1 Mose 2:1 - ŊMALƐ KRƆŊKRƆŊ LƐ

¹ Nɛkɛ ji bɔ ni agbe ŋwɛi kɛ shikpɔŋ kɛ amɛsafoi lɛ fɛɛ bɔɔ naa ahã.

Ṅmãle̱ Kroṅkroṅ Le̱

¹ Ni agbe ṅwei ke̱ šikpoṅ ke̱ ame̱safo le̱ fẽ nā.

1 Mose 2:1 ပူးပေါင်းရင်းမြစ်များ

1 Mose 1:1

Shishijee mli lɛ Nyɔŋmɔ bɔ ŋwɛi kɛ shikpɔŋ.

1 Mose 1:10

Nyɔŋmɔ tsɛ he ni egbi lɛ akɛ shikpɔŋ, ni nu ni ebua ehe naa lɛ etsɛ lɛ ŋshɔ; ni Nyɔŋmɔ na akɛ ehi.

1 Mose 2:4

Ŋwɛi kɛ shikpɔŋbɔɔ he saji nɛ. Be ni Nuŋtsɔ Nyɔŋmɔ bɔ je lɛ,

2 Maŋtsɛmɛi 19:15

Ni Hezekia yasɔle ekpa Yehowa fai akɛ, “Ao, Yehowa Israel Nyɔŋmɔ, bo mɔ ni oyeɔ lumɔ yɛ kerubim lɛ anɔ, bo okome too ji Nyɔŋmɔ yɛ shikpɔŋ lɛ nɔ maŋtsɛmɛi lɛ fɛɛ nɔ. Bo obɔ ŋwɛi kɛ shikpɔŋ.

2 Kronika 2:12

Ajie Yehowa, Israel Nyɔŋmɔ, lɛ ni bɔ ŋwɛi kɛ shikpɔŋ lɛ yi akɛ ehã Maŋtsɛ David bi nilelɔ kɛ hiɛshikãlɔ kɛ jwɛŋlɔ fɛɛ ni baama Sɔlemɔtsu ehã Yehowa, kɛ maŋtsɛ we hu ehã lɛ diɛŋtsɛ emaŋtsɛyeli lɛ.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Hiob 12:9

Te nibii nɛɛ ateŋ nɔ ni leee akɛ Yehowa nine ji nɔ ni bɔ lɛ lɛ?

Lalai 104:2

Oha la tamɔ ahaa mama, ni olɛɛ ŋwɛi mli oha shi tamɔ buu.

Lalai 146:6

Lɛ ebɔ ŋwɛi kɛ shikpɔŋ kɛ ŋshɔ kɛ nɔ fɛɛ nɔ ni yɔɔ mli lɛ; lɛ lɛ eyeɔ anɔkwa kɛyaa naanɔ.

Lalai 33:6

Yehowa wiemɔ naa abɔ ŋwɛi yɛ, ni ekɛɛmɔ naa abɔ hulu kɛ nyɔɔŋtsere kɛ ŋulamii fɛɛ yɛ.

Lalai 33:9

Ejaakɛ lɛ ewie ni eba mli; lɛ efã ni je lɛ ma shi shiŋŋ.

2 Mose 20:11

Ejaakɛ gbii ekpaa Yehowa kɛbɔ ŋwɛi kɛ shikpɔŋ kɛ ŋshɔ kɛ amɛmli nibii fɛɛ; ni gbi ni ji kpawo lɛ nɔ lɛ ejɔɔ ehe. No hewɔ ni Yehowa jɔɔ hejɔɔmɔ gbi lɛ, ni efee lɛ krɔŋkrɔŋ lɛ.

2 Mose 31:17

Mi kɛ Israelbii lɛ ateŋ okadi ji no kɛmiiya naanɔ; ejaakɛ gbii ekpaa, mi, Yehowa, mikɛbɔ ŋwɛi kɛ shikpɔŋ, ni gbi ni ji kpawo lɛ mijɔɔ mihe, ni miwo mitsui.’ ”

Yesaia 34:4

Hulu kɛ nyɔɔŋtsere kɛ ŋulamii aaasere, ni aaakota ŋwɛi tamɔ wolo. Amɛtabilɔi lɛ fɛɛ aaatswiatswia shi tamɔ baa kpalaa yɛ waintso nɔ loo agbãmitso nɔ lɛ.

Yesaia 42:5

Bɔ ni Nyɔŋmɔ mɔ ni ji Yehowa lɛ, mɔ ni bɔ ŋwɛi, ni ekpã mli, mɔ ni bɔ shikpɔŋ elɛɛ shi, kɛ nɔ fɛɛ nɔ ni yɔɔ nɔ, mɔ ni hãa mɛi ni yɔɔ shikpɔŋ lɛ nɔ mumɔ, kɛ mɛi ni nyiɛ nɔ lɛ wala lɛ kɛɛ nɛ,

Yesaia 45:12

Mi mibɔ shikpɔŋ lɛ, mi mibɔ gbɔmɔ mito nɔ. Mi mikɛ minine kpã ŋwɛi mli miha shi. Hulu, nyɔɔŋtsere kɛ ŋulamii, ŋwɛi nibii lɛ, mi mifamɔ naa ni amɛba.

