1 Mose 21:12 - ŊMALƐ KRƆŊKRƆŊ LƐ

¹² Shi Nyɔŋmɔ kɛɛ Abraham akɛ, ‘Kaahã oblanyo lɛ kɛ otsulɔyoo lɛ sane lɛ miidɔ bo. Nɔ fɛɛ nɔ ni Sara aaakɛɛ bo lɛ, bo egbee toi ni ofee ejaakɛ Isak gbɛi mli aaatsɛ oshwiei agbɛi yɛ.

Ṅmãle̱ Kroṅkroṅ Le̱

¹² Ni Nyoṅmo̱ kē̱ Abraham ake̱: Kāhã oblanyo le̱ ke̱ otšũlo̱yō le̱ sane le̱ mīfe do̱le̱ sane ye̱ ohĩe; nibii fẽ ni Sara ekē̱o le̱, bo egbẽ toi ye̱ mli; edšake̱ *Isak mli aatšé̱ oseši ye̱. *Rom. 9,7. 8. Heb. 11,18.

1 Mose 21:12 ပူးပေါင်းရင်းမြစ်များ

1 Mose 17:19

Nyɔŋmɔ kɛɛ akɛ, “Okɛ oŋa Sara lɛ baafɔ binuu, ni obaawo lɛ gbɛi akɛ Isak. Mahã mi kɛ lɛ kpãŋmɔ lɛ ama shi ni etsɔ̃ naanɔ kpãŋmɔ ehã eshwiei ni aaaba yɛ esɛɛ lɛ.

1 Mose 17:21

Shi mikpãŋmɔ lɛ, Isak mɔ ni Sara kɛ bo aaafɔ biɛ afi naakplɔ lɛ, lɛ mikɛaakpãŋ.”

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Galatabii 4:30

Shi mɛni ŋmalɛ lɛ kɛɔ? “Shwiemɔ nyɔŋyoo lɛ kɛ ebi lɛ; ejaakɛ nyɔŋyoo bi lɛ ekɛ odehe lɛ bi lɛ yeŋ gboshinii lɛ.”

Hebribii 11:18

Lɛ mɔ ni akɛɛ lɛ akɛ, “Isak mli aaatsɛ oshwie yɛ” lɛ;

1 Samuel 8:7

ni Yehowa kɛɛ Samuel akɛ, “Nibii fɛɛ ni maŋbii lɛ kɛɔ bo lɛ, feemɔ ohã amɛ; ejaakɛ jeee bo amɛkwa; shi mi moŋ amɛkwa akɛ mikaye amɛnɔ dɔŋŋ lɛ.

1 Samuel 8:9

No hewɔ lɛ, bo amɛ toi; shi kɛ̃lɛ gba mli kpoo okɛɛ amɛ, ni otsɔ̃ɔ amɛ nibii ni mɔ ni baaye amɛnɔ maŋtsɛ lɛ baatao yɛ amɛdɛŋ.”