1 Mose 22:12 - ŊMALƐ KRƆŊKRƆŊ LƐ

¹² Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

Ṅmãle̱ Kroṅkroṅ Le̱

¹² Ni ekē̱: *Kāhã onine mīsa oblanyo le̱ he, ni asaṅ kāfele̱ nokonoko! Ši kpāko miná mile ake̱ ošeo̱ Nyoṅmo̱ gbeyei, ake̱-ni †okãmããmi obi kometō ne̱ le̱. *Ier. 7,31. †Rom. 8,32.

1 Mose 22:12 ပူးပေါင်းရင်းမြစ်များ

1 Mose 20:11

Abraham to he akɛ, “Miyasusu akɛ ekolɛ mɛi ni yɔɔ biɛ nɛɛ lɛ sheee Nyɔŋmɔ gbeyei, ni amɛbaagbe mi yɛ miŋa lɛ hewɔ.

1 Mose 22:13

Kɛkɛ ni Abraham wo ehiɛ nɔ; eyaakwɛ ehe lɛ, naa ojwɛni ko yɛ esɛɛgbɛ ni eklontoi elalaa koo. Abraham tee eyamɔ ojwɛni lɛ, ni eŋɔ lɛ eshã shãa afɔle lɛ yɛ ebi lɛ najiaŋ.

1 Mose 22:16

ni ekɛɛ, “Bɔ ni Yehowa kɛɛ nɛ, ‘Mikã mi diɛŋtsɛ mihe kitã akɛ, akɛni ofee enɛ ni okamaaa mi obi lɛ ni ji obi kome too lɛ

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

1 Mose 26:5

ejaakɛ Abraham bo migbee toi, ni eye mimlai kɛ mikitãi lɛ anɔ.”

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

Hiob 5:19

Ebaajie bo yɛ amanehului babaoo amli hu, nɔ ko nɔ ko efeŋ bo.

Lalai 1:6

Ejaakɛ Yehowa kudɔɔ jalɔi agbɛ lɛ, shi mɛi fɔ̃ji agbɛ lɛ ekɛ mɛi fɔ̃ji yaa hiɛkpãtãmɔ mli.

Lalai 111:10

Yehowa gbeyeishemɔ ji nilee shishijee. Mɛi fɛɛ ni yeɔ nɔ lɛ amɛnaa niiashishinumɔ kpakpa. Eyijiemɔ hiɔ shi kɛyaa naanɔ.

Lalai 147:11

Shi moŋ Yehowa naa mɛi ni sheɔ lɛ gbeyei lɛ ahe miishɛɛ, kɛ mɛi hu ni kɛ amɛhiɛ fɔ̃ɔ esuɔmɔ ni sɛɛ efooo lɛ nɔ lɛ.

Lalai 2:11

Nyɛsɔmɔa Yehowa kɛ gbeyeishemɔ;

Lalai 25:12

Mɔ fɛɛ mɔ ni sheɔ Yehowa gbeyei lɛ, lɛ Yehowa aaatsɔ̃ɔ lɛ gbɛ ni enyiɛ nɔ.

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Abe̱i 1:7

Nilee fɛɛ shishijee ji Yehowa gbeyeishemɔ; shi kwashiai gbeɔ nilee kɛ tsɔsemɔ he guɔ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yeremia 19:5

Ni amɛmamɔ afɔleshãa latɛi yɛ Baal jamɔhei lɛ, ni amɛshãa amɛmusuŋbii yɛ nɔ akɛ shãa afɔle amɛhãa Baal. Mifãko amɛ, ni nakai nɔ ko bako mijwɛŋmɔ mli tete dã.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Mateo 19:29

Ni mɔ fɛɛ mɔ ni eshi shĩai loo nyɛmimɛi hii loo nyɛmimɛi yei loo tsɛ loo nyɛ loo ŋa loo bii loo shikpɔji yɛ migbɛi lɛ hewɔ lɛ, aaato lɛ najiaŋ toi oha, ni eeena naanɔ wala.

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Romabii 5:8

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

1 Korintobii 10:13

Kaa ko bako nyɛnɔ ni jeee gbɔmɔ he nɔ; shi anɔkwafo ji Nyɔŋmɔ, ni ehãŋ aka nyɛ fe bɔ ni nyɛaanyɛ; moŋ, yɛ kaa lɛ mli lɛ, ebaaje gbɛ ni nyɛkɛaaje mli koni nyɛnyɛ mli nyɛmɔ.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

Hebribii 11:19

ejaakɛ ebu akɛ Nyɔŋmɔ yɛ hewalɛ ni ekɛaatee lɛ shi kɛaajɛ gbohii ateŋ tete, ni lɛɛlɛŋ, kɛ aaawie lɛ abɛbuaŋ lɛ, enine shɛ enɔ ekoŋŋ kɛjɛ jɛi.

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

Yakobo 2:18

Shi mɔ ko aaakɛɛ, “Bo lɛ, oyɛ hemɔkɛyeli, ni mi lɛ, miyɛ nitsumɔi.” Tsɔ̃ɔmɔ mi ohemɔkɛyeli ni nitsumɔi bɛ he lɛ ni mi hu majɛ minitsumɔi lɛ amli matsɔ̃ɔ bo mihemɔkɛyeli lɛ.

Kpojiemɔ 19:5

Ni gbee ko jɛ maŋtsɛ sɛ̃i lɛ mli kɛɛ, “Nyɛjiea wɔNyɔŋmɔ lɛ yi, nyɛ mɛi ni ji etsuji lɛ fɛɛ kɛ nyɛ mɛi ni nyɛsheɔ lɛ gbeyei, mɛi bibii kɛ mɛi wuji lɛ fɛɛ!”

1 Samuel 15:22

Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.