1 Mose 22:11 - ŊMALƐ KRƆŊKRƆŊ LƐ

¹¹ Shi Yehowa bɔfo lɛ jɛ ŋwɛi etsɛ Abraham ekɛɛ, “Abraham, Abraham!” Abraham here nɔ ekɛɛ, “Naa mi!”

Ṅmãle̱ Kroṅkroṅ Le̱

¹¹ Ke̱ke̱ ni Iehowa bo̱fo le̱ dše̱ ṅwei tšé̱le̱, ni ekē̱: Abraham! Abraham! Ni ekē̱: Nami!

1 Mose 22:11 ပူးပေါင်းရင်းမြစ်များ

1 Mose 16:7

Yehowa bɔfo lɛ na Hagar yɛ nubu ko he yɛ ŋa lɛ nɔ, yɛ Shur gbɛ lɛ nɔ nubu lɛ he.

1 Mose 21:17

Nyɔŋmɔ nu oblanyo lɛ gbee, ni Nyɔŋmɔ bɔfo jɛ ŋwɛi etsɛ Hagar, ni ekɛɛ lɛ akɛ, “Mɛni gbaa onaa Hagar? Kaashe gbeyei, shi Nyɔŋmɔ enu gbekɛ lɛ gbee yɛ he ni gbekɛ lɛ yɔɔ lɛ.

1 Mose 21:18

Tee shi ni owo gbekɛ lɛ nɔ, hiɛmɔ lɛ jogbaŋŋ, ejaakɛ mahã etsɔ maŋ kpeteŋkple.”

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

1 Mose 22:10

Kɛkɛ ni Abraham kpã enine mli ekɔ kakla lɛ koni ekɛgbe ebi lɛ.

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

1 Mose 22:16

ni ekɛɛ, “Bɔ ni Yehowa kɛɛ nɛ, ‘Mikã mi diɛŋtsɛ mihe kitã akɛ, akɛni ofee enɛ ni okamaaa mi obi lɛ ni ji obi kome too lɛ

1 Mose 24:7

Yehowa, ŋwɛi Nyɔŋmɔ lɛ, mɔ ni ŋɔ mi kɛjɛ mitsɛ we lɛ kɛ miwekumɛi ashikpɔŋ lɛ nɔ ni ekɛ mi wie ni ekã mi kitã akɛ, ‘Oshwiei maŋɔ nɛkɛ shikpɔŋ nɛɛ mahã lɛ,’ lɛ eeetsu ebɔfo kɛnyiɛ ohiɛ ni oyaŋɔ yoo kɛjɛ jɛi obahã mibi lɛ.

1 Mose 31:11

Kɛkɛ ni Nyɔŋmɔ bɔfo lɛ kɛɛ mi yɛ lamɔ lɛ mli akɛ, ‘Yakob!’ Ni mikɛɛ akɛ, ‘Naa mi!’

1 Mose 37:13

Yakob kɛɛ Yosef akɛ, “Te onyɛmimɛi lɛ miikwɛ toi yɛ Shekem? Ba ni matsu bo amɛŋɔɔ.” Ni Yosef here nɔ akɛ, “Naa mi, tsu mi.”

1 Mose 46:2

Nyɔŋmɔ kɛ Yakob wie yɛ ninaa mli nyɔɔŋ ni ekɛɛ, “Yakob, Yakob!” Ni Yakob here nɔ akɛ, “Naa mi.”

1 Mose 48:16

bɔfo ni jie mi kɛjɛ efɔŋ fɛɛ mli lɛ, ajɔɔ gbekɛbii nɛɛ. Amɛhewɔ lɛ, migbɛi kɛ mitsɛmɛi Abraham kɛ Isak agbɛi gboŋ kɔkɔɔkɔ. Amɛyi afa babaoo yɛ shikpɔŋ lɛ nɔ.”

2 Mose 3:2

Kɛkɛ ni Yehowa bɔfo bajie ehe kpo etsɔ̃ɔ lɛ akɛ lalilɛi, yɛ ŋmeitso ko mli. Mose kwɛ ŋmeitso lɛ gãa ejaakɛ eetso nɛ, shi eshãaa.

2 Mose 3:4

Be ni Yehowa na akɛ Mose miibɛŋkɛ ni eyakwɛ lɛ, ejɛ ŋmeitso lɛ teŋ etsɛ lɛ ekɛɛ, “Mose, Mose!” Mose here nɔ akɛ, “Ofainɛ, naa mi!”

Yesaia 6:8

Kɛkɛ ni minu Nuŋtsɔ lɛ gbee ni miikɛɛ akɛ, “Namɔ matsu, ni namɔ aaatee ahã wɔ?” Mikɛɛ akɛ, “Naa mi! Tsu mi!”

Bɔfoi 26:14

Ni be ni wɔ fɛɛ wɔgbeegbee shi lɛ, minu gbee ko kɛ mi wie yɛ Hebri wiemɔ lɛ mli akɛ, ‘Saul, Saul, mɛɛba owaa mi yi? Ewa hã bo akɛ ooofã ntia oshi kooloi akpalamɔ tso lɛ naa dade lɛ.’

Bɔfoi 9:4

ni eflɛo egbee shi, ni enu gbee ko ni miikɛɛ lɛ akɛ, “Saul, Saul, mɛɛba owaa mi yi?”

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,

1 Samuel 3:10

Yehowa ba ni ebadamɔ shi, ni etsɛ lɛ tamɔ tsuutsu lɛ akɛ, “Samuel! Samuel!” Samuel here nɔ akɛ, “Wiemɔ, shi otsulɔ miibo toi.”

1 Samuel 3:4

Kɛkɛ ni Yehowa tsɛ Samuel ekɛɛ, “Samuel! Samuel!” Ehere nɔ akɛ, “Minuŋtsɔ, Naa mi!”