Yesaia 45:18

Ejaakɛ bɔ ni Yehowa mɔ ni bɔ ŋwɛi lɛ, Nyɔŋmɔ mɔ ni shɔ̃ shikpɔŋ lɛ, ni ewaje lɛ ema shi shiŋŋ, ni ebɔɔɔ lɛ koni ekã shi efolo, shi ebɔ lɛ koni ahi nɔ lɛ kɛɛ nɛ, “Mi ji Yehowa, ni kɛjɛ mi, misɛɛ lɛ mɔ ko bɛ dɔŋŋ.”

Yesaia 48:13

Mi, minine to shikpɔŋ lɛ shishi, ni mi, mihewalɛ lɛɛ ŋwɛi mli ha shi. Kɛji mitsɛ amɛ lɛ amɛ fɛɛ blublu amɛbadamɔɔ mihiɛ.

Yesaia 55:9

Ejaakɛ bɔ ni ŋwɛi kwɔ fe shikpɔŋ lɛ, nakai migbɛi lɛ kwɔ fe nyɛgbɛi lɛ, ni mijwɛŋmɔ kwɔ fe nyɛjwɛŋmɔi lɛ.

Yesaia 65:17

Yehowa kɛɛ akɛ, “Naa, miibɔ ŋwɛi hee kɛ shikpɔŋ hee, ni akaiŋ tsuutsu nii lɛ dɔŋŋ, ni asaŋ ebaŋ gbɔmɔ jwɛŋmɔ mli dɔŋŋ.

Yeremia 10:12

Yehowa ji mɔ ni bɔ shikpɔŋ lɛ yɛ ehewalɛ naa, ni ebɔ je lɛ yɛ enilee naa, ni elɛɛ ŋwɛi mli eha nɔ yɛ eŋaa naa.

Yeremia 10:16

Yakob Nyɔŋmɔ lɛ tamɔɔɔ enɛɛmɛi, ejaakɛ lɛ ji mɔ ni bɔ nii fɛɛ; ni eŋɔ Israel ekɛfee lɛ diɛŋtsɛ emaŋ ni egbɛi ji Yehowa, Taiatsɛ.

Yeremia 8:2

Abaagbɛ wui nɛɛ amli aka hulu kɛ nyɔɔŋtsere kɛ ŋulamii, ni ji nibii ni amɛsumɔ ni amɛsɔ̃mɔ, ni no hewɔ lɛ, amɛyanyiɛ amɛsɛɛ ni amɛja amɛ lɛ. Abuaŋ amɛwui nɛɛ anaa, ni afuŋ hu; shi moŋ amɛbaatsɔ̃ tamɔ wamɔ yɛ tumo nɔ.

Zakaria 12:1

Wiemɔ ni Yehowa wie yɛ Israel he lɛ nɛ. Bɔ ni Yehowa mɔ ni bɔ ŋwɛi ni ha shi nɛɛ, ni bɔ shikpɔŋ lɛ, ni ebɔ mumɔ ni yɔɔ gbɔmɔ mli lɛ kɛɛ nɛ,

Luka 2:13

Ni trukaa lɛ ŋwɛi ta kpele bafata bɔfo lɛ he, ni amɛ jie Nyɔŋmɔ yi amɛkɛɛ,

Bɔfoi 4:24

Be ni amɛnu lɛ, amɛkɛ jwɛŋmɔ kome hole amɛgbei anɔ amɛhã Nyɔŋmɔ ni amɛkɛɛ, “Nuŋtsɔ, bo ni oji Nyɔŋmɔ ni fee ŋwɛi kɛ shikpɔŋ kɛ ŋshɔ kɛ nii fiaa ni yɔɔ amɛmli,

Bɔfoi 7:42

Shi Nyɔŋmɔ tsi ehe kɛjɛ amɛhe ni eŋmɛɛ amɛhe akɛ amɛja ŋwɛinii, tamɔ bɔ ni aŋma yɛ gbalɔi lɛ awolo lɛ mli akɛ, ‘Nyɛ Israel we, ani nyɛshã kooloi afɔle kɛ niyenii afɔle nyɛhã mi yɛ ŋa lɛ nɔ afii nyɔŋmai ejwɛ lɛ?

5 Mose 17:3

ni nii ni migu nyɛ lɛ, etee eyafee, tamɔ akɛ etee eyaja, ni esɔmɔ nyɔŋmɔi krokomɛi, loo hulu, loo nyɔɔŋtsere loo ŋulamii lɛ eko,

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Hebribii 4:3

Ejaakɛ wɔ mɛi ni wɔhe wɔye lɛ wɔmiibote nakai hejɔɔmɔ lɛ mli, tamɔ bɔ ni Nyɔŋmɔ kɛɛ, “No hã mikã kitã yɛ mimlifu lɛ mli akɛ, ‘Kɛ amɛbote mihejɔɔmɔ lɛ mli fii’ ” tsɛ agbe nitsumɔi lɛ anaa kɛjɛ jeŋ shishijee.