1 Mose 18:14 - ŊMALƐ KRƆŊKRƆŊ LƐ

¹⁴ Ani nɔ ko wa hã Yehowa lo? Be ni mito lɛ maba oŋɔɔ ekoŋŋ afi naakplɔ benɛ, ni Sara aaana binuu!”

Ṅmãle̱ Kroṅkroṅ Le̱

¹⁴ *Ani sane ko wa hã Iehowa? Be ni mito le̱ mli le̱ maba oṅõ eko̱ṅ afi nākplo̱ bene̱, ni Sara aaná binū! *Luk. 1,37.

1 Mose 18:14 ပူးပေါင်းရင်းမြစ်များ

1 Mose 17:16

Majɔɔ lɛ ni asaŋ mahã okɛ lɛ afɔ binuu. Majɔɔ lɛ, ni eeetsɔ̃ maji anyɛ, ni maji anɔ maŋtsɛmɛi aaajɛ emli.”

1 Mose 17:21

Shi mikpãŋmɔ lɛ, Isak mɔ ni Sara kɛ bo aaafɔ biɛ afi naakplɔ lɛ, lɛ mikɛaakpãŋ.”

1 Mose 18:10

Amɛteŋ mɔ kome kɛɛ akɛ, “Bɔ fɛɛ bɔ ni fee lɛ maku misɛɛ maba oŋɔɔ wɔsɛɛ afi benɛ mli ni be ni maba lɛ oŋa Sara ena binuu.” Sara damɔ buu lɛ mli gbɛ yɛ shinaa lɛ shi yɛ Abraham sɛɛgbɛ eebo toi.

1 Mose 18:13

Yehowa bi Abraham akɛ, “Mɛni hewɔ ni Sara ŋmɔ, ni ekɛɛ akɛ, ‘Aso lɛɛlɛŋ akɛ mi ni mitsɔ yoomo nɛɛ mana bi mafɔ lo?’ lɛ.

1 Mose 18:15

Shi Sara tso ni ekɛɛ, “Miŋmɔko,” ejaakɛ eeeshe gbeyei. Shi Nuŋtsɔ lɛ kɛɛ, “Dabida, oŋmɔ.”

1 Mose 21:1

Yehowa baduro Sara tamɔ bɔ ni ewo shi lɛ ni Yehowa fee nɔ ni ewo shi eto lɛ ehã lɛ.

1 Mose 21:2

Be ni Nyɔŋmɔ to hã Sara lɛ shɛ, ni Sara na musu ni ekɛ Abraham fɔ binuu yɛ egbɔlɛ mli.

2 Maŋtsɛmɛi 4:16

Elisha kɛɛ yoo lɛ akɛ, “Wɔsɛɛ afi naakplɔ benɛ lɛ, ooohiɛ binuu yɛ okpɔkɔiaŋ.” Yoo lɛ kɛɛ Elisha akɛ, “Dabida minuŋtsɔ, Nyɔŋmɔ gbɔmɔ ji bo, kaalaka mi.”

Hiob 36:5

Naa, Nyɔŋmɔ je agbo, ni enyaŋeee mɔ ko mɔ ko; eniiashishinumɔ naa wa jogbaŋŋ.

Hiob 42:2

“Yehowa, mile akɛ onyɛɔ nɔ fɛɛ nɔ ofeɔ, ni oyiŋtoo ko bɛ ni aaanyɛ naa aku.

Lalai 90:13

Oo Yehowa, mɛɛ be yinɔ nɔŋŋ omli aaafu kɛyashi? Naa otsuji mɔbɔ.

Lalai 93:1

Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

Lalai 95:3

Ejaakɛ Nyɔŋmɔ kpeteŋkple ji Yehowa, Maŋtsɛ ni fe nyɔŋmɔi fɛɛ.

Yesaia 50:2

“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.

Yeremia 32:17

“Ao! Nuŋtsɔ Nyɔŋmɔ, bo obɔ ŋwɛi kɛ shikpɔŋ yɛ ohewalɛ kpeteŋkple lɛ kɛ onyɛmɔ naa; nɔ ko nɔ ko shɛɛɛ bo feemɔ.

Yeremia 32:27

“Naa, mi ji Yehowa, gbɔmɛi adesai fɛɛ aNyɔŋmɔ lɛ. Ani nɔ ko shɛɔ mi feemɔ?

Daniel 6:20

Be ni ebɛŋkɛ bu lɛ naa he ni Daniel yɔɔ lɛ, ewo egbee nɔ, ni ekɛ awerɛho gbee bo ekɛɛ akɛ, “Ao! Daniel, Nyɔŋmɔ hiɛkãalɔ lɛ tsulɔ, ani oNyɔŋmɔ lɛ ni osɔ̃mɔɔ lɛ daa lɛ enyɛ ejie bo yɛ jatai lɛ adɛŋ lo?”

