1 Mose 21:8 - ŊMALƐ KRƆŊKRƆŊ LƐ

⁸ Gbekɛ lɛ bada, ni atse lɛ fufɔ; ni Abraham ŋmɛ okplɔ̃ kpeteŋkple gbi nɔ ni atse lɛ fufɔ lɛ.

Ṅmãle̱ Kroṅkroṅ Le̱

⁸ Ni gbekẽ le̱ bada ni atšele̱ fufo̱; ni Abraham ṅmẽ okplõ kpeteṅkple gbĩ no̱ ni atše Isak le̱.

1 Mose 21:8 ပူးပေါင်းရင်းမြစ်များ

1 Mose 19:3

Shi Lot hiɛ amɛ aahu, ni amɛbagbale eŋɔɔ; ni amɛbote ewe lɛ. Efee niyenii ehã amɛ, ni eshã aboloo, ni amɛye.

1 Mose 21:7

Asaŋ ekɛɛ akɛ, “Kulɛ namɔ aaagba Abraham akɛ Sara aaahã ebii afufɔ? Shi mikɛ lɛ efɔ bi yɛ egbɔlɛ mli.”

1 Mose 21:9

Shi Sara na Ishmael, Hagar Ijiptyoo lɛ binuu lɛ ni ekɛ Abraham fɔ lɛ, ni ekɛ Sara bi Isak miishwɛ.

1 Mose 26:30

Ni Isak ŋmɛ amɛ okplɔ̃, ni amɛye nii, ni amɛnu nɔ ko.

1 Mose 29:22

Kɛkɛ ni Laban bua jɛi bii lɛ fɛɛ anaa, ni eŋmɛ okplɔ̃.

1 Mose 40:20

Ni eba mli akɛ gbi ni ji etɛ̃ lɛ, Farao fɔmɔgbi ni. Eŋmɛ etsuji fɛɛ okplɔ̃ ni ejie edãawolɔi anukpa lɛ kɛ ebolooshãlɔi anukpa lɛ yɛ tsuŋ yɛ enukpai lɛ ahiɛ.

2 Samuel 3:20

Be ni Abner bashɛ David ŋɔɔ yɛ Hebron lɛ, David ŋmɛ lɛ kɛ mɛi nyɔŋmai enyɔ ni fata ehe kɛba lɛ fɛɛ okplɔ̃.

1 Maŋtsɛmɛi 3:15

Kɛkɛ ni Solomon hiɛ tsɛ̃, ni naa lamɔ ni. Nyɔŋmɔ kɛ lɛ ewie yɛ mli. Eba Yerusalɛm, ni ebadamɔ Yehowa afɔleshãa latɛ lɛ hiɛ, ni eshã shãa afɔle. No sɛɛ lɛ, eŋmɛ etsuji lɛ fɛɛ okplɔ̃.

Ester 1:3

Emaŋtsɛyeli afi ni ji etɛ̃ lɛ nɔ lɛ, Maŋtsɛ Ahashwerosh ŋmɛ okplɔ̃ ehã elumɛi kɛ etsuji fɛɛ yɛ maŋtsɛ we lɛ mli. Mɛi okplɔ̃ ni eŋmɛ lɛ ji Persia kɛ Media shikpɔji lɛ anɔ tatsɛmɛi lɛ kɛ amralofoi lɛ.

Lalai 131:2

Shi moŋ, migbe mitsui, ni misusuma efee kpoo tamɔ abifao feɔ yɛ enyɛ kpɔkɔiaŋ. Misusuma efee kpoo yɛ mimli tamɔ abifao ni atse lɛ fufɔ.

Hosea 1:8

Be ni Gomer etse ebi Lo-Ruhama fufɔ lɛ, esaa ena musu, ni efɔ binuu ekoŋŋ.

Kojolɔi 14:10

Etsɛ yiŋ etee ni eyana yoo lɛ; ni Samson ŋmɛ okplɔ̃ yɛ jɛi, ejaakɛ nakai oblahii lɛ feɔ.

Kojolɔi 14:12

Kɛkɛ ni Samson kɛɛ amɛ akɛ, “Mibagba nyɛ ajenu ko. Kɛ nyɛaanyɛ mi shishi nyɛtsɔ̃ɔ yɛ nɛkɛ gbii kpawo ni akɛŋmɛɔ ayɛmforo okplɔ̃ nɛɛ mli, ni nyɛaana nɔ ni ji lɛ, no lɛ mibahã nyɛ shikpɔŋ boi nyɔŋmai etɛ̃ kɛ hewulamɔ atadei hu nyɔŋmai etɛ̃.

1 Samuel 1:22

Shi Hana eyaaa eko ejaakɛ ekɛɛ ewu Elkana akɛ, “Mamɛ kɛyashi matse gbekɛ lɛ fufɔ dani mikɛ lɛ ayapue yɛ Yehowa hiɛ koni ehi jɛi kwraa.”

1 Samuel 1:24

Be ni Hana tse gbekɛ lɛ fufɔ lɛ sɛɛ lɛ, ekɛ gbekɛ lɛ tee Yehowa we lɛ yɛ Shilo, ni ehiɛ edɛŋ tsinanuu ni eye afii etɛ̃ kɛ ŋmaa mamu kiloi nyɔŋma kɛ wain tɔ kome. Nakai be mli tete lɛ Samuel edako.

1 Samuel 25:36

Be ni Abigail ku esɛɛ ni eshɛɔ shĩa lɛ Nabal eŋmɛ okplɔ̃ yɛ ewe lɛ mli tamɔ maŋtsɛ. Nabal mii eshɛ ehe fe nine, ni etɔ dãa kpɔtɔɔ. No hewɔ lɛ, Abigail ebɔɔɔ lɛ amaniɛ ko kɛyashi je tsɛre nɔ leebi,