1 Mose 2:7 - ŊMALƐ KRƆŊKRƆŊ LƐ

⁷ Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

Ṅmãle̱ Kroṅkroṅ Le̱

⁷ Ni Iehowa Nyoṅmo̱ ke̱ šikpoṅ sũ šõ gbomo, ni emũ wala mumo̱ ewo egugõ mli, ni gbomo *tšṍ wala susuma. *1 Kor. 15,45.

1 Mose 2:7 ပူးပေါင်းရင်းမြစ်များ

1 Mose 1:27

No hewɔ lɛ, Nyɔŋmɔ bɔ gbɔmɔ adesa yɛ esu nɔ, Nyɔŋmɔ su lɛ nɔ ebɔ lɛ yɛ, ebɔ nuu, ni ebɔ yoo.

1 Mose 2:6

Shi afua teɔ shi kɛjɛɔ shikpɔŋ lɛ nɔ ni etsɔ̃ɔ bɔ, ni eshwieɔ shikpɔŋ lɛ fɛɛ nɔ nu.

1 Mose 3:19

Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

1 Mose 3:23

Enɛ hewɔ lɛ, Nuŋtsɔ Nyɔŋmɔ shwie lɛ kɛje Eden trom lɛ mli koni eyahu shikpɔŋ, nɔ mli ni ajie lɛ kɛjɛ lɛ.

1 Mose 7:22

Bɔɔnii fɛɛ ni muɔ ni yɔɔ shikpɔŋ gbiŋ nɔ lɛ gboi.

Hiob 27:3

gbii abɔ ni wala yɔɔ mimli, ni Nyɔŋmɔ mumɔ hãa mimuɔ nɛɛ,

Hiob 33:4

Nyɔŋmɔ mumɔ lɛ ji nɔ ni bɔ mi, ni Ofe lɛ mumɔ lɛ hãa miyi naa wala.

Hiob 33:6

Naa, mi kɛ bo yeɔ hegbɔ yɛ Yehowa gbɛfaŋ; mi hu sũ nɔŋŋ akɛshɔ̃ mi.

Hiob 4:19

ani osusuɔ akɛ ekɛ ehe baafɔ gbɔmɔ adesa nɔ, gbɔmɔ ni jɛ shikpɔŋ su mli ni afufluɔ lɛ tamɔ omlɛgɛ?

Lalai 100:3

Nyɛnaa nyɛlea akɛ Yehowa lɛ, lɛ ji Nyɔŋmɔ! Lɛ ebɔ wɔ, ni lɛ enii ji wɔ; emaŋ kɛ elɛɛhe lɛ toi ji wɔ.

Lalai 103:14

Ejaakɛ ele wɔsu kɛ wɔbaŋ; ekaiɔ akɛ sũ kɛkɛ ji wɔ.

Abe̱i 20:27

Gbɔmɔ mumɔ ni yɔɔ emli lɛ, Yehowa kane ni; ni ekpaa gbɔmɔ mligbɛ fɛɛ ekwɛɔ.

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Jajelɔ 3:7

Be yɛ ni atserɛɔ nii amli, ni be hu yɛ ni akpɛɔ nii; be yɛ ni afeɔ dioo, ni be hu yɛ ni awieɔ.

Yesaia 2:22

Nyɛwia nyɛhe kɛjea gbɔmɔ ni wala mumɔ yɔɔ emli nɛɛ he, ejaakɛ lɛ diɛŋtsɛ lɛ, ebɛ nɔ ko mli.

Yesaia 64:8

Kɛ̃lɛ bo, Yehowa, bo nɔŋŋ ji wɔtsɛ. Wɔ lɛ su ji wɔ, ni bo ji wɔshɔ̃lɔ, ni oninenaa nitsumɔ ji wɔ fɛɛ.

