1 Mose 18:5 - ŊMALƐ KRƆŊKRƆŊ LƐ

⁵ koni mayakɔ aboloo atrɔma kome kɛba ni nyɛkɛwo nyɛdaaŋ. No sɛɛ koni nyɛfoŋ kɛya, akɛni nyɛbatsɔ̃ otsulɔ ŋɔɔ nɛɛ.” Amɛkɛɛ lɛ akɛ, “Feemɔ bɔ ni okɛɛ lɛ.”

Ṅmãle̱ Kroṅkroṅ Le̱

⁵ ni mayako̱ abolo atrõma kome ke̱-ba, ní nyeke̱-wo nyetšui, ni no se̱ koni nyefoṅ ke̱-ya; ši nohewo̱ nyebatšṍ nyetšũlo̱ ṅõ ne̱. Ni ame̱kē̱: Femo̱ bo̱ni okē̱ le̱.

1 Mose 18:5 ပူးပေါင်းရင်းမြစ်များ

1 Mose 18:6

Kɛkɛ ni Abraham yiŋ kɛtee Sara ŋɔɔ oya mli yɛ buu lɛ mli, ni ekɛɛ, “Feemɔ mramra, tii mã kiloi etɛ̃ koni okpɔtɔ ni okɛshã aboloo.”

1 Mose 19:8

Miyɛ biyei enyɔ ni nako ale nuu; nyɛhãa mikɛ amɛ ajea kpo abahã nyɛ, ni nyɛfea amɛ nɔ ni nyɛsumɔɔ; shi nɛkɛ hii nɛɛ lɛ nyɛkafea amɛ nɔ ko, ejaakɛ no hewɔ ni amɛba amɛbaba mi abo lɛ.”

1 Mose 33:10

Shi Yakob kɛɛ, “Dabida; miikpa bo fai, kɛji mina hiɛ yɛ ohiɛ lɛ, no lɛ hemɔ midɛŋ nikeenii lɛ; ejaakɛ ohiɛ ni mina nɛɛ lɛ etamɔ nɔ ni mina Nyɔŋmɔ hiɛ pɛ, ni ohere mi atuu hu.

1 Maŋtsɛmɛi 17:11

Be ni yoo lɛ yaa koni eyayɛ nu lɛ, Elia tsɛ eyisɛɛ, ni ekɛɛ lɛ akɛ, “Ofainɛ ni oŋɔ aboloo atrɔma ko ohiɛ odɛ̃ obahã mi.”

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

Yesaia 3:1

Naa, Nuŋtsɔ Yehowa, Taiatsɛ lɛ, baajie mɔ fɛɛ mɔ kɛ nɔ fɛɛ nɔ ni Yerusalɛm kɛ Yuda kpasa akɛ sɛɛtso lɛ kɛya. Ebaajie amɛdaaŋ ŋmãa, ni ebaahã amɛye nuhɔmɔ.

Mateo 6:11

Hã wɔ ŋmɛnɛ wɔdaaŋmaa;

Kojolɔi 13:15

Manoa kɛɛ Yehowa bɔfo lɛ akɛ, “Ofainɛ, hã wɔtsi onaa fioo, ni wɔkɛ too abotiabi afee niyenii ahã bo.”

Kojolɔi 13:16

Shi Yehowa bɔfo lɛ kɛɛ Manoa akɛ, “Kɛji otsi minaa tete po, miyeŋ niyenii lɛ eko; shi kɛji shãa afɔle obaashã lɛ, no lɛ shãa ohã Yehowa.” Manoa leee akɛ Yehowa bɔfo ni.

Kojolɔi 19:5

Gbi ni ji ejwɛ lɛ nɔ lɛ, amɛte shi leebi maŋkpa, ni Levinyo lɛ miitao eyi mli, kɛkɛ ni eshaanuu lɛ kɛɛ lɛ akɛ, “Okɛ aboloo atrɔma kome ko asa onaa koni no sɛɛ dani nyɛyi mli.”

Kojolɔi 6:18

Ofainɛ, kaaje biɛ kɛyashi be ni maba mikɛ nikeenii aaabama ohiɛ.” Yehowa to he akɛ; “Mahi shi kɛyashi be ni oooku osɛɛ oba.”

Kojolɔi 6:19

No hewɔ lɛ, Gideon tee ni eyasaa abotiabi. Ekɛ ma kiloi nyɔŋma fee akpiti. Ekɛ loo lɛ wo kafu mli ni ekɛ ehe nu lɛ wo kukwɛi mli. Ekɛ je kpo kɛba bɔfo lɛ ŋɔɔ yɛ tso lɛ shishi, ni ekɛbama ehiɛ.