1 Mose 21:31 - ŊMALƐ KRƆŊKRƆŊ LƐ

³¹ No hewɔ lɛ, Abraham tsɛ jɛi Beersheba, ejaakɛ jɛi amɛyi enyɔ lɛ fɛɛ amɛkãmɔ kitã yɛ.

Ṅmãle̱ Kroṅkroṅ Le̱

³¹ Nohewo̱ le̱ etšé̱ dše̱i *Beeršeba, edšake̱ dše̱i ame̱yi enyo̱ le̱ fẽ ame̱kãmo̱ kitã ye̱. *26,38.

1 Mose 21:31 ပူးပေါင်းရင်းမြစ်များ

1 Mose 21:14

Abraham te shi leebi maŋkpa. Ekɔ aboloo ni ewo nu kɛ tɔ ekɛtswa Hagar kɔŋ. Ekɛ gbekɛ lɛ hu hã Hagar, kɛkɛ ni ewo lɛ gbɛ. Hagar yi mli ni eyatsomlo yɛ Beersheba ŋa lɛ nɔ.

1 Mose 21:32

Amɛkpãŋ yɛ Beersheba. Kɛkɛ ni Abimelek kɛ etatsɛ Fikol te shi, ni amɛku amɛsɛɛ kɛba Filistibii lɛ ashikpɔŋ lɛ nɔ ekoŋŋ.

1 Mose 26:23

Isak shi jɛi etee Beersheba.

1 Mose 26:31

Ni amɛte shi leebi maŋkpa ni amɛkãmɔ amɛhe kitãi. Ni Isak wo amɛ gbɛ ni amɛshi eŋɔɔ yɛ hejɔlɛ mli.

1 Mose 26:33

Ni Isak wo nubu lɛ akɛ “Shiba”. No hewɔ ni atsɛɔ maŋ lɛ akɛ, “Beersheba” kɛ ŋmɛnɛ lɛ.

1 Mose 46:1

No hewɔ lɛ, Yakob fã kɛ nibii fɛɛ ni eyɔɔ, ni eba Beersheba. Eshã afɔlei ehã etsɛ Isak Nyɔŋmɔ lɛ yɛ jɛi.

2 Samuel 17:11

No hewɔ lɛ, ŋaa ni miwoɔ ji akɛ obua Israel maŋ muu lɛ fɛɛ naa, kɛjɛ Dan aahu kɛyashwie Beersheba, amɛyi baafa tamɔ ŋshɔnaa shia. Bo diɛŋtsɛ hu oya ta lɛ eko.

2 Samuel 24:7

Amɛyi wuoyigbɛ agbɛnɛ kɛtee Tiro, ni ji maŋ ni awaje yɛ ta hewɔ lɛ, kɛ Hivbii lɛ kɛ Kanaanbii lɛ amaji lɛ fɛɛ amli, ni amɛyagbe naa yɛ Beersheba yɛ Yuda wuoyigbɛ.

1 Maŋtsɛmɛi 19:3

Elia she gbeyei, ni no hewɔ lɛ, ete shi, ni ejo foi koni ehere esusuma yiwala. Etee Beersheba yɛ Yuda shikpɔŋ lɛ nɔ. Eshi etsulɔ lɛ yɛ jɛi,

1 Maŋtsɛmɛi 4:25

Ni Solomon yinɔ fɛɛ lɛ, Yuda kɛ Israel hi shi shweshweeshwe. Mɔ fɛɛ mɔ hi shi yɛ ewain tso kɛ egbami tso shishi kɛjɛ Dan aahu kɛyashwie Beersheba.

Nehemia 11:27

kɛ Hazar-Shual kɛ Beersheba kɛ ehe akrowai lɛ amli,

Amos 5:5

shi nyɛkataoa Betel sɛɛgbɛ, ni nyɛkayaa Gilgal hu, aloo nyɛmitse mli kɛmiiya Beersheba; ejaakɛ abaaŋɔ Gilgalbii nom, ni Betel hiɛ baakpãtã.”

Yoshua 15:28

kɛ Hazar Shual kɛ Beersheba kɛ Biziotia,

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.