋŋ.

Yeremia 22:18

No hewɔ lɛ, nɔ ni Yehowa kɛɛ yɛ Yuda Maŋtsɛ Yosia bi Yehoakim he nɛ, “Awoŋ yara afoŋ lɛ; akɛŋ lɛ akɛ ‘Kpoo Nuŋtsɔ! Ao, kpoo, Maŋtsɛ!’

4 Mose 13:22

Bɔfoi nɛɛ tsɔ̃ wuoyigbɛ lɛ kɛyashɛ Hebron he ni Ahimanbii lɛ kɛ Sheshaibii lɛ kɛ Talmaibii lɛ yɔɔ lɛ. Gbɔmɛi nɛɛ lɛ, gbɔmɛi gojogojoo ni, ni mɛi ni atsɛɔ amɛ akɛ Anakbii lɛ ashwiei ni. Ato Hebron maŋ lɛ afii kpawo dani ato Zoan maŋ ni yɔɔ Ijipt lɛ.

4 Mose 20:29

Be ni Israel asafo tso muu lɛ fɛɛ na akɛ Aaron eje jeŋ lɛ, amɛfo Aaron gbii nyɔŋmai etɛ̃.

Yohane 11:31

Be ni Yudafoi lɛ ni kɛ lɛ yɔɔ shĩa lɛ ni amɛyeɔ lɛ ŋkɔmɔ lɛ na akɛ Maria ete shi oya kɛje kpo lɛ, amɛtiu lɛ, amɛsusu akɛ eeya fuuhe lɛ eyafo yɛ jɛi.

Yohane 11:35

Yesu fo.

Bɔfoi 8:2

Hii Nyɔŋmɔ gbeyeishelɔi komɛi yato Stefano, ni amɛfo lɛ pam.

5 Mose 34:8

Israelbii lɛ fo Mose gbii nyɔŋmai etɛ̃ sɔŋŋ yɛ Moab ŋa kplenee lɛ nɔ, dani amɛkɛgbe Mose yarafeemɔ kɛ lɛ fomɔ lɛ naa.

Yoshua 10:39

Eye maŋ lɛ kɛ emli maŋtsɛ lɛ kɛ maŋ lɛ akrowai lɛ fɛɛ anɔ kunim. Amɛkɛ klante kpãtã maji lɛ kɛ gbɔmɛi fɛɛ ni yɔɔ amɛmli lɛ ahiɛ butuu. Eshwɛɛɛ gbɔmɔ hiɛkãalɔ kome nɛkɛ. Bɔ ni Yoshua fee Hebron kɛ Libna kɛ emaŋtsɛ lɛ, nakai pɛpɛɛpɛ efee Debir kɛ emaŋtsɛ lɛ.

Yoshua 15:13

Yoshua hã Kaleb, Yefune bi lɛ, egbɛfaŋ shikpɔŋ yɛ Yudabii lɛ ateŋ tamɔ bɔ ni Yehowa efã lɛ, Yoshua lɛ. Maŋ ni eha Kaleb lɛ ji Hebron, ni atsɛɔ lɛ Kiriat Arba hu lɛ. Anak nɛɛ, etsɛ gbɛi akɛwo Kiriat Arba nɛɛ.

Yoshua 15:54

kɛ Humta kɛ Kiriat-Arba, ni ji Hebron, kɛ Zior: maji nɛɛhu kɛ amɛhe akrowai.

Yoshua 20:7

No hewɔ lɛ, Israelbii lɛ hala maji ni agbɛii baa nɛɛ to akɛ abobaa maji: Kadesh yɛ Galilea yɛ Naftali gɔji lɛ anɔ, kɛ Shekem yɛ Efraim gɔji lɛ anɔ, kɛ Kiriat-Arba, ni ji Hebron, ni yɔɔ Yuda gɔji lɛ anɔ lɛ.

Yoshua 21:11

Akɛ Kiriat-Arba, ni ji Anaktsɛ Arba maŋ lɛ, hã amɛ kɛ ehe shikpɔji ni bɔle lɛ lɛ. Maŋ nɛɛ nɔŋŋ ji Hebron ni yɔɔ Yuda gɔji lɛ anɔ lɛ.

Kojolɔi 1:10

Yudabii lɛ fã kɛyanina Kanaanbii ni yɔɔ Hebron lɛ. Shi sa lɛ Hebron gbɛi ji Kiriat-Arba. Yudabii lɛ ye Sheshaibii kɛ Ahimanbii kɛ Talmaibii lɛ anɔ kunim.

1 Samuel 20:31

Naa, gbii abɔ ni Yeshai bi nɛɛ hiɛ kã lɛ, bo diɛŋtsɛ ni jio, omaŋtsɛyeli lɛ ni jio, eko fɛɛ eko yi etɔ̃. No hewɔ lɛ, tsu koni ayaŋɔ lɛ abahã mi ejaakɛ ja egbo.”

1 Samuel 25:1

Samuel gbo, ni Israel fɛɛ ba bafo lɛ, ni afu lɛ yɛ ewe lɛ mli yɛ Rama. Samuel fuu sɛɛ lɛ, David kpeleke shi kɛtee Paran shiaŋa lɛ nɔ.

1 Samuel 28:3

Nɛkɛ be mli lɛ Samuel egbo, ni Israel fɛɛ efo lɛ, ni afu lɛ yɛ Rama, ni ji lɛ diɛŋtsɛ emaŋ lɛ mli, ni Saul eshwie mɛi ni feɔ nii kɛ klamɔfoi lɛ fɛɛ yɛ Israel shikpɔŋ lɛ nɔ.