1 Mose 18:9 - ŊMALƐ KRƆŊKRƆŊ LƐ

⁹ Ni amɛbi lɛ akɛ, “Nɛgbɛ oŋa Sara yɔɔ?” Ni eto he ekɛɛ akɛ, “Eyɛ buu lɛ mli.”

Ṅmãle̱ Kroṅkroṅ Le̱

⁹ Ni ame̱kē̱le̱ ake̱: Nẽgbe̱ oṅã Sara yo̱? Ni ekē̱: Na, eye̱ bū le̱ mli.

1 Mose 18:9 ပူးပေါင်းရင်းမြစ်များ

1 Mose 18:10

Amɛteŋ mɔ kome kɛɛ akɛ, “Bɔ fɛɛ bɔ ni fee lɛ maku misɛɛ maba oŋɔɔ wɔsɛɛ afi benɛ mli ni be ni maba lɛ oŋa Sara ena binuu.” Sara damɔ buu lɛ mli gbɛ yɛ shinaa lɛ shi yɛ Abraham sɛɛgbɛ eebo toi.

1 Mose 18:8

Kɛkɛ ni Abraham wo butru kɛ fufɔ kɛ tsinabi loo ni akɛfee niyenii lɛ ni ekɛbamamɔ gbɔi lɛ ahiɛ, ni edamɔ amɛhiɛ esɔ̃mɔ amɛ yɛ tso lɛ shishi ni amɛye nii lɛ.

1 Mose 24:67

Kɛkɛ ni Isak kɛ Rebeka ba buu ni enyɛ Sara hi mli lɛ mli. Isak ŋɔ Rebeka ni ebatsɔ eŋa ni esumɔ lɛ; no hewɔ lɛ, Rebeka shɛje Isak mii yɛ enyɛ gbele lɛ sɛɛ.

1 Mose 3:9

Shi Nuŋtsɔ Nyɔŋmɔ tsɛ Adam ni ebi lɛ akɛ, “Nɛgbɛ oyɔɔ?”

1 Mose 31:33

Kɛkɛ ni Laban bote Yakob buu lɛ mli kɛ Lea buu lɛ mli kɛ weyei enyɔ lɛ hu abuu lɛ mli, shi enaaa ewɔŋ lɛ. Ni eje kpo yɛ Lea buu lɛ mli, ni ebote Rahel nɔ lɛ mli.

1 Mose 4:9

Kɛkɛ ni Yehowa bi Kain akɛ, “Nɛgbɛ onyɛmi Habel yɔɔ?” Kain to he akɛ, “Mileee; ani minyɛmi lɛ, enɔkwɛlɔ ji mi lo?”

Tito 2:5

amɛjwɛŋmɔ akã shi, amɛhe atse, amɛtsu amɛshĩa nii jogbaŋŋ, amɛmli ahi, amɛba amɛhe shi amɛhã amɛ diɛŋtsɛ amɛwumɛi, koni akawie Nyɔŋmɔ wiemɔ lɛ he musubɔɔ wiemɔ.

Hebribii 11:9

Hemɔkɛyeli ekɛyahi shiwoo shikpɔŋ lɛ nɔ akɛ gbɔ, ni ekɛ Isak kɛ Yakob ni ekɛ amɛ ji nakai shiwoo lɛ nɔŋŋ yelɔi lɛ hi bui amli;