1 Mose 22:6 - ŊMALƐ KRƆŊKRƆŊ LƐ

⁶ Kɛkɛ ni Abraham kɛ afɔleshãa lai lɛ tere ebi Isak, ni eŋɔ la lɛ kɛ kakla lɛ ehiɛ edɛ; ni amɛyi enyɔ lɛ pɛ amɛyi mli amɛtee.

Ṅmãle̱ Kroṅkroṅ Le̱

⁶ Ni Abraham ṅõ afo̱lešā̃ lai le̱ etĕre ebi Isak, ni eṅõ la le̱ ke̱ kakla le̱ ehĩe edẽ; ni ame̱yi enyo̱ le̱ fẽ ame̱yiṅ ame̱te.

1 Mose 22:6 ပူးပေါင်းရင်းမြစ်များ

1 Mose 22:5

Kɛkɛ ni Abraham kɛɛ eblahii lɛ akɛ, “Nyɛkɛ teji lɛ ahĩa biɛ; mi kɛ oblanyo lɛ miiya he ni jeɔ lɛ wɔyaja Nyɔŋmɔ ni wɔku wɔsɛɛ wɔba nyɛŋɔɔ ekoŋŋ.”

2 Maŋtsɛmɛi 2:6

Kɛkɛ ni Elia kɛɛ Elisha akɛ, “Mɛɛ yɛ biɛ, ejaakɛ Yehowa etsu mi Yordan Faa lɛ naa.” Shi Elisha kɛɛ lɛ akɛ, “Bei abɔ ni Yehowa hiɛ kã ni bo hu ohiɛ kã nɛɛ lɛ, mishiŋ bo.” Hewɔ lɛ amɛyi enyɔ lɛ amɛyi mli kɛtee.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Mateo 8:17

Koni nɔ ni gbalɔ Yesaia wie lɛ aba mli akɛ, “Lɛ diɛŋtsɛ ewo wɔhejaramɔi lɛ, ni etere wɔhelai lɛ.”

Yohane 19:17

Ni lɛ diɛŋtsɛ etere esɛŋmɔtso lɛ kɛtee he ni atsɛɔ jɛi Yitsoŋoŋohe ni Hebri mli lɛ atsɛɔ lɛ “Golgota” lɛ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.