1 Mose 19:9 - ŊMALƐ KRƆŊKRƆŊ LƐ

⁹ Shi maŋbii lɛ here nɔ amɛkɛɛ akɛ, “Jee jɛi!” Kɛkɛ ni amɛtee nɔ amɛkɛɛ akɛ, “Gbɔmɔ nɛɛ bato wɔ gbɔ akɛ mɔkpɔŋ, ni eetao efee ehe kojolɔ! Agbɛnɛ wɔkɛ bo moŋ baaye sane fɔŋ fe ogbɔi lɛ.” Amɛbɔle Lot ni amɛtsi amɛba koni amɛbajwa shinaa lɛ.

Ṅmãle̱ Kroṅkroṅ Le̱

⁹ Ni ame̱kē̱: Dše dše̱i! Ni ame̱kē̱: Gbomo kome ne̱ ebatowo̱ gbo̱, ni ētao efe ehe kodšolo̱! Agbe̱ne̱ wo̱ke̱ bo moṅ baye sane fõṅ fèame̱! Ni *ame̱hĩe nū le̱ ni dši Lot le̱ sõisōi āhũ, ni ame̱tši ame̱ba šĩnā le̱ dſãramo̱. *2 Pet. 2,7. 8.

1 Mose 19:9 ပူးပေါင်းရင်းမြစ်များ

1 Mose 11:6

Yehowa kɛɛ akɛ, “Kwɛ, gbɔmɛi kome ni, ni amɛ fɛɛ amɛwieɔ wiemɔ kome, ni nɔ ni amɛaafee wɔsɛɛ ko lɛ, eshishijee kɛkɛ po nɛ, etsɛŋ kwraa ni amɛaafee nɔ ni amɛ diɛŋtsɛ amɛsumɔɔ.

1 Mose 13:12

Abram hi Kanaan shikpɔŋ lɛ nɔ, ni Lot hi maji ni yɔɔ Yordan jɔɔ lɛ mli lɛ amli. Lot shi ebuu lɛ shii abɔ kɛyashi be ni eyashɛ Sodom.

2 Mose 2:14

Mɔ ni eye sane fɔŋ lɛ hã Mose hetoo akɛ, “Namɔ wo bo wɔnɔ lumɔ kɛ kojolɔ? Gbe otaoɔ ni ogbe mi tamɔ ogbe Ijiptnyo lɛ?” Kɛkɛ ni Mose tsui fã, ni ekɛɛ, “Ei, ana ale sane nɛɛ!”

Abe̱i 14:16

Nilelɔ sheɔ ehe gbeyei, ni ewiɔ ehe kɛjeɔ efɔŋ he; shi kwashia feɔ kakampu ni efeɔ anyagbã.

Abe̱i 17:12

Ehi akɛ gbɔmɔ kɛ oshishibrishi yoo ni amɔ ebi akpe, fe nɔ ni ekɛ kwashia moŋ aaakpe yɛ ebuulufeemɔ mli.

Abe̱i 27:3

Tɛ tsii, ni shia hu, jatsu kɛ tsiimɔ ni; shi buulu mlifu tsii fe nibii enyɔ nɛɛ fɛɛ.

Jajelɔ 10:13

Ejeɔ ewiemɔ shishi kɛ kwashiai awiemɔi, ni egbeɔ naa kɛ sɛkɛyelɔi awiemɔ.

Jajelɔ 9:3

Nɔ ko ni ejaaa yɛ nii fɛɛ ni afeɔ yɛ je nɛɛŋ ji akɛ mɛi fɛɛ anaagbee afee ekome. Gbɔmɛi atsuiiaŋ eyimɔ obɔ̃bɔ̃ kɛ efɔŋ kɛ sɛkɛyeli nifeemɔi, beiaŋ ni amɛyɔɔ walaŋ, shi no sɛɛ lɛ amɛgboiɔ, ni amɛyaa gbohiiaje.

Yesaia 65:5

Amɛkɛɔ akɛ, ‘Tsi ohe kɛya sɛɛ. Kaabɛŋkɛ mi ejaakɛ mihe tse fe bo.’ Mɛnɛɛmɛi lɛ amɛsukɔɔ mi, amɛtamɔ la ni tsoɔ gbi muu fɛɛ.

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yeremia 6:15

Kɛji amɛfee nihiinii lɛ, ani amɛhiɛ gboɔ he? Dabida, amɛhiɛ gbooo he ekome folo nɛkɛ; amɛhiɛgbele tɔ ejwa. No hewɔ lɛ, be mli ni mibagbala miwebii lɛ atoi lɛ, amɛbaafata mɛi ni baanyɔnyɔi lɛ ahe. No baafee amɛnaagbee. Mi, Yehowa, mikɛɛ.”

Yeremia 8:12

Ani kɛji amɛfee musubɔɔnii lɛ, efeɔ amɛ hiɛgbele? Dabida! Efeee amɛ hiɛgbele kome folo nɛkɛ, ejaakɛ amɛhiɛgbele tɔ ejwa. Be mli ni mibagbala amɛtoi lɛ, abaabutu amɛ, ni amɛbaafata mɛi ni baanyɔnyɔi lɛ ahe. Mi, Yehowa, mikɛɛ.”

Ezekiel 16:49

Naa, efɔŋ ni onyɛmi yoo ni ji Sodom fee lɛ ji akɛ ekɛ ebiyei lɛ woɔ amɛhe, ejaakɛ amɛyɛ ŋmãa babaoo ni amɛyɛ toiŋjɔlɛ hu, shi amɛyeee amɛbuaaa ohiafoi kɛ mɛi ni efi amɛ.

Mateo 7:6

Nyɛkɛ nɔ ni yɔɔ krɔŋkrɔŋ lɛ akahãa shifɔji; asaŋ nyɛkashɛrɛa nyɛdiagbai nyɛshwiea kplotoi ahiɛ, ni amɛbanaana nɔ yɛ amɛnajiashi, ni amɛtsɔ̃mɔ amɛhe amɛbatserɛ nyɛ.”

1 Samuel 17:44

ekɛɛ David akɛ, “Ba! Bo lɛ shɛ biɛ; mikɛ oloo baahã loofɔji kɛ ŋaŋ kooloi ni amɛye.”

1 Samuel 2:16

Kɛji mɔ ni shãa afɔle lɛ kɛɛ tsulɔ lɛ akɛ, “Mɛɛ koni ashã fɔ lɛ dã; no sɛɛ koni ojie loo lɛ bɔ fɛɛ bɔ ni osumɔɔ” lɛ, tsulɔ lɛ toɔ he akɛ, “Dabida, jiemɔ loo lɛ ohã nɔŋŋ, kɛjeee nakai lɛ mi diɛŋtsɛ majie loo lɛ ekãa naa.”

1 Samuel 25:17

No hewɔ lɛ, ofainɛ, ni osusu sane nɛɛ he, ni okwɛ bɔ ni obaafee, ejaakɛ ashwã wɔnuŋtsɔ kɛ ewe lɛ fɛɛ ayinɔ. Tamɔ bɔ ni ole lɛ, wɔnuŋtsɔ feɔ gbɔmɔ fɔŋ bɔ ni ehiii lɛ sane kɛɛmɔ.”