1 Mose 2:4 - ŊMALƐ KRƆŊKRƆŊ LƐ

⁴ Ŋwɛi kɛ shikpɔŋbɔɔ he saji nɛ. Be ni Nuŋtsɔ Nyɔŋmɔ bɔ je lɛ,

Ṅmãle̱ Kroṅkroṅ Le̱

⁴ Ene̱mei dši ṅwei ke̱ šikpoṅ šišidšē he sãdši, beni abo̱ame̱ le̱, ye̱ gbĩ no̱ ni Iehowa Nyoṅmo̱ fe šikpoṅ ke̱ ṅwei le̱.

1 Mose 2:4 ပူးပေါင်းရင်းမြစ်များ

1 Mose 1:1

Shishijee mli lɛ Nyɔŋmɔ bɔ ŋwɛi kɛ shikpɔŋ.

1 Mose 1:28

Kɛkɛ ni Nyɔŋmɔ jɔɔ amɛ ni ekɛɛ amɛ akɛ, “Nyɛfɔa ni nyɛyi afa. Nyɛyea ŋshɔŋ loi kɛ ŋwɛi loofɔji kɛ nɔ fɛɛ nɔ ni hiɛ kã ni tsiɔ ehe yɛ shikpɔŋ lɛ nɔ lɛ anɔ.”

1 Mose 1:3

Ni Nyɔŋmɔ fã akɛ, “La aba.” Kɛkɛ ni la ba.

1 Mose 1:31

Kɛkɛ ni Nyɔŋmɔ kwɛ nibii ni efee lɛ fɛɛ, ni naa, ehi naakpa. Ni je na ni je tsɛre; ni no fee gbi ni ji ekpaa.

1 Mose 1:4

Ni Nyɔŋmɔ na akɛ la lɛ hi. Ni Nyɔŋmɔ gbala la lɛ kɛ duŋ lɛ mli.

1 Mose 10:1

Noa bihii ni ji Shem kɛ Ham kɛ Yafet ashwiei nɛ; amɛfɔ bihii yɛ nu afua lɛ sɛɛ.

1 Mose 11:10

Shem shwiei nɛ: Shem eye afii oha ni efɔ Arpakshad yɛ nu afua lɛ sɛɛ afii enyɔ.

1 Mose 2:3

Nyɔŋmɔ jɔɔ gbi ni ji kpawo lɛ ni efee lɛ krɔŋkrɔŋ, ejaakɛ no nɔ ejɔɔ ehe yɛ, be ni egbe ebɔɔ nitsumɔ ni etsu lɛ fɛɛ naa lɛ.

1 Mose 25:12

Mɛnɛɛmɛi ji Abraham bi Ishmael ni Ijiptyoo Hagar ni ji Sara weyoo lɛ kɛ Abraham fɔ lɛ shwiei.

1 Mose 25:19

Abraham bi Isak shwiei nɛ: Abraham fɔ Isak.

1 Mose 36:1

Esau ni atsɛɔ lɛ Edom lɛ shwiei nɛ:

1 Mose 36:9

Esau ni ji Edombii ablematsɛ lɛ, eshwiei nɛ:

1 Mose 5:1

Adam shwiei lɛ ahe sane nɛ. Gbi ni Nyɔŋmɔ bɔ Adam lɛ, Nyɔŋmɔ su nɔ ebɔ lɛ yɛ.

1 Maŋtsɛmɛi 18:39

Be ni maŋ lɛ fɛɛ na nɔ ni eba lɛ, amɛkɛ amɛhiɛiaŋ bumɔ shi, ni amɛbolɔ amɛkɛɛ, “Yehowa lɛ, lɛ ji Nyɔŋmɔ! Yehowa lɛ, lɛ ji Nyɔŋmɔ!”

2 Kronika 20:6

ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

Hiob 38:28

Ani nu ni nɛɔ yɛ tsɛ, loo namɔ ni fɔ bɔ́?

Hiob 38:4

Be ni mito je lɛ shishi lɛ, nɛgbɛ oyɔɔ? Kɛji ole he nɔ ko lɛ, kɛɛmɔ mi!

Lalai 18:31

Shi namɔ ji Nyɔŋmɔ kɛjɛ Yehowa sɛɛ? Ni namɔ ji wɔbobaahe yɛ wɔNyɔŋmɔ lɛ sɛɛ.

Lalai 86:10

Ejaakɛ oje agbo, ni ofeɔ naakpɛɛnii. Bo okoome pɛ ji Nyɔŋmɔ.

2 Mose 15:3

Yehowa, lɛ tawulɔ ni. Ani jeee egbɛi ji Yehowa?

2 Mose 6:16

Levi bihii nɛ: Gershon kɛ Kohat kɛ Merari yɛ amɛfɔmɔ naa. Levi ye afii oha kɛ nyɔŋmai etɛ̃ kɛ kpawo.

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 1:8

“Mi ji Alfa kɛ Omega lɛ, Nuŋtsɔ Nyɔŋmɔ lɛ ni ji mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ,” Nyɔŋmɔ Ofe lɛ kɛɛ.

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 16:5

Ni minu nui lɛ anɔ bɔfo lɛ miikɛɛ, “Jalɔ ji bo, bo ni oyɔɔ, ni oyɛ, ni oji Mɔ krɔŋkrɔŋ lɛ, akɛni okojo nɛkɛ nɛɛ.