1 Mose 18:25 - ŊMALƐ KRƆŊKRƆŊ LƐ

²⁵ Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

Ṅmãle̱ Kroṅkroṅ Le̱

²⁵ Ene̱ akagbaleo ake̱ ooye ne̱ke̱ sane, ni ogbe dšalo̱ ke̱ gbomo fõṅ šikome, ní dšalo̱ atšṍ tamo̱ gbomo fõṅ! Ene̱ akagboleo! Ani šikpoṅ fẽ no̱ kodšolo̱ le̱ ekodšoṅ dšale̱ kodšomo̱?

1 Mose 18:25 ပူးပေါင်းရင်းမြစ်များ

1 Mose 18:24

Ekolɛ benɛ jalɔi nyɔŋmai enumɔ aaahi maŋ lɛ mli. Ani kɛji nakai lɛ, oookpãtã maŋ lɛ hiɛ, ni okɛfaŋ maŋ lɛ yɛ jalɔi nyɔŋmai enumɔ ni yɔɔ mli lɛ ahewɔ?

1 Kronika 16:33

Kooŋ tsei aaala kɛ nyamɔ yɛ Yehowa hiɛ, be mli ni ebaa ebaye shikpɔŋ lɛ nɔ lɛ.

2 Kronika 19:7

No hewɔ lɛ, nyɛhãa Yehowa hegbeyeishemɔ ahia nyɛmli; nyɛkwɛa nyɛnifeemɔnii jogbaŋŋ ejaakɛ Yehowa, wɔNyɔŋmɔ lɛ, miihi kutumpɔoyeli kɛ hiɛiaŋkwɛmɔ kɛ nyɔɔŋnihemɔ.”

Nehemia 9:33

Shi bo lɛ, saji ni eba wɔnɔ nɛɛ fɛɛ mli lɛ, onɔ ja, ejaakɛ bo lɛ oye anɔkwa, shi wɔ lɛ wɔfee efɔŋ.

Hiob 34:10

No hewɔ lɛ, nyɛ mɛi ni nyɛyɔɔ jwɛŋmɔ lɛ, nyɛboa mi toi. Enɛ akagbale Nyɔŋmɔ fɔɔŋfɔ akɛ eeefee nɔ fɔŋ, aloo Ofe lɛ, eeefee nɔ ko ni ejaaa hu.

Hiob 34:12

Anɔkwa, Nyɔŋmɔ yeee toikɔdɔmɔ sane; ni Ofe lɛ tsɔ̃ɔɔ sane hiɛ ebuuu shi.

Hiob 8:20

“Naa, Nyɔŋmɔ kwaaa mɔ ni tɔ̃mɔ ko bɛ ehe; ni asaŋ etooo he nine ehãaa efɔŋfeelɔi.

Hiob 8:3

Ani Nyɔŋmɔ tsɔ̃ɔ jalɛ hiɛ ebuɔ shi? Aloo Ofe lɛ kɔdɔ̃ɔ etoi eyeɔ sane?

Lalai 50:6

Ŋwɛi tete jajeɔ ejalɛ lɛ, ejaakɛ Nyɔŋmɔ diɛŋtsɛ ji kojolɔ lɛ.

Lalai 58:11

Mɛi aaakɛɛ akɛ, “Lɛɛlɛŋ akɛ nyɔmɔwoo ko yɛ hã jalɔ; lɛɛlɛŋ akɛ Nyɔŋmɔ ko yɛ ni kojoɔ yɛ shikpɔŋ lɛ nɔ.”

Lalai 7:12

Kɛji gbɔmɔ tsakeee etsui lɛ, Nyɔŋmɔ ejɔ eklante naa; ni edɔ egãi lɛ mli ni eta.

Lalai 75:3

Kɛji je lɛ hoso kɛ enɔ bɔɔnii fɛɛ lɛ, mi, mihiɛ ekulashii lɛ amli kpɛŋŋ.”

Lalai 94:2

Oo je lɛ kojolɔ, wo ohe nɔ, koni owo hewolɔi lɛ nyɔmɔ bɔ ni sa amɛ.

Lalai 98:9

ejaakɛ eeba ebaye je lɛ nɔ maŋtsɛ. Ebaakojo je lɛ yɛ jalɛ naa, ni ebaakojo gbɔmɛi bɔ ni sa pɛ.