Yāfó 4:20

Mɔ dɛŋ ni wɔwala yɔɔ, ni ji maŋtsɛ ni Yehowa efɔ lɛ mu lɛ; amɛtsɔ̃ lɛ, ni amɛmɔ lɛ ŋaa mli. Lɛ ji mɔ ni wɔkɛɛ yɛ ehe akɛ, “Yɛ lɛ eshishi lɛ, wɔɔhi shi shweshweeshwe yɛ majimaji lɛ ateŋ” lɛ.

Ezekiel 37:5

Nɔ ni Nuŋtsɔ Yehowa kɛɔ wui nɛɛ nɛ, naa maha mumɔ abote nyɛmli ni wala baaba nyɛmli.

Ezekiel 37:6

Maha nyɛna fãi, ni mahã loo aba nyɛhe ni mahã hewolo aha nyɛhe. Mikɛ mumɔ baawo nyɛmli ni wala baaba nyɛmli, ni nyɛaana nyɛle akɛ, mi, mi ji Yehowa.”

Zakaria 12:1

Wiemɔ ni Yehowa wie yɛ Israel he lɛ nɛ. Bɔ ni Yehowa mɔ ni bɔ ŋwɛi ni ha shi nɛɛ, ni bɔ shikpɔŋ lɛ, ni ebɔ mumɔ ni yɔɔ gbɔmɔ mli lɛ kɛɛ nɛ,

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

4 Mose 27:16

“Yehowa, bɔɔnii fɛɛ aNyɔŋmɔ, ofainɛ, fãa nuu hiɛnyiɛlɔ ohã maŋ lɛ,

Yohane 20:22

Ni be ni ekɛɛ nakai lɛ, emu eshwie amɛnɔ, ni ekɛɛ amɛ akɛ, “Nyɛhea Mumɔ Krɔŋkrɔŋ lɛ!

Bɔfoi 17:25

ni asaŋ akɛ gbɔmɛi aniji jaaa lɛ tamɔ mɔ ko ni nɔ ko fiɔ lɛ; lɛ moŋ edɛŋ wala kɛ mumɔ kɛ nii fɛɛ jɛɔ hãa gbɔmɛi fɛɛ;

Romabii 9:20

Shi, bo gbɔmɔ, namɔ ji bo, ni okɛ Nyɔŋmɔ kaneɔ? Ani nɔ ni ashɔ̃ lɛ aaabi mɔ ni shɔ̃ lɛ lɛ akɛ, “Mɛɛba oshɔ̃ mi nɛkɛ?”

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

1 Korintobii 15:47

Klɛŋklɛŋ gbɔmɔ lɛ ni jɛ shikpɔŋ mli lɛ, su ni; gbɔmɔ ni ji enyɔ lɛ jɛ ŋwɛi.

2 Korintobii 4:7

Shi wɔhiɛ nɛkɛ jwetri nɛɛ yɛ su kpuji amli, koni hewalɛ ni fa kɛtɛke nɔ lɛ afee Nyɔŋmɔ nɔ, ni jeee wɔnɔ.

2 Korintobii 5:1

Ejaakɛ wɔle akɛ, kɛ akumɔ wɔbuu ni wɔyɔɔ mli ni ji wɔshikpɔŋ nɛɛ nɔ gbɔmɔtso lɛ shĩa jiŋŋ, wɔyɛ tsu ko ni jɛ Nyɔŋmɔ ŋɔɔ, shĩa ko ni jeee niji akɛfee, ni hiɔ shi kɛyaa naanɔ yɛ ŋwɛi.

1 Timoteo 2:13

Ejaakɛ Adam tsutsu abɔ, no sɛɛ lɛ Hawa.

Hebribii 12:9

Asaŋ wɔyɛ heloo gbɛfaŋ tsɛmɛi ni tsɔseɔ wɔ, ni wɔbuɔ amɛ. Ani esaaa akɛ wɔba wɔhe shi fe nakai wɔhã mumɔi aTsɛ lɛ koni wɔyi ana wala?