1 Mose 21:16 - ŊMALƐ KRƆŊKRƆŊ LƐ

¹⁶ Ni etee eyata sɛɛ flɛŋŋ aaafee tɛfɔ̃ɔ jɛkɛmɔ yɛ gbekɛ lɛ ŋlɛnɔ; ejaakɛ ekɛɛ akɛ, “Minyɛŋ makwɛ gbekɛ lɛ gbele.” Eho eta shi yɛ gbekɛ lɛ ŋlɛnɔ ni gbekɛ lɛ jwa yaafo.

Ṅmãle̱ Kroṅkroṅ Le̱

¹⁶ ni ete eyatá se̱ fle̱ṅṅ aafe gãitšẽmo̱ dšeke̱mo̱ ye̱ eṅe̱le̱no̱; edšake̱ ekē̱ ake̱: Mikana gbekẽ le̱ gbẽle ke̱ke̱! Ni eho etá ši ye̱ eṅe̱le̱no̱, ni ewó egbẽ ni efó.

1 Mose 21:16 ပူးပေါင်းရင်းမြစ်များ

1 Mose 21:15

Be ni nu lɛ tã yɛ wolo tɔ lɛ mli lɛ, Hagar ŋmɛɛ gbekɛ lɛ he efɔ̃ koowie ko mli.

1 Mose 27:38

Kɛkɛ ni Esau kɛɛ etsɛ akɛ, “Ataa, ani jɔɔmɔ kome pɛ kɛkɛ oyɔɔ? Hã mi jɔɔmɔ ko kɛ̃, Ataa!” Ni Esau jwa yaafo.

1 Mose 29:11

Kɛkɛ ni Yakob shwɔ Rahel naa, ni Yakob jwa yaafo.

1 Mose 44:34

Ejaakɛ te mafee tɛŋŋ maku misɛɛ maya mitsɛ ŋɔɔ kɛji gbekɛ lɛ fataaa mihe hu? Nɔ ni baafee mitsɛ lɛ minyɛŋ makwɛ kɛ mihiŋmɛi.”

1 Maŋtsɛmɛi 17:12

Yoo okulafo lɛ to he akɛ, “Mina Yehowa hiɛkãalɔ, oNyɔŋmɔ lɛ, akɛ mibɛ aboloo kuku nɛkɛ. Nɔ pɛ ni miyɔɔ ji mamu dɛ̃ kɔkɔ obɔ̃ kome pɛ yɛ gbɛ mli, kɛ mu fioo yɛ tɔ mli. Miilɛ lai ŋmɛŋmlɛbii enyɔ oo ko koni mikɛyashã aboloo mahã mi kɛ mibi lɛ koni wɔye; no sɛɛ lɛ wɔɔgboi kɛ hɔmɔ.”

1 Maŋtsɛmɛi 3:26

Kɛkɛ ni yoo mɔ bi ni ji hiɛkãalɔ lɛ bo akɛ, “Ao, minuŋtsɔ maŋtsɛ, mimusuŋ miishã mi yɛ mibi lɛ he. Ofainɛ, ŋɔɔ bi hiɛkãalɔ lɛ ohã lɛ; akagbe lɛ kɔkɔɔkɔ!” Shi mɔ kome lɛ kɛɛ, “Akɛ lɛ akahã wɔteŋ mɔ ko mɔ ko, aja emli enyɔ!”

Ester 8:6

Ejaakɛ aso manyɛ naa madamɔ kɛji sane fɔŋ nɛɛ banina mimaŋbii lɛ, ni akpãtã amɛhiɛ kɛbule amɛshishi?”

Yesaia 49:15

Yehowa to he akɛ, “Aso yoofɔyoo hiɛ aaakpa ebi fufɔoo nɔ, ni emusuŋ etsɔŋ lɛ yɛ emusuŋbi he? Kɛji yoofɔyoo tete hiɛ aaakpa ebi nɔ lɛ, mi lɛ, mihiɛ kpaŋ onɔ.

Yeremia 6:26

Yehowa kɛɛ, “Ao, mimaŋbii, nyɛkɔlɔa kpekpe nyɛbumɔa, nyɛkokloa shi yɛ lamlu mli, nyɛwoa yara nyɛfoa waa tamɔ afoɔ bi koome ni egbo, ejaakɛ hiɛkpãtãlɔ lɛ baaba ebatua nyɛ trukaa.”

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Luka 15:20

Ni ete shi ni eyiŋ eba etsɛ ŋɔɔ. Shi be ni enyiɛ shɔŋŋ kɛbaa lɛ, etsɛ na lɛ, ni emusuŋ tsɔ̃ lɛ, ni esha foi ni eyafua lɛ atuu, ni eshwɔshwɔɔ enaa.

Kojolɔi 2:4

Be ni Yehowa bɔfo lɛ wie nɛkɛ wiemɔi nɛɛ yɛ Israelbii lɛ fɛɛ atoiŋ lɛ, maŋ lɛ wo yara amɛfo.

Rut Wolo Lɛ 1:9

Ehã nyɛteŋ mɔ fɛɛ mɔ ana he ko eta yɛ ewu we.” Ni eshwɔshwɔɔ amɛnaa, ni ekɛ amɛye shɛɛ. Kɛkɛ ni amɛjwa yaafo.

1 Samuel 24:16

Be ni David kɛ Saul wie nɛkɛ egbe naa lɛ, Saul bi lɛ akɛ, “Bo nɔŋŋ ogbee minuɔ nɛɛ, mibi David?” Kɛkɛ ni Saul jwa yaafo,

1 Samuel 30:4

Kɛkɛ ni David kɛ ewebii ni ekɛnyiɛ lɛ wo yara, ni amɛfo kɛyashi etɔ amɛ bɔ ni amɛnyɛɛɛ amɛfo dɔŋŋ.