1 Mose 18:32 - ŊMALƐ KRƆŊKRƆŊ LƐ

³² Abraham kɛɛ akɛ, “Ao, Nuŋtsɔ mli akawo la kɛji mawie shi kome nɛɛ pɛ kɛkɛ. Ekolɛ aaana mɛi nyɔŋma yɛ jɛi.” Nyɔŋmɔ kɛɛ akɛ, “Mikpãtãŋ maŋ lɛ hiɛ yɛ mɛi nyɔŋma lɛ ahewɔ.”

Ṅmãle̱ Kroṅkroṅ Le̱

³² Ni ekē̱: Nuṅtšo̱ mli akawo la, ni mawie šikome ne̱ pe̱; ekole̱ aana mei nyoṅma ye̱ dše̱i. Ni ekē̱: Mikpãtãṅ maṅ le̱ hĩe ye̱ mei nyoṅma le̱ hewo̱!

1 Mose 18:32 ပူးပေါင်းရင်းမြစ်များ

1 Mose 18:30

Abraham wie ekoŋŋ akɛ, “Nuŋtsɔ mli akawo la akɛ mawie. Ekolɛ aaana gbɔmɛi nyɔŋmai etɛ̃ yɛ jɛi.” Nyɔŋmɔ kɛɛ akɛ, “Kɛji mina mɛi nyɔŋmai etɛ̃ yɛ jɛi lɛ, mikpãtãŋ maŋ lɛ hiɛ.”

1 Mose 18:31

Abraham kɛɛ akɛ, “Miŋɔ mifɔ̃ minɔ akɛ mikɛ Nuŋtsɔ lɛ aaawie. Ekolɛ aaana mɛi nyɔŋmai enyɔ yɛ jɛi.” Nyɔŋmɔ kɛɛ akɛ, “Mikpãtãŋ maŋ lɛ hiɛ yɛ mɛi nyɔŋmai enyɔ lɛ ahewɔ.”

1 Mose 44:18

Kɛkɛ ni Yuda tsi ebɛŋkɛ Yosef ni ekɛɛ, “Ofainɛ, minuŋtsɔ, hã otsulɔ awie nɔ kome pɛ, ni minuŋtsɔ abo mi toi ni kaahã omli wo otsulɔ la ejaakɛ otamɔ Farao diɛŋtsɛ nɔŋŋ.

Hiob 33:23

Kɛji ena bɔfoi akpe lɛ ateŋ eko damɔ mli hã lɛ, ni etsɔ̃ɔ gbɔmɔ nɔ ni hi hã lɛ,

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

2 Mose 32:14

Kɛkɛ ni Yehowa kɛ efɔŋ ni kulɛ eto akɛ ebaafee Israelbii lɛ fa amɛ.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Yesaia 65:8

Bɔ ni Yehowa saa ekɛɛ nɛ, “Bɔ ni anaa yɛ wainyibii amli, ni no hewɔ lɛ, akɛɔ akɛ, ‘Akafite lɛ, ejaakɛ abaana ehe sɛɛ’ lɛ, nakai mafee yɛ mitsuji lɛ ahewɔ; mikpãtãŋ amɛ fɛɛ amɛhiɛ.

Yeremia 5:1

Nyɛjoa foi kɛyaa kɛbaa yɛ Yerusalɛm gbɛjegbɛi lɛ anɔ, koni nyɛkadi nɔ ni nyɛbaana. Nyɛtaoa yɛ Yerusalɛm blohuiaŋ akɛ nyɛaana mɔ ko ni eyeɔ jalɛ sane ni taoɔ akɛ eye anɔkwa lo? Kɛji nyɛaana lɛ, no lɛ mikɛ Yerusalɛm he aaafa lɛ.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Mateo 7:7

“Nyɛbia, ni aaahã nyɛ; nyɛtaoa, ni nyɛaana; nyɛshia, ni aaagbele ahã nyɛ.

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,

Kojolɔi 6:39

Kɛkɛ ni Gideon kɛɛ Nyɔŋmɔ akɛ, “Omli akafu mi; mawie shi kome nɛɛ pɛ. Miikpa bo fai, hã maka shi kome hu makwɛ: hã wolo lɛ kɛkɛ agbi, shi bɔ anyɔ shikpɔŋ lɛ nɔ fɛɛ.”