Jajelɔ 3:17

Mikɛɛ mihe akɛ, “Nyɔŋmɔ baakojo jalɔ lɛ kɛ mɔ fɔŋ lɛ fɛɛ, ejaakɛ eto be ehã sane fɛɛ sane kɛ nitsumɔ fɛɛ nitsumɔ.”

Jajelɔ 7:15

Mina mihiɛ nii yɛ yaka je nɛɛ mli. Jalɔ gboɔ yɛ ejalɛ nifeemɔ mli, ni gbɔmɔ fɔŋ lɛ moŋ wala sɛɛ tsɛɔ yɛ efɔŋ ni efeɔ mli.

Yeremia 11:20

Kɛkɛ ni misɔle nɛkɛ, “Ao! Yehowa, Taiatsɛ, bo ni okojoɔ yɛ jalɛ naa, bo ni okaa gbɔmɔ susumɔ kɛ etsui fɛɛ okwɛɔ, hã mana owele ni obaatɔ yɛ gbɔmɛi nɛɛ anɔ lɛ; ejaakɛ bo odɛ̃ŋ mitu misane lɛ fɛɛ miwo.”

Yeremia 12:1

Yehowa, kɛji mi kɛ bo taa naa tete lɛ onɔ jaa; kɛ̃lɛ mikɛ mi sane nɛɛ miifɔ̃ ohiɛ. Mɛni hewɔ mɛi fɔ̃ji agbɛ jaa hãa amɛ, ni kutumpɔfoi shwereɔ lɛ?

Ezekiel 18:25

“Kɛ̃lɛ nyɛkɛɔ akɛ Nuŋtsɔ lɛ yeee jalɛ sane. Ao, nyɛ Israelbii, nyɛboa toi ko! Ani mi, miyeee jalɛ sane? Ani jeee nyɛ moŋ ni nyɛyeee jalɛ sane?

Maleaki 3:18

No dani nyɛbaana ekoŋŋ nɔ srɔto ni yɔɔ jalɔ kɛ efɔŋfeelɔ teŋ, kɛ srɔto ni yɔɔ mɔ ni sɔ̃mɔɔ Nyɔŋmɔ kɛ mɔ ni sɔ̃mɔɔɔ Nyɔŋmɔ teŋ.”

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

2 Korintobii 5:10

Ejaakɛ ja wɔ fɛɛ wɔpue faŋŋ yɛ Kristo kojomɔ sɛi lɛ hiɛ, koni mɔ fɛɛ mɔ ana nii ni efee yɛ gbɔmɔtso mli lɛ he nyɔmɔwobɔɔ ni efee lɛ, ekpakpa jio, efɔŋ jio.

5 Mose 1:16

“Miwo nyɛkojolɔi lɛ kitã nakai be lɛ mli, ni mikɛɛ amɛ akɛ, ‘Nyɛkuraa saji ni aaaba nyɛnyɛmimɛi lɛ ateŋ lɛ ni nyɛkojoa mɔ kɛ enyɛmi teŋ loo maŋnyo kɛ gbɔ teŋ sane yɛ jalɛ naa.

5 Mose 1:17

Nyɛkakwɛa hiɛiaŋ nyɛkɛkojoa; nyɛboa mɔ bibioo kɛ mɔ wulu fɛɛ toi pɛpɛɛpɛ, ni nyɛkashea gbɔmɔ hiɛ sanekɛɛmɔ gbeyei, ejaakɛ Nyɔŋmɔ ji mɔ ni baakudɔ nyɛ kɛkojo. Shi sane ni mli wa tsɔ̃ hã nyɛ lɛ, nyɛkɛbahãa mi koni maye.’

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Hebribii 12:23

kɛ kromɔbii ni aŋma amɛgbɛii yɛ ŋwɛi lɛ asafo lɛ he nyɛba. Kɛ Nyɔŋmɔ ni ji mɛi fɛɛ akojolɔ lɛ, kɛ jalɔi ni ehi kɛwula shi lɛ amumɔi lɛ,

Kojolɔi 11:27

No hewɔ lɛ, mifeko bo efɔŋ ko; shi bo moŋ ni ofeɔ mi efɔŋ akɛ ofã ta kɛba minɔ. Yehowa ni ji kojolɔ lɛ akojo Israelbii kɛ Amonbii ateŋ sane ŋmɛnɛ gbi nɛɛ.”