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zakaria 8:6

Kɛji gbalɛ nɛɛ yɛ naakpɛɛ yɛ mɛi ni eshwɛ bei nɛɛ amli yɛ maŋ nɛɛ mli lɛ ahiɛ lɛ, ani mi hu eeefee naakpɛɛ yɛ mihiɛ lo? Yehowa Taiatsɛ lɛ kɛɛ.

4 Mose 11:23

Kɛkɛ ni Yehowa kɛɛ Mose akɛ, “Ani Yehowa bɛ hewalɛ yɛ nɔ fɛɛ nɔ nɔ lo? Miwiemɔ lɛ aaaba mli jio, ebaŋ mli jio, obaana ŋmɛnɛ!”

Mateo 14:31

Ni amrɔ lɛ Yesu kpã enine mli esɔo lɛ, ni ekɛɛ lɛ akɛ, “Bo ni ohemɔkɛyeli faaa, mɛni hewɔ oje ŋwane?”

Mateo 19:26

Shi Yesu kwɛ amɛ, ni ekɛɛ amɛ akɛ, “Gbɔmɛi agbɛfaŋ lɛ anyɛŋ enɛ afee; shi Nyɔŋmɔ gbɛfaŋ lɛ aaanyɛ nii fɛɛ afee.”

Mateo 3:9

Ni nyɛkasusua ni nyɛkɛɛ yɛ nyɛmli akɛ, ‘Wɔ lɛ wɔtsɛ ji Abraham;’ shi miikɛɛ nyɛ akɛ, Nyɔŋmɔ aaanyɛ etee bii ashi kɛjɛ tɛi nɛɛ amli ehã Abraham.

Marko 10:27

Yesu kwɛ amɛ ni ekɛɛ, “Gbɔmɛi agbɛfaŋ lɛ anyɛŋ afee, shi jeee yɛ Nyɔŋmɔ gbɛfaŋ; ejaakɛ Nyɔŋmɔ gbɛfaŋ lɛ anyɛɔ nii fiaa afeɔ.”

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Luka 1:18

Ni Zakaria kɛɛ bɔfo lɛ akɛ, “Mɛni mikɛaale enɛ? Mi lɛ nuumo ji mi, ni miŋa hu egbɔ.”

Luka 1:37

Ejaakɛ nɔ ko nɔ ko bɛ ni Nyɔŋmɔ nyɛŋ afee.”

Luka 8:50

Shi be ni Yesu nu lɛ, ehere nɔ ni ekɛɛ Yairo akɛ, “Kaashe gbeyei; hemɔ oye kɛkɛ, ni eyi aaana wala!”

Romabii 4:21

ni eyɛ hewalɛ yɛ nɔ jogbaŋŋ akɛ nɔ ni Nyɔŋmɔ ewo he shi lɛ, eeenyɛ efee hu.

Efesobii 3:20

Shi mɔ ni nyɛɔ efeɔ kɛtekeɔ nɔ babaoo fe nii fɛɛ ni wɔkpaa he fai loo wɔjwɛŋɔ, yɛ ehewalɛ ni tsuɔ nii yɛ wɔmli lɛ naa lɛ,

5 Mose 30:3

no lɛ Yehowa, nyɛNyɔŋmɔ lɛ aaana nyɛ mɔbɔ ekoŋŋ. Emusuŋ aaatsɔ̃ lɛ, ni eeeku sɛɛ ebua nyɛnaa kɛaajɛ majimaji anɔ hei fɛɛ ni Yehowa, nyɛNyɔŋmɔ lɛ, egbɛ nyɛ eshwã lɛ kɛaaba.

5 Mose 7:21

Nyɛtsui akafãa yɛ amɛhewɔ, ejaakɛ Yehowa, nyɛNyɔŋmɔ lɛ, ni ji Nyɔŋmɔ kpeteŋkple ni he yɔɔ gbeyei lɛ, ji mɔ ni yɔɔ nyɛteŋ lɛ.

Filipibii 3:21

Lɛ ebaatsake wɔgbɔmɔtso ni hiɛ bɛ nyam lɛ koni etamɔ enunyam gbɔmɔtso lɛ su, yɛ ehewalɛ nitsumɔ ni ekɛnyɛɔ eŋɔɔ nibii fɛɛ ewoɔ eshishi hu lɛ naa lɛ.

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Hebribii 11:19

ejaakɛ ebu akɛ Nyɔŋmɔ yɛ hewalɛ ni ekɛaatee lɛ shi kɛaajɛ gbohii ateŋ tete, ni lɛɛlɛŋ, kɛ aaawie lɛ abɛbuaŋ lɛ, enine shɛ enɔ ekoŋŋ kɛjɛ jɛi.

Kojolɔi 13:3

Yehowa bɔfo jie ehe kpo etsɔ̃ɔ yoo lɛ, ni ekɛɛ lɛ akɛ, “Kene ji bo, ni obɛ bi; shi agbɛnɛ obaana musu, ni obaafɔ binuu.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”