1 Mose 19:16 - ŊMALƐ KRƆŊKRƆŊ LƐ

¹⁶ Lot shashao shi, shi Yehowa na lɛ mɔbɔ. No hewɔ lɛ, hii lɛ mɔmɔ lɛ kɛ eŋa kɛ ebiyei enyɔ lɛ aniji ashi, ni akɛ amɛ je kpo kɛje maŋ lɛ mli.

Ṅmãle̱ Kroṅkroṅ Le̱

¹⁶ Ni beni elilaä ši le̱, hĩĩ le̱ mõmo̱le̱ ke̱ eṅã ke̱ ebiyei enyo̱ le̱ anidši aši, edšake̱ Iehowa mībā eyi, ni ame̱ke̱le̱ dše kpo, ni ame̱bašĩle̱ ye̱ mã le̱ agbó le̱ nā.

1 Mose 19:16 ပူးပေါင်းရင်းမြစ်များ

1 Mose 19:15

Be ni je tsɛre lɛ, bɔfoi lɛ tsirɛ Lot yisɛɛ ni amɛkɛɛ akɛ, “Tee shi, ŋɔɔ oŋa kɛ obiyei enyɔ ni yɔɔ biɛ lɛ koni akakpãtã ohiɛ afata maŋbii lɛ ahe.”

1 Mose 43:10

ejaakɛ kɛjeee shi wɔshashao lɛ kulɛ benɛ wɔtee Ijipt wɔba shii enyɔ momo.”

1 Kronika 16:34

Nyɛdaa Yehowa shi ejaakɛ ehi; ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 103:13

Bɔ ni tsɛ musuŋ tsɔ̃ɔ lɛ yɛ ebii ahe lɛ, nakai Yehowa musuŋ tsɔ̃ɔ lɛ yɛ ebii ni sheɔ lɛ gbeyei lɛ ahe.

Lalai 106:1

Nyɛjiea Yehowa yi! Nyɛdaa Yehowa shi, ejaakɛ ehi, ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 106:8

Shi kɛ̃lɛ ehere amɛyiwala yɛ egbɛi lɛ hewɔ; koni ehã ale ehewalɛ kpeteŋkple lɛ.

Lalai 107:1

Nyɛdaa Yehowa shi, ejaakɛ ehi ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 111:4

Ehãa akaiɔ enaakpɛɛ nitsumɔi lɛ. Durolɔ kɛ mɔbɔnalɔ ji Yehowa.

Lalai 118:1

Oo, nyɛdaaa Yehowa shi, ejaakɛ ehi, ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 119:60

Mihe feɔ oya koni maye okitãi lɛ anɔ, ni mishashaooo shi.

Lalai 136:1

Oo, nyɛdaa Yehowa shi, ejaakɛ ehi; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 32:10

Piŋmɔi babaoo yɛ hã mɔ fɔŋ lɛ; shi mɔ ni hiɛ kã Yehowa nɔ lɛ, suɔmɔ ni sɛɛ efooo ebɔle ehe kɛkpe.

Lalai 33:18

Yehowa hiŋmɛii yɛ mɛi ni sheɔ lɛ gbeyei ni amɛhiɛ kã esuɔmɔ ni sɛɛ efooo lɛ nɔ lɛ ahe.

Lalai 33:19

Yehowa aaajie amɛ kɛaaje gbele mli, ni eeehã amɛyi ana wala yɛ hɔmɔ be mli.

Lalai 34:12

Namɔ taoɔ akɛ eyi ana wala? Namɔ sumɔɔ akɛ etsɛ yɛ jeŋ ni ena nɔ kpakpa?

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

2 Mose 34:6

Yehowa batsɔ̃ Mose hiɛ kɛho, ni etsɛ ehe ekɛɛ, “Yehowa, Yehowa, Nyɔŋmɔ musuŋtsɔlɔ kɛ durolɔ lɛ, mɔ ni toɔ etsui shi, ni emli eyi kɛ suɔmɔ kɛ anɔkwale babaoo lɛ,

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Luka 18:13

Shi toohelɔ lɛ damɔ sɛɛ shɔŋŋ, ni emiii ni ewoɔ ehiɛ nɔ kɛya ŋwɛi tete; shi moŋ eshimɔ etsitsi ni ekɛɛ, ‘Nyɔŋmɔ, okɛ mi ni ji eshafeelɔ lɛ akpãtã!’

Yohane 6:44

Mɔ ko nyɛŋ aba miŋɔɔ, akɛ ja Tsɛ lɛ ni tsu mi lɛ gbala lɛ dã, ni mi lɛ matee lɛ shi yɛ naagbee gbi lɛ nɔ.

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

2 Korintobii 1:3

Ajɔɔ Nyɔŋmɔ, wɔNuŋtsɔ Yesu Kristo Tsɛ lɛ, mɔ ni ji musuŋtsɔlɛtsɛ kɛ miishɛjemɔ fɛɛ Nyɔŋmɔ lɛ.

5 Mose 4:31

ejaakɛ Yehowa, nyɛNyɔŋmɔ lɛ, musuŋtsɔlɔ ji lɛ; ekwaŋ nyɛ, ni asaŋ ekpãtãŋ nyɛhiɛ; ni ehiɛ kpaŋ kpãŋmɔ ni ekɛ nyɛtsɛmɛi lɛ kpãŋ lɛ nɔ, nɔ ni ekã he kitã ehã amɛ lɛ.

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.

5 Mose 6:21

no lɛ nyɛkɛa nyɛbii lɛ akɛ, ‘Sa ko lɛ Ijipt maŋtsɛ ye wɔ nyɔŋ yɛ Ijipt shikpɔŋ lɛ nɔ, ni Yehowa kɛ nineshiwalɛ bajie wɔ kɛje Ijipt.

5 Mose 7:8

Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Yoshua 6:22

Yoshua kɛɛ hii enyɔ lɛ ni etsu kɛtee amɛyasara shikpɔŋ lɛ nɔ lɛ akɛ, “Nyɛyaa yoo ajwamãŋ lɛ shĩa lɛ koni nyɛyaŋɔa lɛ kɛ ehe gbɔmɛi fɛɛ ni yɔɔ eŋɔ̃ɔ kɛjea kpo tamɔ bɔ ni nyɛkã lɛ kitã lɛ.”

2 Petro 2:7

ni kɛji ejie Lot, jalɔ, mɔ ni hao yɛ nɔtɔ̃lɔi lɛ anyɛnyɛntswibɔɔ jeŋba lɛ he lɛ, yɛ mli

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;