1 Mose 21:23 - ŊMALƐ KRƆŊKRƆŊ LƐ

²³ No hewɔ lɛ, agbɛnɛ, okɛ Nyɔŋmɔ akã mi kitã yɛ biɛ nɛɛ akɛ oyeŋ mi loo mibii loo mihɔi kutumpɔo; shi bɔ ni miyeɔ bo anɔkwa lɛ, nakai obaafee mi kɛ shikpɔŋ ni obato gbɔ yɛ nɔ nɛɛ.”

Ṅmãle̱ Kroṅkroṅ Le̱

²³ Nohewo̱ le̱ agbe̱ne̱ kã Nyoṅmo̱ kitã otšõmi ye̱ bie̱ ne̱, ake̱ oyeṅmi lo mibii ke̱ miho̱i akũtũmpo̱o; ši edšũrõ bo̱ni *mifeo le̱, nakai ooṅō-femi ke̱ šikpoṅ ni obato gbo̱ ye̱ no̱ ne̱. *20,15.

1 Mose 21:23 ပူးပေါင်းရင်းမြစ်များ

1 Mose 20:14

Kɛkɛ ni Abimelek ŋɔ toi kɛ tsinai kɛ wehii kɛ weyei eyahã Abraham, ni ekɛ eŋa Sara lɛ ku sɛɛ ehã lɛ.

1 Mose 21:24

Ni Abraham kɛɛ akɛ, “Makã kitã lɛ.”

1 Mose 24:3

koni mahã okã Yehowa, ŋwɛi Nyɔŋmɔ kɛ shikpɔŋ Nyɔŋmɔ lɛ, kitã akɛ oŋɔŋ Kanaanbii ni miyɔɔ amɛteŋ nɛɛ abiyei lɛ eko akɛ ŋa ohaŋ mibi Isak;

1 Mose 26:28

Ni amɛkɛɛ, “Naa, wɔna akɛ Yehowa kɛ bo yɛ, no hewɔ lɛ, hã ni wɔkɛ bo akpãŋ kpãŋmɔ ko,

1 Mose 31:44

No hewɔ lɛ, agbɛnɛ, ba ni mi kɛ bo akpãŋ koni no atsɔ̃ odase yɛ mi kɛ bo teŋ.”

1 Mose 31:53

Abraham Nyɔŋmɔ lɛ kɛ Nahor Nyɔŋmɔ lɛ, amɛtsɛ Nyɔŋmɔ lɛ, afee kojolɔ yɛ wɔteŋ.” Kɛkɛ ni Yakob kã Mɔ ni gbeyei etsɛ Isak she lɛ kitã.

1 Mose 39:3

Enuŋtsɔ Ijiptnyo lɛ we lɛ eyɔɔ. Potifar na akɛ Yehowa kɛ Yosef yɛ, ni ehãa nɔ fɛɛ nɔ ni Yosef feɔ lɛ shwereɔ yɛ edɛŋ.

1 Mose 47:31

Shi Yakob kɛɛ, “Kã mi kitã!” No hewɔ lɛ, Yosef kã lɛ kitã. Kɛkɛ ni Israel ma eyi shi yɛ esaatso lɛ yitsogbɛ ni esɔle.

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

2 Korintobii 1:23

Shi mi lɛ, miitsɛ Nyɔŋmɔ ni ebaye odase eshi mi kɛji ejeee anɔkwale akɛ nyɛyibaamɔ hewɔ minako maba Korinto lɛ.

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

Hebribii 6:16

Ejaakɛ gbɔmɛi yɔɔ nɛɛ, mɔ ni fe amɛ lɛ, lɛ kitã amɛkãa, ni amɛŋwanejee fɛɛ naagbee ji kitãkãmɔ ni akɛmaa sane nɔ aduatsɔ lɛ.

Yoshua 2:12

No hewɔ lɛ, agbɛnɛ, miikpa nyɛ fai, nyɛkɛ Yehowa akãa mi kitã akɛ gbii abɔ ni mifee nyɛ ejurɔ nɛɛ lɛ, nyɛ hu nyɛbaafee mitsɛ we lɛ ejurɔ nakai nɔŋŋ; ni nyɛbaato mi okadi krɛdɛɛ ko,

1 Samuel 20:13

Shi kɛji mitsɛ eto eyiŋ doo akɛ efɔŋ nɔŋŋ ebafee bo, ni mihãaa ole koni ojo foi oya shweshweeshwe lɛ, no lɛ Yehowa awo mi he nyɔmɔ kɛteke nɔ. Yehowa kɛ bo ahi shi tamɔ bɔ ni ekɛ mitsɛ ehi shi lɛ.

1 Samuel 20:17

Yonatan hã David saa kã lɛ kitã ekoŋŋ akɛ ehiɛ akakpa amɛteŋ suɔmɔ lɛ nɔ, ejaakɛ Yonatan sumɔɔ David tamɔ bɔ ni esumɔɔ lɛ diɛŋtsɛ ehe lɛ.

1 Samuel 20:42

Kɛkɛ ni Yonatan kɛɛ David akɛ, “Anyɛmi, gbii abɔ kɛ̃ ni wɔyi enyɔ lɛ fɛɛ wɔkamɔ wɔhe kitã yɛ Yehowa gbɛi mli akɛ, ‘Yehowa aye abua mi kɛ bo, kɛ mishwiei kɛ bo hu oshwiei kɛya naanɔ’ lɛ, yaaba jogbaŋŋ.” Kɛkɛ ni David tsɔ̃ ehe ni etee, ni Yonatan hu ku esɛɛ etee maŋ lɛ mli.

1 Samuel 30:15

David bi oblanyo lɛ akɛ, “Kɛji mikɛɛ oyatsɔ̃ɔ mi ofɔ̃yelɔi nɛɛ lɛ, obaaya lo?” Oblanyo lɛ here nɔ ekɛɛ, “Okɛ Nyɔŋmɔ akã mi kitã akɛ ogbeŋ mi, ni asaŋ okpaleŋ mi ohaŋ minuŋtsɔ lɛ, ni mikɛ bo baaya miyatsɔ̃ɔ bo ofɔ̃yelɔi lɛ.”